Չորեքշաբթի, 5 Ապրիլի 2017 16:52
Կարինա Մելիքյան

Ռուսաստանը պահպանում է առաջատարությունը Հայաստանի առևտրային գործընկերների թվում

Ռուսաստանը պահպանում է առաջատարությունը Հայաստանի առևտրային գործընկերների թվում

Արմինֆո. Հայաստանի և Ռուսաստանի միջև արտաքին առևտրաշրջանառությունը 2017 թ. հունվար-փետրվարին 2016 թ.նույն ժամանակաշրջանի համեմատ աճել է 23,2%-ով՝ մինչև $233.7 մլն, և դա առաջատար ցուցանիշ է առևտրային գործընկերների թվում: ՀՀ Ազգային վիճակագրական ծառայության տվյալներով՝ Հայաստանից Ռուսաստան ապրանքների արտահանման ծավալը դիտարկվող ժամանակաշրջանում աճել է

53%-ով՝ մինչև $64.6 մլն՝ Ռուսաստանից ներմուծման ծավալի ավելի համեստ աճի դեպքում՝ 14,7%-ով, մինչև $169.1 մլն: Արտահանման և ներմուծման գծով նույնպես Ռուսաստանն առաջատարություն է պահպանում Հայաստանի առևտրային գործընկերների թվում: Որպես համեմատություն՝ նշենք, որ մեկ տարի առաջ նույն ժամանակաշրջանում Հայաստանի և Ռուաստանի միջև արտաքին առևտրաշրջանառության աճի տեմպերը շատ ավելի համեստ էին՝  7,8%, ներմուծման 4,8% անկման պատճառով, արտահանման 2 անգամ աճի պայմաններում:

Հայաստանի հետ արտաքին առևտրաշրջանառության գծով երկրորդ տեղում Չինաստանն է՝ $81.4 մլն (տարեկան աճը 51,4%), որից ներմուծմանը բաժին է ընկնում $63.7 մլն (տարեկան աճը 65,9%), իսկ արտահանմանը՝ $17.8 մլն (տարեկան աճը 15,3%):

Արտաքին առևտրաշրջանառության գծով երրորդ տեղում է հայտնվել Շվեյցարիան՝ ապահովելով Հայաստանի հետ առևտրային գործառնությունների 21,2 անգամ աճ՝ մինչև $44.5 մլն, արտահանման՝ 299,5  անգամ, մինչև $34.1  մլն ծանրակշիռ աճի հաշվին, ներմուծման՝5,2 անգամ, մինչև $10.4 մլն աճի պայմաններում: 

Արտաքին առևտրաշրջանառության ծավալով չորրորդ և հինգերորդ տեղերում են Բուլղարիան և Գերմանիան՝ համապատասխանաբար $41 մլն և $39 մլն: Ըստ որում, Գերմանիան տարեկան կտրվածքով իջել է երկու աստիճանով, իսկ Բուլղարիան, ընդհակառակը, բարձրացել է մեկ աստիճանով: Բուլղարիա արտահանման ծավալը 2017 թ.հունվար-փետրվարին կազմել է $36.8 մլն՝ 52,8% տարեկան աճով, ներմուծման՝ 37,2%, մինչև $4.2 մլն անկման պայմաններում: Իսկ Գերմանիա արտահանումն այդ ժամանակաշրջանում աճել է տարեկան 3,8%-ով, մինչև $22.3 մլն, ներմուծման՝ 8,7%-ով, մինչև $16.7 մլն անկման պայմաններում:

Ռուսաստանից հետո արտահանման ծավալով TOP-5-ում են հայտնվել Բուլղարիան, Շվեյցարիան, Գերմանիան և Վրաստանը՝ 6-րդ դիրք հետ մղելով Չինաստանին, իսկ ներմուծման ծավալով առաջատարին՝ ի դեմս Ռուսաստանի, զիջում են Չինաստանը, Թուրքիան, Իրանը և Գերմանիան, որոնց ընդհուպ մոտեցել են Իտալիան և ԱՄԷ-ն: 

Հայաստանի արտաքին առևտրաշրջանառության ընդհանուր ծավալը 2017 թ. հունվար-փետրվարին կազմել է $761 մլն՝ տարեկան կտրվածքով ավելանալով 22,2%-ով (մեկ տարի առաջ 1,7% անկման փոխարեն): Արտահանումը դիտարկվող ժամանակաշրջանում աճել է 20,1%-ով, մինչև $273.7 մլն, իսկ ներմուծումը՝ 23,5%-ով, մինչև $487.3 մլն, մինչդեռ մեկ տարի առաջ հունվար-փետրվարին դիտվել է տարաուղղված դինամիկա՝ արտահանման 23,6% աճն ուղեկցվել է ներմուծման 12,2% անկումով: Հայաստանի արտաքին առևտրաշրջանառության կառուցվածքում ԱՊՀ երկրներին բաժին է ընկնում 33,2%, ԵՄ-ին 22,3%, այլ երկրների (այդ թվում՝ ԱՄՆ, Չինաստան, ԱՄԷ, Վրաստան, Իրան, Իրաք, Թուրքիա)՝ 44,5%, ինչն աննշան տարբերվում է մեկ տարի առաջվա ցուցանիշներից՝ համապատասխանաբար 32,5%, 22,6% և 44,9%:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
02.04.2020
RUB6.430.03
USD504.50-0.46
EUR551.62-0.45
GBP628.414.33
CAD357.503.19
JPY47.010.09
CNY71.06-0.29
CHF521.99-0.20



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000