Արմինֆո. Հայաստանում, Վրաստանում, Մոլդովայում և Բելառուսում մեկնարկել է «իԴրոն» նախագիծը («Անօդաչու թռչող սարքերի ուսումնասիրություն»), որն իրագործվում է Եվրամիության «Արևելյան գործընկերություն» ծրագրի շրջանակում:
Նախագծի նպատակն է փոխացնել Արևմուտքի փորձը տեղեկատվական տեխնոլոգիաների ոլորտում և օգնել ուսումնական կենտրոններ բացել անօդաչու թռչող սարքերի (ԱՍԹ) ուսումնասիրության և պատրաստման համար։ Նախաձեռնությունը միավորում է ութ երկիր ՝Իտալիա, Ֆրանսիա, Լեհաստան, Ռումինիա, Հայաստան, Վրաստան, Մոլդովա, Բելառուս։ Երեք տարի տևողություն ունեցող նախագծի ընդհանուր բյուջեն կազմում է 1 միլիոն եվրո։ Գումարը բաշխվելու է մասնակից երկրների 17 համալսարանների ու ընկերությունների միջև։ Եռամյա ծրագրի արդյունքում երկրները կմշակեն սեփական կրթական ծրագրերը և իրենց հիմքի վրա կստեղծեն անօդաչու թռչող սարքերի ուսումնասիրության կենտրոններ։Նախագիծը ֆինանսավորվում է ԵՄ Erasmus+ ծրագրի շրջանակում, որը գործում է 2014-2020թթ.:
eDrone նախագծում Հայաստանը ներկայացնում են Հայաստանի պետական ճարտարագիտական և Հայաստանի պետական տնտեսագիտական համալսարանները։ Առաջինում կստեղծվի լաբորատորիա, երկրորդը կզբաղվի ծրագրի տնտեսական հիմնավորմամբ։
RUB | 4.21 | 0.02 |
USD | 392.60 | -1.47 |
EUR | 418.04 | -2.71 |
GBP | 488.12 | -3.60 |
CAD | 285.09 | -1.38 |
JPY | 25.40 | -0.12 |
CNY | 54.22 | -0.22 |
CHF | 432.05 | -1.61 |