Արմինֆո. Արժույթի միջազգային հիմնադրամը, հաշվի առնելով 2017 թվականի առաջին եռամսյակում արձանագրված Հայաստանի տնտեսական ակտիվությունը, տարվա համար կանխատեսում է ՀՆԱ –ի 2.9% աճ: Այս մասին ապրիլի 12-ին Երևանում լրագրողներին հայտնել է ԱՄՆ հայաստանյան առաքելության ղեկավար Հոսեյն Սամիեին:
«2014 թվականից Հայաստանի տնտեսությունը գտնվում է արտաքին ցնցումների ազդեցության ներքո»,-հայտարարել է նա`երկրի տնտեսության ընդհանուր իրավիճակն ուսումնասիրելուց հետո: Մասնավորապես, էապես կրճատվել են դեպի երկիր տրանսֆերտների հոսքերը, իսկ միջազգային շուկայում ընկել են երկրից արտահանվող հիմնական ապրանքի`պղնձի խտանյութի գները: Դա բերել է երկրի վճարային հաշվեկշռի և քաղաքացիների վճարունակության նվազմանը: Արդյունքում, դիտվել է ներքին պահանջարկի և ներդրումների ծավալների կրճատում: «Հաշվի առնելով այս գործոնները, ՀՆԱ աճը 2016 թվականին կազմեց ընդամենը 0.2%, ինչն ուղեկցվեց սոցիալական անհավասարությամբ և դեֆլյացիոն ճնշումներով»,-նշել է նա, հավելելով, որ նշված բոլոր գործոնները բացասական ազդեցություն են թողել երկրի բյուջեի վրա:
Այնուամենայնիվ, ԱՄՀ-ն նշում է նաև դրական ազդանշանները Հայաստանի տնտեսությունում և հուսով է, որ տեղի կունենան կառուցվածքային բարեփոխումներ: Հետևաբար, կանխատեսման բարձրացումը պայմանավորված է նաև հարկերի հավաքագրման բարձր մակարդակով, տրանսֆերտների և պղնձի համաշխարհային գների աճով: Բարձր ակնկալիքները պայմանավորված են նաև կապիտալ ծրագրերի իրականացման`2016-ի դեկտեմբերին նախատեսվածից ավելի բարձր մակարդակով, որոնք ֆինանսավորվում են արտաքին աղբյուրներից: Իսկ այդ ֆինանսավորման բացակայության դեպքում կանխատեսումը կլիներ 2%, նշել է նա:
Նրա կարծիքով, Հայաստանը լիովին ի վիճակի է կանխատեսվող ցուցանիշները բարձրացնել մինչև 4%, գուցե նաև - 6-7%, եթե բարելավի մրցակցային պայմանները երկրում, ինչի հետևանքով կակտիվանա տնտեսությունը: «Այսպիսով, մենք գտնում ենք, որ 2017 թվականին կարձանագրվի 2.7-2.9% տնտեսական աճ, իսկ գնաճը տարեվերջին կմոտենա 2%-ին»,-ասել է Սամիեին:
Նա տարեկան կտրվածքով չի բացառել նաև ռիսկերի առաջացումը, հիշեցնելով, որ 2016 թվականի սկզբին նույնպես դրական ակնկալիքներ կային Հայաստանի տնտեսական աճի առումով: Սակայն, 2016 թվականի վերջին երկու եռամսյակներում արձանագրվեցին բացասական միտումներ, արդյունքում արձանագրվեց գրեթե զրոյական տնտեսական աճ:
Ըստ ՀՀ պետբյուջեի, տնտեսական աճը 2017 թվականին նախատեսված է 3,2%, ՀՆԱ-ի անվանական աճը` 5%, ինդեքս-դեֆլյատորը`1.7% (2016-ին `2,4%), իսկ դեֆիցիտը`150.1 մլրդ դրամ: Հայաստանի պետական բյուջեի եկամտային մասը 2017 թվականին կավելանա մինչև 1 տրլն.210 մլրդ դրամ, ծախսերը`մինչև 1 տրլն. 360 մլրդ.դրամ, եկամուտներ/ՀՆԱ հարաբերակցությունը`22,4% (2016-ին ` 21,8%): Ըստ ՀՀ Կենտրոնական բանկի վերջին տվյալների, Հայաստանի տնտեսական աճը 2017-ին կկազմի 3,2-4,4%, նախկինում կանխատեսված` 2.2-3.2% փոխարեն: Համաշխարհային բանկն իր հունվարի կանխատեսման մեջ Հայաստանի ՀՆԱ աճը 2017-ին կանխատեսել է 2,7%, ԵԱԶԲ-ն`2.9%: Fitch- ը Հայաստանի ՀՆԱ-ի աճը 2017 թ.-ին կանխատեսում է 2,1%, 2018-ին արագանալով մինչև 3,1%, ՄԱԿ-ը կանխատեոում է` 2,7%, իսկ ԱՄՀ-ն` ԱԶԲ-ն`2.2%:
Հայաստանին անհրաժեշտ է արդեն փորձարկված ատոմային էներգաբլոկ. մասնագետ
Տնտեսագետ. առանց արդյունաբերության զարգացման միջնաժամկետ հեռանկարում Հայաստանում լուրջ տնտեսական աճ ակնկալելու հարկ չկա
"Սեպուհ-1" ձեռնարկությունը երկարաժամկետ հեռանկարում մտադիր է կազմակերպել գծային արտադրություն, ինչը թույլ կտա ավտոմեքենաներ արտահանել ԵԱՏՄ երկրների շուկա
Ինչպես է փոխվել միջին աշխատավարձ ստացող քաղաքացու կենսամակարդակը վերջին տարում