Անելիք Բանկն իր մասնաճյուղերում գործարկում է պետական ծառայությունների տրամադրման միասնական ծրագիրը

Արմինֆո. Անելիք Բանկը գործարկել է պետական ծառայությունների մատուցման միասնական ծրագիրը։ Ինչպես ԱրմԻնֆո գործակալությունը տեղեկացվել է Բանկի մամուլի ծառայությունից, ապրիլի 11-ին «Տիգրան Մեծ» մասնաճյուղում առաջին հաճախորդները հնարավորություն ստացան օգտվել պետական մի շարք ծառայություններից՝ անշարժ գույքի նկատմամբ իրավունքների պետական գրանցման, իրավաբանական անձանց գրանցման, չդատվածության մասին և քաղաքացիական ակտերի գրանցման վերաբերյալ և այլ տեղեկանքներ:

Աղբյորի համաձակ, համատեղ ծրագրի մեկնարկը հայտարարեցին ՀՀ Արդարադատության նախարար Արփինե Հովհաննիսյանը և Անելիք Բանկի վարչության նախագահ Ներսես Կարամանուկյանը և այլ պաշտոնատար անձիք:

Արդարադատության նախարար Արփինե Հովհաննիսյանը՝ կարևորելով ծրագրի գործարկումը Անելիք Բանկում,  նշեց, որ միասնական ծրագրի նպատակն է քաղաքացիների համար առավել մատչելի դարձնել այն ծառայությունները, որոնք մատուցում են տարբեր պետական մարմինները։ Նախարարը հավելեց, որ ծրագրի շնորհիվ ՀՀ քաղաքացիները հնարավորություն են ստանում  իրենց համար նախընտրելի վայրից ստանալ ծառայությունները՝ խնայելով  ժամանակն ու ռեսուրսները:

Անելիք Բանկի վարչության նախագահ Ներսես Կարամանուկյանը նշեց, որ Բանկը՝ մշտապես ընդլայնելով և կատարելագործելով մատուցվող ծառայություններն ու սպասարկման բարձր որակը, կիրառելու է այդ մոտեցումը նաև պետական համատեղ ծրագրի ոլորտում։ Ապագայում Անելիք Բանկի հաճախորդներն անգամ կկարողանան բանկ հաճախելուց մեկ օր առաջ՝ հեռախոսով, պատվիրել իրենց հարկավոր փաստաթղթերը։ Նաև նշվեց, որ պետական ծառայությունների մատուցման միասնական ծրագիրը մինչև ապրիլի վերջ կգործարկվի Բանկի երևանյան մասնաճյուղերում, իսկ մինչև մայիսի ավարտը նախատեսվում է ծրագիրը գործարկումը նաև Երևանից դուրս գտնվող մասնաճյուղերում:

Նշենք, որ նշված ծրագիրը ներդրվում է կառավարության կողմից իրականացվող բարեփոխումների շրջանակներում, արդարադատության նախարարության հետ համաձայնագրի հիման վրա: Այսպես, այս տարվա փետրվարից պետական ​​մարմինների որոշ գործառույթների սպասարկման օպերատոր դարձավ Արդշինբանկը, որ Իջևանի մասնաճյուղում գործարկեց պետական ​​ռեգիստրի և Անշարժ գույքի կադաստրի ծառայությունները: Մինչև տարեվերջ բանկն այդ գործընթացին կներառի ևս 10 մասնաճյուղ: Նույն ամսում (փետրվարի 8-ից) Կոնվերս Բանկի «Կիլիկիա» և «Նոր Նորք» մասնաճյուղերն արդարադատության նախարարության և իրավաբանական անձանց պետական ​​ռեգիստրի  հետ համագործակցության շրջանակներում սկսեցին իրականացնել մի շարք գործառույթներ` անհատ ձեռնարկատրերի պետական ​​գրանցում, ՍՊԸ-ների պետական ​​գրանցման հետ կապված գործառույթներ և այլ առևտրային գործառույթներ: Կոնվերս Բանկը նախատեսում է աստիճանաբար ընդլայնել այդ գործընթացում ներգրավված մասնաճյուղերի ցանցը, և իրականացնել այլ պետական ​​մարմինների գործառույթներ:

Հիշեցնենք, որ Անելիք Բանկի շուկայում գործում է 1996 թվականի հոկտեմբերից: 2016 թվականի նոյեմբերին իրականացված լրացուցիչ թողարկմից հետո Բանկի բաժնետերերի կազմը փոխվեց, միացավ կիպրոսյան FISTOCO LTD ընկերությունը, 59.68% բաժնեմասով, ինչը նվազեցրել նախկին բաժնետերերի մասնաբաժինը, դեմս Լիբանանյան ԿրեդիտԲանկ S.A.L ի, 100%-ից մինչև 40.32%: Բանկի անուղղակի մեծամասնական բաժնետերերն են հանդիսանում ֆիզիկական անձինք` Tarek J. Khalefe (CreditBank S.A.L) և Վարդան Դիլանյանը (FISTOCO ՍՊԸ): Բանկն ունի 14 մասնաճյուղ, որից 8-ը` Երևանում: