Ուրբաթ, 21 Ապրիլի 2017 18:42

Արմինֆո. Ամերիաբանկի գլխամասային գրասենյակում ս.թ. ապրիլի 21-ին տեղի ունեցավ Ամերիաբանկի և VISA ընկերության կողմից համատեղ կազմակերպված քարտային արշավի եզրափակիչ խաղարկությունը, որի արդյունքներով հաղթողներին տրամադրվելու է  2017 թվականի Եվրատեսիլի կիսաեզրափակչի 2 տոմս (յուրաքանչյուր տոմսը`2 անձի համար): Ընդ որում`տոմսը ներառում է նաև ինքնաթիռի տոմսի և հյուրանոցի արժեքները:

Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, վիճակահանության արդյունքում արկղից հանվեցին խաղարկությանը մասնակցող հետևյալ 2 հերթական համարներ-ը` 1240, 1676:

Աղբյուրի համաձայն, հաղթողները կարող են ստանալ իրենց մրցանակները՝ այցելելով Ամերիաբանկի գլխամասային գրասենյակ ս.թ. ապրիլի 21-ից մինչև ապրիլի 26-ը ներառյալ: Վերոնշյալ ժամկետի ավարտից հետո մրցանակը հնարավոր չի լինի ստանալ: 

Հիշեցնենք, որ խաղարկությանը մասնակցել են Ամերիաբանկի այն քարտապանները, ովքեր 2017թ.փետրվարի 23-ից ապրիլի 11-ն ընկած ժամանակահատվածում VISA քարտերով (բացառությամբ Business քարտերի) կատարել են նվազագույնը 100,000 ՀՀ դրամին համարժեք գումարի չափով անկանխիկ վճարումներ:

Նշենք նաև, որ խաղարկության մասնակցության պայմաններին բավարարող Բանկի յուրաքանչյուր քարտատիրոջը նախապես ուղարկվել է SMS հաղորդագրություն, որտեղ նշվել է վիճակահանության մասնակցության իր հերթական համարը:

Ըստ ԱրմԻնֆո գործակալության` «Հայաստանի բանկերը քարտային բիզնեսում» վերլուծական Տեղեկագրի, ակտիվ քարտերի ընդհանուր թվով Ամերիաբանկը գտնվում է առաջին տասնյակում`2016 թվականի հոկտեմբերի 1-ի դրոթւյամբ ունենալով ավելի քան 70 հազար քարտ: Իսկ Visa քարտերի թվով Բանկը գտնվում է առաջատար հնգյակում`մոտ 52 հազար քարտ, տարեկան աճը`12%: Պլաստիկ գործարքների ծավալով Ամերիաբանկը գտնվում է առաջատար հնգյակում` մոտ 84 մլրդ դրամ 2016 թվականի առաջին 9 ամիսների ընթացքում (տարեկան աճը`8.2%), որից ավելի քան 63 մլրդ դրամ բաժին է ընկել բանկոմատներով կատարված գործարքներին (տարեկան աճը`20.5%): Ամերիաբանկն ունի 108 բանկոմատ, ընդ որում, Երևանում գտնվող բանկոմատների թվով գտնվում է 2-րդ տեղում - 87 բանկոմատ: Բանկն ունի 1195 սեփական POS- տերմինալ, զբաղեցնելով երկրորդ տեղը շուկայում: Ամերիաբանկի վճարային քարտերից ստացված եկամուտները 2016 թվականին աճել են 16,4%, մինչև 1,3 մլրդ դրամ (3 տեղ), զգալիորեն մեծացնելով քարտերի սպասարկման ծախսերը - 40.9%, մինչև 407.3 մլն դրամով (5 տեղ), պահպանելով երկրորդ տեղը շուկայում:

Ամերիաբանկ» ՓԲԸ-ն Հայաստանի դինամիկ զարգացող բանկերից է և դասվում է երկրի ամենակայուն և խոշոր ֆինանսական հաստատությունների շարքին: Այն Հայաստանում առաջին ներդրումային բանկն է և սկսած 2007թ-ից` տրամադրում է նորարարական բանկային ծառայությունների լայն տեսականի: «Ամերիաբանկ» ՓԲԸ ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: Բանկը հայաստանյան շուկայում գործում է 1996 թվականի հոկտեմբերի 31-ից: Ամերիաբանկն ունի 12 մասնաճյուղ, որից 8 գտնվում է մայրաքաղաքում, իսկ 4-ը`Հայաստանի մարզերում: 2017 թվականի հունվարի 1-ի դրությամբ Բանկի բաժնետերեն են` Ameria Group CY ՍՊԸ – 65,8%, ՎԶԵԲ - 20,7%, ESPS Holding Limited - 13,5%: