Արմինֆո. Անցկացված մեծ նախապատրաստական աշխատանքի, վրացի և ռուս գործընկերների հետ բանակցությունների շնորհիվ ՀԿԵ-ն պատրաստ է Հայաստանի և Ռուսաստանի միջև միջանցիկ սակագնային տոկոսադրույքով բեռնափոխադրման համալիր ծառայություն առաջարկել շուկային: Այդ մասին ԱրմԻնֆո-ին հայտարարել է «Հարավկովկասյան երկաթուղի» ՓԲԸ գլխավոր տնօրենի ֆինանսների և տնտեսության գծաով տեղակալ Իլյա Կելպերիսը: Նրա ասելով, դա տեղի է ունեցել մի շարք օբյեկտիվ պատճառներով, քանի որ միայն հիմա են ձևավորվել այնպիսի պայմաններ, որոնք մեզ թույլ են տալիս մրցակցային առաջարկություն ներկայացնեկլ: Խոսքը վերաբերում է, առաջին հերթին, տարածաշրջանի տնտեսության ճգնաժամային երևույթներին և բեռնափոխադրումների ծավալների նվազմանը, ինչը խթանում է մրցակցային պայքարն ու հանգեցնում այնպիսի որոշումներ կայացնելու անհրաժեշտության, որոնք բնորոշ չեն փոխադրումների ծավալների աճի շրջանին: Եվ շուկայի բոլոր մասնակիցները դա լավ հասկանում են:
Միայն համալիր լուծումն է թույլ տալիս ապահովել մրցակցային պայմաններ: «Եվ աջակցության ու ըմբռնման համար մենք չափազանց երախտապարտ ենք Հայաստանի կառավարությանը, հատկապես, վարչապետ Կարեն Կարապետյանին, մեր բաժնետեր «ՌԵՈՒ» ԲԲԸ-ին, որը պայմաններ է ձևավորել հայ արտադրողների արտադրանքի փոխադրումների աշխարհագրության ընդլայնման համար, մեր վրացի գործընկերներին, որոնք արտոնյալ պայմաններ են տրամադրել լաստանավային անցման միջոցով բեռնափոխադրումների համար: Արդյունքում` հետ գնելով լաստանավի սլոթ-չարթերը, ՀԿԵ-ն այժմ կարող է տրամդրել Հայաստան-Ռուսաստան-Հայաստան բեռնափոխադրումների եզակի պայմաններ` միջանցիկ սակագնային տոկոսադրույքով, որն ավելի քան երկու անգամ ցածր նախորդից», - հայտարարել է Ի.Կելպերիսը:
Գլխավոր տնօրենի տեղակալը նշել է, որ ներկա պահի դրությամբ առաջին կարգի բեռների (քար, շինանյութ, հանքային հումք և այլն) Երևանից Մոսկվա փոխադրման արժեքը կազմում է 70 դոլար 1 տոննայի դիմաց, դեպի Սանկտ Պետերբուրգ` 75 դոլար 1 տոննայի դիմաց, Նովոսիբիրսկ` 85 դոլար 1 տոննայի դիմաց, Կրասնոյարսկ` 90 դոլար 1 տոննայի դիմաց, Խաբարովսկ` 110 դոլար 1 տոննայի դիմաց: Իսկ ավտոտրանսպորտով 1 տոննայի դիմաց 110 դոլարով բեռները հասցվում են, լավագույն դեպքում, միայն մինչև Մոսկվա: Իսկ Մոսկվայից մինչև Խաբարովսկ դեռ 9 հազար կիլոմետր կա: «Իսկ ինչ վերաբերում է առաջարկության արդիականությանը, ապա մենք կարծում ենք, որ ապրանքը բավականին պահանջված կլինի, հաշվի առնելով այն մեծ հնարավորությունները, որոնք նա բացում է բիզնեսի առջև», - նշել է Ի.Կելպիրիսը: Նա, առաջին հերթին, նշել է հայկական ապրանքների մատակարարումների աշխարհագրության ընդլայնումն Ուրալից այն կողմ, Սիբիրի և Հեռավոր արևելքի շուկաների յուրացումը: «Կարծուըմ եմ, որ Ճապոնական ծովի ափին հայկական տուֆից տուն կառուցելը պակաս հարգի չէ, քան` Սևանի ափին: Եվ մենք ակնկալում ենք, որ Ռուսաստանի բազմամարդ հայկական համայնքն աննկատ չի թողնի բացվող հեռանկարները», - ասել է գլխավոր տնօրենի տեղակալը:
«ՀԿԵ» ՓԲԸ-ն հանդիսանում է «Ռուսական երկաթուղիներ» ԲԲԸ-ի 100% դուստր ընկերություն և իրականացնում է Հայաստանի երկաթուղային համակարգի կոնցեսիոն կառավարումը: Համաձայն 2008 թ. փետրվարի 13-ին Երևանում կնքված պայմանագրի՝ կոնցեսիոն կառավարման ժամկետը կազմում է 30 տարի՝ կողմերի փոխադարձ համաձայնությամբ ևս 10 տարի երկարացման իրավունքով:
Տնտեսագետ. Թուրքական ներմուծման արգելքը պետք է լրացնել ներմուծման փոխարինմամբ
Էկոնոմիկայի նախարարը Կանադայի դեսպանի հետ քննարկել է ֆինանսատնտեսական ոլորտում համագործակցության ակտիվացման հնարավորությունները
Ֆինանսների նախարարությունը 2020 թվականի համար կանխատեսում Է բյուջեի դեֆիցիտ՝ ՀՆԱ-ի 7,4 տոկոսի չափով
Պետությունը հակաճգնաժամային 15-րդ միջոցառման շրջանակներում 1000 ժամանակավոր աշխատատեղ կստեղծի