Արմինֆո. Հայաստանը Գլոբալ էներգետիկ միավորման մաս դառնալու հնարավորություն ունի: «Ռուսական ցանցերը», Ֆրանսիական EDF-ը և Չինաստանի պետական էլեկտրացանցային ընկերությունն ուսումնասիրում են Ռուսաստանի էներգահամակարգի միջոցով Եվրոպայի և Ասիայի միավորման ճանապարհով էներգետիկ կապերի ինտեգրման հնարավորությունը:
Այդ մասին հաղորդում է «Ռուսական ցանցերի» մամուլի ծառայությունը: Ռուսական ընկերության տեղեկատվության համաձայն, նախագծի մասնակիցները կարող են հասնել էներգետիկ կապերի ինտեգրման սկզբունքորեն նոր մակարդակի: «Այժ, անցկացվում է Ֆինլանդիայի, Վրաստանի, Հայաստանի, Իրանի, Մոնղոլիայի, Ճապոնիայի հետ կապերի հետազոտմանն ուղղված վերլուծական աշխատանք», - նշում է ընկերությունը:
Ընկերություններն արդեն վաղուց մշակում են այդ նախագիծը: «Ռուսական ցանցերում» կարծում են, որ էներգետիկ կապերը չափազանց շահավետ կլինեն բոլոր մասնակիցների համար, ինչպես նաև` գլոբալ էներգետիկ միավորման զարգացման ու Մետաքսի ճանապարհի տնտեսական գոտու ստեղծման հեռանկարը:
Նախագծի շրջանակում Հայաստանում շարունակվում է «Հյուսիս-Հարավ» էներգետիկ միջանցքի շինարարությունը, որը կոչված է միավորելու Հայաստանի, Իրանի, Վրաստանի և Ռուսաստանի էլեկտրաէներգետիկ համակարգերը: Ինչպես Արմինֆո-ն ավելի վաղ հաղորդել էր, Հայաստան-Վրաստան ԷՀԳ կառուցման նախագծի խորհրդատու "Fichtner GmbH & Co. KG" ընկերությունը նախապատարաստել է գլխավոր կապալառուի ընտրության մրցութային փաթեթ: Նախագիծը նախատեսվում է իրագործել երեք փուլով: Առաջին երկու փուլերի ֆինանսավորման աղբյուրներն արդեն հայտնի են: Առաջին երկու փուլերի շրջանակում նախատեսվում է կառուցել 400 կիլովոլտ լարումով ԷՀԳ և հաստատուն հոսանքի երկու ենթակայան Դդմաշենում և Այրումում, ինչը թույլ կտա սկսել աշխատանքը Վրաստանի էլեկտրաէներգետիկ համակարգի հետ` ասինխրոն ռեժիմով: Մինչ այդ անցկացվել է շրջակա միջավայրի վրա նախագծի ազդեցության և սոցիալական ներգործության գնահատում: Այդ աշխատանքը նախատեսվում է ավարտել մինչև տարեվերջ, ինչից հետո կսկսվեն շինարարական աշխատանքները: Նախագծի շրջանակում նախատեսվում է Հայաստանի և Վրաստանի էլեկտրաէներգետիկ համակարգերի միավորում, ինչը կնպաստի փոխշահավետ տարածաշրջանային համագործակցության զարգացմանը ստեղծվող Իրան-Հայաստան-Վրաստան-Ռուսաստան էներգետիկ միջանցքի շրջանակում: Ծրագրի նախնական արժեքը, FICHTNER ընկերության տվյալներով, կկազմի 326, 9 մլն եվրո, որի 10% պետք է լինի Վրաստանի ավանդի մի մասը: Նախագիծն իրագործվելու է մի քանի փուլով: Առաջին փուլում նախատեսվում է Այրումում կառուցել փոխարկիչ ենթակայան և 8 մկ երկարությամբ 500 կիլովոլտանոց օդային գիծ դեպի Վրաստան: Երկրորդ փուլը ներառում է Դդմաշենի մոտ 400 կիլովոլտանոց ենթակայանի կառուցում մեկ տրանսֆորմատորով, ինչպես նաև 400 կիլովոլտանոց օդային գծի անցկացում, ինչը հնարավորություն կընձեռի փոխանակել 350 մեգավատ էլեկտրաէներգիա: Այնուհետև Այրումում կտեղադրվի մոդուլ, իսկ Դդմաշենում` երկրորդ տրանսֆորմատորը` 700մ եգավատ հզորություն ապահովելու նպատակով: Ելնելով շուկայական և տարաշրջանային համագործակցության պահանջներից` եզրափակիչ, երրորդ փուլում կտեղադրվի հաստատուն հոսանքի երկրորդ մոդուլը, ինչը հնարավորություն կընձեռի հզորության ծավալները հասցնել մինչև 1050 մեգավատի: Ծրագրի առաջին երկու փուլերը գնահատվում են 188,2 մլն եվրո: Դրանց ֆինանսավորման աղբյուրնրեն արդեն որոշվել են: Այդ նպատակով 2014-2015 թթ. ստորագրվել է երեք վարկային համաձայնագիր: Մասնավորապես, վարկի տեսքով 168 մլն եվրո հատկացրել է գերմանական KfW բանկը, ևս 10 մլն եվրո վարկ է տրամադրել Եվրոպական ներդրումային բանկը: Ակնկալվում է ևս 10 մլն եվրո դրամաշնորհ Եվրահանձնաժողովից: Ծրագրի առաջին երկու փուլերը նախատեսվում է իրականացնել զուգահեռ ռեժիմով: Աշխատանքներն իրականացվում են սահմանված ժամանակացույցին համապատասխան, որի համաձայն, շինարարական աշխատանքները կսկսվեն 2017 թվականի վերջին և կավարտվեն մնչև 2019 թվակնի վերջը:
Ողջ հույսն արտաքին գործոններն են, կամ՝ ինչու է Հայաստանի պետբյուջեն սկսել ճաքեր տալ
Հայաստանում արժեթղթերի թողարկմանն ու վարկանիշավորմանն աջակցության պետական ծրագրից օգտվել է ընդամենը երկու ընկերություն
Փորձագետ. Հարավային Կովկասում պետք է ձևավորվի միասնական շուկա ՝ առանց ռազմավարական գործընկերների
Չեխիան կարող է զբաղվել Երեւանի մետրոպոլիտենի արդիականացմամբ
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ
"Նաիրի Ինշուրանս" ապահովագրական ընկերությունը հանդես է եկել "ԷՖԵՍ" ԱԸ անհիմն ինքնագովազդի դեմ