Արմինֆո. 2017 թվականի հուլիսի 1-ից, Եվրասիական տնտեսական հանձնաժողովի որոշմամբ, Հայաստանում, Ռուսաստանում, Ղրղզստանում, Ղազախստանում և Բելառուսում տրանսպորտային միջոցներն անցնում են էլեկտրոնային անձնագրերի:
Հուլիսի 1-ից հետո ավտոմեքենա գնած քաղաքացուն չի տրվի թղթե անձնագիր: Օրենքի ուժի մեջ մտնելուց հետո, ավտոմեքենաների հին և նոր սեփականատերերի մասին տեղեկատվությունը կպահվի միայն էլեկտրոնային տվյալների բազայում: Մեքենայի ներկայիս սեփականատերն անհրաժեշտության դեպքում կարող է դրանք պահանջել: Ճանապարհային ոստիկանության աշխատակիցներն ազատ մուտք կունենան դեպի էլեկտրոնային բազան:
Արտադրվող բոլոր ավտոմեքենաները հուլիսի 1-ից կունենան էլեկտրոնային անձնագրեր, և ներմուծվող ավտոմեքենաների համար էլեկտրոնային բազան կվարի Ռուսաստանի մաքսային ծառայությունը: Նախագծի լիարժեք աշխատանքի համար անհրաժեշտ են օրենսդրական նախաձեռնություններ, որոնք կկանոնակարգեն թվայնացված փաստաթուղթը:
Բոլոր այդ օրինագծերը պետք է ընդունվեն մինչև հուլիսի 1-ը, այսինքն, մինչև Եվրասիական համաձայնության ուժի մեջ մտնելը:
RUB | 4.22 | 0.04 |
USD | 388.60 | -1.44 |
EUR | 416.73 | 1.10 |
GBP | 485.98 | 4.24 |
CAD | 284.02 | -0.58 |
JPY | 24.99 | -0.21 |
CNY | 53.63 | -0.19 |
CHF | 425.54 | -2.14 |