EDRC զեկույց. 2017 թվականին տնտեսական աճը Հայաստանում կկազմի 3.9%

Արմինֆո. Ըստ Տնտեսական հետազոտության և զարգացման կենտրոնի (EDRC) զեկույցի, ՀՀ կառավարությունը կանխատեսումէ, որ 2017 թվականին երկրի տնտեաական աճը կկազմի 3.9%, 2018-2019 թվականներին համապատասխանաբար`մինչև 4% և 4.1% բարձրանալու միտումով: Այս մասին մարտի 9-ին «2016 թվականի տնտեսական զեկույց»-ի շնորհանդեսի ընթացքում հայտարարել է EDRC նախագահ Մուշեղ Թումասյանը, ընդգծելով, որ կանխատեսումն արվել է ծախսերի պետական միջնաժամկետ ծրագրի շրջանակներում:

Դրական միտումներն ընթացիկ տարում Թումասյանը պայմանավորել է արդյունաբերական հատվածի 6%, գյուղատնտեսության`4%, շինարարության`0,2% և ծառայությունների ոլորտի`4,1% աճով: Նա նշել է, որ եկամուտները և դրամաշնորհները ՀՆԱ կառուցվածքում 2017 թվականին կկազմեն 21.6% (2016-ին `21,8%) կամ 1.2 տրլն.դոլար, հարկերի մասնաբաժինը կաճի 20.7%, 2016-ի 20,4% փոխարեն, մինչև 1,1 տրլն. դրամ, ծախսերը կնվազեն մինչև 24.4% (2016-ին` 25,3%) կամ 1,4 տրլն. դրամ, իսկ բյուջեի դեֆիցիտը`2,8%, 2016-ի 3.5%-ի փոխարեն, մինչև 155 մլրդ. դրամ: Միևնույն ժամանակ,  Թումանյանը նշել է, որ 2017 թ. արտահանման աճը կանխատեսվում է 5.5% (2018-ին `5,8%, իսկ 2019-ին `6.1%), իսկ ներմուծումը կաճի 5,1% (2018-ին `5, 2%, 2019-ին `5.5%):

Ըստ EDRC հետազոտության, երկրի արտաքին պարտքը 2017-ին կկազմի ՀՆԱ-ի 39%-ը, 2018 և 2019 թվականներին համապատասխանաբար` 38% և 37,5% նվազելու միտումներով: Նա ընդգծել է, որ Ռուսաստանի 1% տնտեսական աճի կանխատեսման հետևանքով Հայաստանում կավելանա ՌԴ-ից տրանսֆերտների ներհոսքը: Նա նշել է, որ Հայաստանը, այնուամենայնիվ, ունի արտաքին պարտքի մեծ բեռ, ինչպես նաև հարկային անկայուն քաղաքականության պրոբլեմներ:

Իսկ ՀՀ տնտեսական զարգացման և ներդրումների փոխնախարար Տիգրան Խաչատրյանն ընդգծել է, որ տարեսկզբին 17% ավելացել է համախառն արդյունաբերական արտադրության շրջանառությունը, իսկ արտահանումը` ավելի քան 35%, ինչը, նրա խոսքով, հիմք է տնտեսական ցուցանիշների առումով դրական կանխատեսումների համար: Նրա խոսքով, հնչեցված թվերը չեն կարող լինել հանգստության առիթ, այլ հակառակը, պետք է մղեն հետագա գործողությունների: «Ես հասկանում եմ, որ հանրությունն ուզում է տեսնել ավելի զգալի ցուցանիշներ, բայց դժվարին պայմանները նույնպես ունենում են իրենց դրական կողմերը, նպաստելով տնտեսության կայունությանը և մրցունակությանը, ինչն ուգնում է բացահայտել տնտեսության թույլ կողմերը և օգնել արդյունավետ լուծումների բացահայտմանը»,- նշել է նա:

Նշենք, որ հնչեցված կանխատեսումների շուրջ ավելի մասնրամասն խոսելու լրագրողների փորձերը փոխնախարարը խնդրեց հետաձգել մինչև միջոցառման ավարտը, բայց շուտովբ լքեց միջոցառումը, չկատարելով իր խոստումը:

Ըստ Համաշխարհային բանկի հունվարի կանխատեսման, Հայաստանի ՀՆԱ-ն աճը 2017 թվականին կկազմի 2,7%, ԱՄՀ-ն կանխատեսում է 3.4% աճ: Ընդ որում, ԱՄՀ-ն և Համաշխարհային բանկը Ռուսաստանի ՀՆԱ-ի աճը 2017 թ.-ին կանխատեսում է`1.5%: ՎԶԵԲ-ը դեռ չի տվել Հայաստանի ՀՆԱ 2017 թ.-ի իր կանխատեսումները, իսկ ԵԱԶԲ-ն կանխատեսում է 2,9% աճ: Fitch- ը կանխատեսում է 2,1% աճ: ՀՀ ԿԲ-ն 2017 թվականի  փետրվարին հրապարակեց երկրի 2017 թվականի ՀՆԱ-ի աճի իր կանխատեսումը, որը կկազմի 2.2-3.2%: ՀՀ 2017 թվականի պետական ​​բյուջեով ՀՆԱ աճը կկազմի 3,2%: Ըստ ՀՀ Ազգային վիճակագրական ծառայության տվյալների, ՀՆԱ-ի աճը կազմել է 0.2%, արտաքին առևտրի շրջանառությունն աճել է 7,4%, մասնավորապես, արտահանումը`20%, իսկ ներմուծումը`1.6%: Հայաստանի արտաքին պարտքը 2016-ին աճել է 11%, մինչեւ $ 4,8 մլրդ, գրեթե պահպանելով այդ մակարդակը նաև 2017 թվականի հունվարին: