Չորեքշաբթի, 26 Ապրիլի 2017 16:25

Արմինֆո. 2017 թվականի առաջին եռամսյակում Հայկական ատոմակայանի 2-րդ էներգաբլոկի շահագործման ժամկետի երկարաձգման ծրագրի իրականացման նպատակով 2017 թվականի առաջին եռամսյակում կներդրվի ավելի քան 2 մլն.դոլար: Այս մասին հայտարարել է ՀՀ էներգետիկ ենթակառուցվածքների և բնական պաշարների մամուլի ծառայությունը, հղում կատարելով նախարարության աշխատակազմի վարկային և դրամաշնորհային ծրագրերի կառավարման վարչության ղեկավար Վարդան Մարտիրոսյանին:

Ըստ աղբյուրի, 2017 թվականին Հայաստանի էներգետիկայի ոլորտում ընդհանուր առմամբ կներդրվի ավելի քան 58 մլն.դոլար: Միջոցները ներգրավվում են այլ պետութուններից և միջազգային կազմակերպություններից, վարկի և դրամաշնորհի տեսքով: Մարտիրոսյանն ընդգծել է, որ առաջին եռամսյակում ներդրումներն արդեն կազմել են 3.2 մլն.դոլար, որի 2 մլն. դոլարն ուղղվել է ՀԱԷԿ-ի 2-րդ էներգաբլոկի շահագորևծման ժամկետի երկարաձգման ծրագրին: «Ներդրումների ոչ մեծ ծավալները տարեսկզբին պայմանավորված են սեզոնային գործոններով: Առաջիկայում կմեկնարկեն էլեկըրական ենթակայանների արդիականացման լայնամասշտաբ աշխատանքները: Միջազգային մրցույթների արդյունքում արդեն պայմանագրեր են կնքվել Երևան ՋԷԿ, «Ագարակ-2», «Շինուհայր», «Աշնակ», «Հաղթանակ» «Չարենցավան-3», «Վանաձոր-1» էլեկտրակայաններում գտնվող ենթակայների արդիանականացման աշխատանքների իրականացման ուղղությամբ: Ներկայումս նախագծվում են այդ ծրագրերը, որոնց իրականացումը կսկսվի տարվա երկրորդ կիսամյակում: 2017 թվականին ներդրումների ընդհանուր գումարը կկազմի 17 մլն.դոլար»,-ասել է Վ.Մարտիրոսյանը:

Նա հավելել է, որ իրականացման փուլում է գտնվում 230 կմ երկարությամբ Հրազդան-Շինուհայր ԷՀԳ շինարարության ծրագիրը: «Նորադուզ-Լիչք-Որոտան-1» ԷՀԳ հատվածների շինարարությունն արդեն ավարտվել է և դրվել է լարման ներքո: Շարունակվում են աշխատանքները Վարդենիսի և Վայքի հատվածներում, որի ավարտը նախատեսվում է 2017 թվականի վերջին: Իրականացման փուլում է նաև 5 կմ երկարությամբ «Լալվար» ԷՀԳ և 110 կմ երկարությամբ «Նոյեմբերյան» ԷՀԳ ծրագրերը: Ծրագիրը կիրականացվի տնտեսված 6.7 մլն.դոլար ֆինանսական ռեսուրսների հաշվին, որոնք ստացվել են մյուս ծրագրերի մրրցույթների արդյունքում:

Վարդան Մարտիրոսյանը տեղեկացրել է նաև, որ ընթացիկ տարում կսկսվի նաև Հայաստան-Վրաստան ԷՀԳ շինարարության նախագծի գլխավոր կառուցապատողների մրցույթի հայտերի գնահատման գործընթացը: Ըստ ժամանակացույցի, մրցույթի արդյունքների ամփոփումը և հաղթսղների հետ պայմանագրերի կնքումը նախատեսվում է 2017 թվականի սեպտեմբերի վերջին: