Չորեքշաբթի, 19 Ապրիլի 2017 15:47

Արմինֆո. ՀՀ Կենտրոնական բանկի նախաձեռնությամբ իրականացվող «Իմ ֆինասների ամիս» ամենամյա ծրագրի մասնակիցների թիվը հասել է 7 հազարի, նախորդ տարվա 5 հազարի համեմատ: Այս մասին ապրիլի 19-ին, պատասխանելով ԱրմԻնֆո գործակալության թղթակցի հարցին հայտնել է ՀՀ ԿԲ Սպառողների իրավունքների պաշտպանության և ֆինանսական գրագիտության կենտրոնի ղեկավար Արմենուհի Մկրտչյանը, «Իմ ֆինասների ամիս» 4-րդ ամենամյա ծրագրի մեկնարկին նվիրված մամուլի ասուլիսում:

«Ելնելով մասնակցության դիմումների թվից կարելի է ասել, որ ծրագիրն ունի հաջողություն, և մենք ակնկալում ենք զգալի առաջխաղացում»,-ընդգծել է նա, նկատելով, որ մասնակիցների մեծ մասը մայրաքաղաքից է, բայց դպրոցականների մրցույթին հիմնականում մասնակցում են Հայաստանի մարզերի երեխաներ:

Նրա խոսքով, ծրագրի շրջանակներում նախատեսվում են մի շարք միջոցառումներ, որոնք կանցկացվեն ֆինանսների ամսի ընթացքում և նախատեսված են երեք նպատակային խմբերի`դպրոցականների, ուսանողների և մյուս ցանկացողների համար: «Գնալով ավելի մեծ տարածում է ստանում ավտոբուսով էքսկուրսիան քաղաքով, Երևանի քաղաքապետարանի օժանդակությամբ, ինչը նախատեսում է այցելություններ դեպի 8 ֆինանսական կառույցներ, այդ թվում նաև բանկեր, ապահովագրական ընկերություններ, օմբուդսմենի գրասենյակ, Nasdaq OMX Armenia բորսա»,-ասել է նա: Միևնույն ժամանակ, մասնակիցների համար ԿԲ շենքում կկազմակերպվի 30 սեմինար, ֆինանսական ոլորտի 25 թեմաներով, որոնք կվարեն Հայաստանի 16 ֆինանսական կառույցների ներկայացուցիչները: Ավանդների երաշխավորման հիմնադրամի աջակցությամբ տեղի կունենան «անտիկաֆե» ձևաչափով հանդիպումներ, որի ընթացքում մասնակիցները սուրճի կա թեյի սեղանի շուրջ կքննարկեն ֆինանսական ոլորտի հարցեր: Մայրաքաղաքի և մարզերի 150 դպրոցների ներկայացուցիչների մասնակցությամբ «Երիտասարդական ձեռքբերումներ» ՀԿ հետ համատեղ տեղի կունենա Բրեյն-ռինգ:

Մինչև 12 տարեկան դպրոցականները կարող են մասնակցել նկարչության մրցույթին,  «Որտեղից են գալիս փողերը» թեմայով, իսկ մինչև 16 տարեկանների համար` ինֆոգրաֆիկայի մրցույթ, «Ինչպես մեկը դարձնել երկուս», «Պարտք պետք է տալ խելքով» թեմաներով: Տեղի կունենա նաև բնապահպանության թեմայով մրցույթ: Ուսանողների համար տեղի կունենա մրցույթ`Երևանի և մարզերի 12 Բուհերի միջև:

Ծրագրի իրականացմանը նպաստել են Հայաստանի բանկերի միությունը, ՀՀ Վարկային կազմակերպությունների միությունը, Երևանի Քաղաքապետարանը, Ֆինանսական համակարգի  հաշտարարի  գրասենյակը, Ավանդների հատուցումը երաշխավորող հիմնադրամը, Հայաստանի ավտոապահովագրողների բյուրոն, ՆԱՍԴԱՔ ՕԷՄԷՔՍ Արմենիան, Կենսաթոշակային հյամակարգի իրազեկման կենտրոնը, Սիվիտաս Արմենիա, ՔԱՐԴ հիմնադրամ, Հայաստանի պատանեկան նվաճումներ ՀԿ-ը, ԱՅԲ հիմնադրամը, Ազգային Հիփոթեկային Ընկերություն, Հայաստանի գիտակների ասոցացիան, Եվրոպական երիտասարդական պառլամենտը, Երեխաների եւ երիտասարդների ֆինանսների միջազգային կազմակերպությունը, Երևանի և մարզերի ԲՈՒՀ-երը, ինչպես նաև այլ ֆինանսական կառույցներ (Գլոբալ Կրեդիտ ՈՒՎԿ, ՓՄՁ ներդրումների ՈՒՎԿ, Հայէկոնոմ բանկ, Ինեկոբանկ, Կոնվերս բանկ, ԱԳԲԱ լիզինգ, Ինգո Արմենիա, Ռոսգոստրախ Արմենիա, Նաիրի Ինշուրանս, Կամուրջ ՈՒՎԿ, Պրոմեթեյ բանկ, Հայբիզնես բանկ):

Հիշեցնենք, որ ծրագրի առաջին մեկնարկը տեղի է ունեցել 2014 թվականի հոկտեմբերի 1-ին: Ծրագրի նպատակն է բարձրացնել ֆինանսական իրազեկությունը հասարակությունում և խորացնել գիտելիքներն ու հմտությունները ֆինանսների ոլորտում: