2016 թվականին Ամերիաբանկը հիմնական ցուցանիշներով ամրապնդեց առաջատարի իր դիրքերը, արագացնելով մանրածախ բիզնեսի շրջանառությունը

Արմինֆո. 2016 թվականին Ամերիաբանկը հիմնական ցուցանիշներով ամրապնդեց առաջատարի իր դիրքերը, ագզլիորեն արագացնելով մանրածախ բիզնեսի շրջանառությունը: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, Ֆիզիկական անձանց բանկային ավանդները  (ցպահանջ և ժամկետային, այդ թվում նաև պարտատոմսերով ներգրավված միջոցները) աճել են 19%, մինչև 170,607 մլրդ դրամ, իսկ մանրածախ վարկավորման ծավալն աճել է 26%, մինչև 60,240 մլրդ դրամ:

Հաջողություններն առկա են նաև պլաստիկ շուկայում: Մասնավորապես, Ամերիաբանկի քարտերով շրջանառության գործարքները 2016-ին աճել են 20%, մինչև 124,526 մլրդ դրամ: Սեփական POS-տերմինալների թիվն աճել է 55%, մինչև 1397 հատ, 33% ավելացրել է նաև փոստտերմինալներով գործարքների շրջանառությունը, մինչև 25,572 մլրդ դրամ: Ամերիաբանկի պլաստիկ քարտերի թիվը 2016-ին ավելացել է 6.7 հազարով կամ 10%, մինչև 75 154 հատ:

Ամերիաբանկի հաճախորդների բազան 2016-ին աճել է 95057 հաճախորդով, 2015-ի 87870-ի փոխարեն, իսկ տարեկան աճը կազմել է 8%:

Ամերիաբանկը Հայաստանի պատմության մեջ առաջին անգամ կարողացավ արձանագրել վարկավորման աննախադեպ ծավալ, որը 2017 թվականի հունվարի 1-ին կազմեց ավելի քան 1 մլրդ.դրամ: 2016 թվականի արդյունքներով Ամերիաբանկը շուկայի առաջատարն է բոլոր հիմնական ցուցանիշներով`ակտիվներով, պարտավորություններով, վարկային պորտֆելով, ավանդներով, շահույթով և կապիտալով:

Ըստ ԱրմԻնֆո գործակալության` Հայաստանի Բանկերի Ֆինանսական Վարկանիշի, 2016 թվականին Ամերիաբանկի ակտիվներն աճել են 39.2%  մինչև 718.3 մլրդ դրամ կամ $ 1.5 մլրդ, վարկային պորտֆելի 61.4% աճի և պետական պարտատոմսերում կատարված 44.2% ներդրումների հաշվին: Արդյունքում, բանկի վարկավորման ծավալը հասավ 511.6 մլրդ դրամի կամ $ 1.1 մլրդ-ի, իսկ ներդրումները պետական ​​պարտատոմսերում հասան 47.5 մլրդ դրամի կամ $ 98.1 մլն-ի, ընդհանուր կապիտալն աճեց 8.6%, մինչև 64.4 մլրդ դրամ, կամ $ 133,1 մլն, հիմնականում կուտակված շահույթի 23.4% աճի, մինչև 24.3 մլրդ դրամ կամ $ 50.1 մլն: 2016 թվականն Ամերիաբանկը եզրափակել է 6,2 մլրդ դրամ կամ $ 12.8 մլն. զուտ շահույթով, աճը`29.2%: Ամերիաբանկի նորմատիվային ընդհանուր կապիտալը հասել է 81.9 մլրդ դրամի, ինչը գրեթե 3 անգամ գերազանցում է պահանջվող նվազագույն նորմատիվը (30 մլրդ դրամ): Կապիտալի համարժեքության նորմատիվը 2016 թվականի արդյունքներով կազմել է 15.87% (պահանջվող նորմատիվը`12%), իսկ ընդհանուր իրացվելիությունը`31,23% (պահանջվողը`15%), ընթացիկ իրացվելիությունը`133,17% (պահանջվողը`60 %), նախորդ տարվա, համապատասխանաբար, 15.07%, 29.91% և 151.26% փոխարեն:

Նշենք, որ «Ամերիաբանկ» ՓԲԸ ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: Բանկը հայաստանյան շուկայում գործում է 1996 թվականի հոկտեմբերի 31-ից: Ամերիաբանկն ունի 12 մասնաճյուղ, որից 8 գտնվում է մայրաքաղաքում, իսկ 4-ը`Հայաստանի մարզերում: 2017 թվականից Բանկի բաժնետերերն են` Ameria Group CY ՍՊԸ – 65.8%, ՎԶԵԲ - 20,7%, ESPS Holding Limited - 13,5%: