Ուրբաթ, 21 Ապրիլի 2017 13:20

Արմինֆո. 2017 թվականի մայիսին Հայկական ատոմակայանը 6 օրով կկանգնեցվի պլանային նախազգուշական վերանորոգման (ՊՆՎ): Թե ինչ միջոցառումներ են պատրաստվում իրակակացնել այդ ժամանակահատվածում և ինչպիսի արդյունքներ կարելի է ակնկալել, ԱրմԻնֆո գործակալության թղթակցին պատմում է Հայկական ատոմակայանի 2-րդ էներգոբլոկի շահագործման ժամկետի երկարաձգման նախագծի ղեկավար Վլադիմիր Բրեդովը:

 Պլանային նախազգուշական վերանորոգման ընթացքում կիրականացվեն մեծ ծավալի աշխատանքներ: Հիմնական շեշտադրումը կլինի անվտանգության վրա`կիրականացվեն սարքավորումների վերանորոգման, ինչպես նաև սարքավորումների գործիքային հետազոտման աշխատանքներ: Վերանորոգման աշխատանքներին կօգնեն Կոլայի և Նովորոնեժսկի ատոմակայանների մասնագետները, քանի որ այդ կայանները կառուցված են միանման, իսկ գիտական ղեկավարությունն իրականացնում է «ЦНИИТМАШ» ընկերությունը, որը հանդիսանում է Ռոսատոմի ճյուղերից մեկը: Ինչ վերաբերվում է գործիքային հետազոտությանը, ապա այստեղ հիմնական խնդիրն է` հաշվարկել և հաստատել սարքավորումների մնացորդային ռեսուրսը: Այսինքն, անհրաժեշտ է ստուգել ԱԷԿ-ի սարքավորումների հետագա շահագործման հնարավորությունները: Ինչպես հասկանում եք, կայանում կան շատ սարքավորումներ, հետևաբար, գործիքային հետազոտությունը բաշխված է ըստ տարիների, առանց վնասելու կայանի անվտանգությունը: Անցյալ տարի մենք սկսեցինա այդ գործընթացը, այս տարի հետազոտվող սարքավորումների ծավալը անցյալ տարվա համեմատ, վերահսկող մարմնի պահանջով, կավելանա 50% (150 տեսակի սարքավորում),: Հուսով ենք հաջորդ տարի  ավարտել գործիքային հետազոտությունը, իսկ 2019-ին արդյունքները փոխանցել վերահսկող մարմնին` Միջուկային անվտանգության կարգավորման պետական մարմնին: Հուսով եմ, որ ամեն ինչ կախված կլինի հետազոտման արդյունքներից և պետական մարմնի որոշումից:

Քանի՞ մրցույթ է նախատեսվում ՊՆՎ-2017-ի շրջանակներում, և ինչ գումարների:

Խոշոր մրցույթներից, որոնք տեղի կունենան առաջիկայում, կարելի է առանձնացնել հովացման աշխատակների արդիականացման մրցույթը: Այս տարի նախատեսվում է հովացման առաջին աշտարակի արդիականացման աշխատանքների մեկնարկը, որին, հուսով ենք, կմասնակցեն նաև հայկական ընկերությունները: Մրցույթը տեղի կունենա ամռանը, իսկ աշնան սկզբին կսկսվեն աշխատանքները, որոնք կտևեն 12 ամիս:

Քանի որ խոսք գնաց մրցույթների մասին, կարո՞ղ եք պատմել, թե ինչպես է տեղի ունենում «Հայատոմ» ընկերության կողմից հակասեյսմիկ ինժեներական պաշտպանության համակարգին (ՀԻՊՀ) սարքավորումների մատակարարման աշխատանքները:

Հայատոմը շարունակում է կատարել այդ աշխատանքը: Ներկայումս ճշգրտվում է տեխնիկական առաջադրանքը ՀԱԷԿ-ի հետ: Ինչպես սպասվում է, սարքավորումը ՀԱԷԿ-ին կմատակարարվի 2018 թվականին:

Իսկ ինչպե՞ս կբնութագրեք ՊՆՎ-2016-ի արդյունքները:

Դրական: ՊՆՎ-2016-ի ընթացքում կատարվեցին մի շարք հիմնական աշխատանքներ,  առաջինը, ռեակտորի ու դրա սարքավորման շահագործման վերահսկողություն, ինչը կատարվել է առաջատար համաշխարհային և ռուսական մասնագիտացված ընկերությունների կողմից: Աշխատանքների արդյունքում չի բացահայտվել քննադատական նկատողություն և ռեակտորի ու դրա սարքավորումների անվտանգությունը ՀԱԷԿ-ի համար հաստատվել է մինչև 2020 թվականը, «ОКБ «ГИДРОПРЕСС» ընկերության գլխավոր կոնստրուկտորի կողմից: Երկրոդ աշխատանքը դա գործիքային հետազոտման սկիզբն էր, որի արդյունքում պատրաստվել է մոտ 100 նախնական եզրակացություն`սարքավորումների գծով, ինչպես նաև մոտ 50 ծրագիր, որոնցով տեղի է ունեցել հետազոտությունը: Նշեմ, որ սարքավորումների վիճակի գծով քննադատություններ չեն եղել, բայց մեր մասնագիտացված կազմակերպութոյւնները ներկայումս կատարում են հաշվարկներ, որպեսզի ճշգրտվի սարքավորումների մնացորդային ռեսուրսը:

Քանի՞ մրցույթ է անցկացվել ՊՆՎ-2016 շրջանակներում և ինչր գումարի:

Ներկայումս արդեն անց է կացվել 30 գնումային գործընթաց և կնքվել 110 մլն.դոլար ընդհանուր գումարի պայմանագիր: Կարելի է ասել, որ արդյունքում հաջողվեց զգալորեն իջեցնել մատակարարների գները, իսկ որոշ դիրքերով` գրեթե 70%-ով: Գործընթացին ներգրավվել են առավել թվով մասնակիցներ, որոնք ապացուցեցին իրենց վճարունակությունը և պրոֆեսիոնալիզմը, առաջարկելով լավագույն գներ: Իսկ որակի սանդղակը մենք պարտավոր ենք պահել բարձր:

Իսկ ինչպե՞ս եք գնահատում համագործակցությունը կայանի հետ:

Այստեղ շատ կարևոր է մեր ժողովուրդների պատմական մերձավորոթյունը, միասին ապրել ենք մի մեծ երկրում, միասին կառուցել այս ԱԷԿ-ը, միասին վերագործարկել և հիմա կրկին աշխատում ենք դրա վրա: Իհարկե, կան նաև վեճեր ու քննարկումներ, դա բնական է, բայց մեզ համար միշտ էլ առաջնահերթ է եղել ընդհանուր գործը և արդյունքը, հատկապես, Հայաստանի էներգետիկ անվտանգության ապահովումը: Այստեղ կարելի է ընդգծել, որ կայանն ամեն տարի չէ, որ իրականացնում է նման նախագծեր: Այս ծրագիրն առաջինն է կայանի պատմության մեջ, չհաշված շինությունները: Հասկանալի է, որ Հայկական ԱԷԿ-ը նման մասշտաբի աշխատանքների իրականացման փորձ չունի, դրանք իրականացվում են 30 տարին մեկ անգամ, իսկ ՀԱԷԿ-ում` առաջին անգամ: Այստեղ կարևոր է մասնագիտացված կազմակերպությունների աջակցությունը, քանի որ «Ռոսատոմն» ունի համապատասխան մեթոդաբանություն և փորձ: Ռուսաստանում նման աշխատանքներ են իրականացվել 23 բլոկներում: Բայց նույնիսկ Ռուսատսանում նման նախագծերի իրականացումը տևում է 10-12 տարի, իսկ սարքավորումների արդիականացումը կատարվում է անընդհատ: Հայաստանի պարագայում իրավիճակը մի փոքր այլ է, քանի որ նախագծի ժամկետը 2 անգամ պակաս է, իսկ աշխատանքների ծավալը` մի քանի անգամ ավելի: