Դրամը դոլարի և եվրոյի նկատմամբ սկսել է արժեզրկվել

Արմինֆո. Հայաստանի արտարժույթի միջբանկային շուկայում ապրիլի 25-28-ը ծավալներն աճել են 58.1%, նախորդ շաբաթ տեղի ունեցած 16.2% անկումց հետո: Դրան զուգահեռ, ներբանկային շուկայում նախորդ շաբաթվա ակտիվությունից հետո տիրեց պասիվություն, ցածր և տարաբնույթ դինամիկա, դանդաղ վերընթաց տրենդով: Արժույթի բորսայական հարթակը դեռ դատարկ է:

Արդյունքում, դրամը դոլարի նկատմամբ արժեզրկվեց` 484.5-ից մինչև 485 դրամ/դոլար, եվրոյի նկատմամբ` 518-ից մինչև 527 դրամ/եվրո, իսկ ռուբլու ամրապնդվելով 8.6-ից մինչև 8.5 դրամ/ռուբլի մակարդակներ: Մինչ այդ, 2016 թվականի ապրիլին, դրամը դոլարի նկատմամբ ամրապնդվել էր մինչև 479 դրամ/դոլար, եվրոյի նկատմամբ թուլացել մինչև 545 դրամ/եվրո, իսկ ռուբլու նկատմամբ արժեզրկվել մինչև 7.5 դրամ/ռուբլի մակարդակներ:

Ինչպես ԱրմԻնֆո գործակալությանը տեղեկացվել է ՀՀ կենտրոնական բանկի մամուլի ծառայությունից, արտարժույթի միջբանկային շուկայում ապրիլի 25-28-ն ընկած ժամանակահատվածքում ծավալները կազմել են 10.750 մլն.դոլար, միջին փոխարժեքը` 484.68 դրամ/դոլար (նախորդ շաբաթ`485.18 դրամ/դոլար): Արժույթի միջբանկային շուկայում առավելագույն ծավալներն արձանագրվել են հինգշաբթի օրը`5 մլն.դոլար, իսկ նվազագույն ծավալները` ուրբաթ օրը`1.2 մլն.դոլար: Դրան զուգահեռ, ներբանկային շուկայում բանկերի կողմից դոլարի առքի դինամիկան արձանագրեց 6.6% անկում, իսկ վաճառքի գծով արձանագրվեց 1.2% աճ: Եվրոյով գործարքներում առքի գծով արձանագրվեց 16.2% անկում, իսկ վաճառքի գծով`12.7% աճ, իսկ ռուբլու առքի գծով անկումը կազմեց 2%, վաճառքի աճը`11.2%: Արդյունքում, գնվել է $ 70.6 մլն., 483.80 դրամ / $ 1 միջին փոխարժեքով, 9.3 մլն եվրո, 523.62 դրամ / եվրո միջին փոխարժեքով և 860.96 մլն. ռուբլի, 8.55, դրամ/ռուբլի միջին փոխարժեքով, իսկ վաճառվել է $ 81.5 մլն, 485,20 դրամ/$ 1 միջին փոխարժեքով, 12,4 մլն. եվրո, 527.39 դրամ/ եվրո միջին փոխարժեքով և 472.8 մլն. ռուբլի 8.63 դրամ / ռուբլի միջին փոխարժեքով:

Աղբյուրի համաձայն, նախորդ շաբաթ (ապրիլի 17-22-ը) Հայաստանի բանկերի կողմից տրամադրվել է 49.2 մլրդ-ի դրամային և 35.6 մլն-ի դոլարային վարկեր: Դրան նախորդող ժամանակահատվածի համեմատ դրամային վարկերի ծավալներն աճել են 17.4%, իսկ դոլարային վարկերի ծավալները նվազել են 34.4%: