Ուրբաթ, 24 Մարտի 2017 18:58
Ալեքսանդր Ավանեսով

Եվրոպական ներդրումային բանկը հետաքրքրված է Հայաստանի էներգետիկայի ոլորտում ներդրումներ կատարելու հարցում

Եվրոպական ներդրումային բանկը հետաքրքրված է Հայաստանի էներգետիկայի ոլորտում ներդրումներ կատարելու հարցում

Արմինֆո. Եվրոպական ներդրումային բանկը հետաքրքրված է Հայաստանի էներգետիկայի ոլորտում ներդրումներ կատարելու հարցում: Այս մասին մարտի 24-ին ՀՀ էներգետիկ ենթակառուցվածքների և բնական պաշարների նախարար Աշոտ Մանուկյանի հետ հանդիպման ընթացքում հայտարարել է Բանկի փոխնախագահ Վազիլ Հուդակը:

Ինչպես ԱրմԻնֆո գործակալությունը տեղեկացվել է նախարարության մամուլի ծառայությունից, քննարկվել են Հայաստանի էներգետիկ ոլորտներում իրականացվող ներդրումային ծրագրերում բանկի ներգրավվածության ընդլայնման հնարավորությունները։

Խոսելով հետագա համագործակցության հեռանկարների մասին՝ Վազիլ Հուդակին հայտնել է Եվրոպական ներդրումային  բանկի մտադրությունները Հայաստանի էներգետիկ համակարգում ներդրումներ իրականացանելու վերաբերյալ։ Բանկը հետաքրքրված է ինչպես էներգախնայողության և վերականգնվող էներգետիկայի, այնպես էլ այլ ուղղություններով նախատեսվող ծրագրերով։ Վազիլ Հուդակին պատրաստակամություն է հայտնել համագործակցել տարբեր  մակարդակներում, այդ թվում՝ պետական-մասնավոր հատվածում։

Հյուրերի խնդրանքով Աշոտ Մանուկյանը ներկայացրել է էներգետիկ ոլորտի այն կոնկրետ ծրագրերը, որոնց իրականացման շրջանակներում Հայաստանը կցանկանար համագործակցել բանկի հետ։ Դրանք վերաբերել են ինչպես նոր արտադրող հզորությունների ստեղծմանը, այնպես էլ առկա պոտենցյալի արդիականացմանը։

Նշենք, որ ավելի վաղ Երևանում ստորագրվել էին փաստաթղթեր, որոնք ուղղված էին ԵՆԲ կողմից հայաստանյան մի շարք նախագծերի ֆինանսավորմանը: Մասնավորապես՝ ստորագրվել են Հայաստանի Հանրապետության և Եվրոպական ներդրումային բանկի միջև «Կովկասյան էլեկտրահաղորդման ցանց» ֆինանսական պայմանագիրը, «Կովկասյան էլեկտրահաղորդման ցանց» (Էլեկտրահաղորդման գիծ Հայաստան- Վրաստան և ենթակայան) ծրագրի փոխըմբռնման հուշագիրը և Հայաստանի Հանրապետության էներգետիկայի և բնական պաշարների նախարարության և Վերակառուցման և զարգացման եվրոպական բանկի միջև ներդրման համաձայնագիրը / E5P/:

Էներգախնայողությունը և վերկանգնվող էներգետիկան Հայաստանի էներգետիկայի զարգացման ռազմավարական ուղղություններից են և Ներդրման Համաձայնագրի կնքումը կարևոր քայլ է՝ ուղղված էներգետիկայի բնագավառում Հայաստան-Եվրամիություն համագործակցության զարգացմանը: Համաձայնագրի ստորագրումից հետո E5P հիմնադրամի միջոցները կուղղվեն հանրային տարբեր ոլորտներում, մասնավորապես` վերականգնվող էներգետիկայի ծրագրերին,  համայնքներում ջեռուցման, էներգամատակարարման  և լուսավորության էներգախնայող համակարգերի ներդրման ծրագրերին, ինչպես նաև շրջակա միջավարի պահպանության համար կարևոր՝ կեղտաջրերի և կոշտ թափոնների կառավարման և վերամշակման ծրագրերի իրականացմանը: 2009թ. Եվրոպական Միությունում Շվեդիայի նախագահության ժամանակահատվածում ստեղծվել է «Արևելյան Եվրոպայի էներգախնայողություն և շրջակա միջավայր գործընկերություն E5P» հիմնադրամը, որին ի սկզբանե միացել է Ուկրաինան, հետագայում նաև առաջարկվել է արևելյան գործընկեր երկներին՝ Հայաստանին, Վրաստանին, Ադրբեջանին, Մոլդովային: E5P հիմնադրամի դոնորներ են՝ Շվեդիան, Նորվեգիան, Դանիան, Գերմանիան, Չեխիան, Լեհաստանը և այլ երկրներ: Իրականացնող գործակալություններ են՝ Վերակառուցման զարգացման եվրոպական բանկը, Եվրոպական ներդրումային բանկը, Համաշխարհային բանկը, Հյուսիսային շրջակա միջավայրի ֆինանսական կորպորացիան և միջազգային ֆինանսական այլ կազմակերպություններ: Համագործակցության առաջին փուլում Հայաստանը ներդնելով 1մլն եվրո, կստանա մոտ 20մլն եվրո դրամաշնորհ: Այդ միջոցները պետք է օգտագործվեն ավելի մեծ ներդրումային ծրագրերում: Հայաստանում իրականացվելիք ծրագրերի նպատակն է վերջնական շահառուի՝ ՀՀ քաղաքացու համար տնտեսապես շահավետ դարձնել էներգախնայողության, վերականգնվող էներգետիկայի և շրջակա միջավայրի բարելավման ծրագրերը: Համաձայնագրի ստորագրումից հետո նախատեսվող ծրագրերը կանցնեն քննարկման փուլ և Հայաստանի կողմից հավանության արժանանալու դեպքում կսկսվի դրանց իրականացումը: Ստորագրված մյուս երկու կարևոր փաստաթղթերը   հնարավորություն կտան ավարտին հասցնել էներգետիկայի բնագավառի համար ռազմավարական նշանակություն ունեցող` Հայաստան-Վրաստան 400 կՎ լարման էլեկտրահաղորդման գծի կառուցման առաջին փուլի ֆինանսավորման հարցերը:

Այդ ծրագրի հետ կապված` դեռևս 2014 թ. դեկտեմբերին ՀՀ կառավարության և Գերմանիայի զարգացման վարկերի KFW բանկի միջև ստորագրվել էին 2 վարկային համաձայնագրեր` 85.2 մլն եվրո ընդհանուր գումարով: Եվրոպական ներդրումային բանկի հետ ստորագրված համաձայնագրի հիման վրա Հայաստան-Վրաստան 400 կՎ էլեկտրահաղորդման գծի կառուցման նպատակով կտրամադրվի 10 մլն եվրո այսպես կոչված` «փափուկ վարկ», իսկ Եվրամիության հետ ստորագրված փոխըմբռնման հուշագիրը կապված է համապատասխան դրամաշնորհ տրամադրելու հետ:


Նորություններ


Արտ. փոխարժեքները
27.10.2020
RUB6.44-0.01
USD493.18-0.06
EUR582.25-0.17
GBP642.22-1.26
CAD373.79-0.36
JPY47.140.11
CNY73.62-0.33
CHF542.31-1.44



Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000