Երեթշաբթի, 2 Մայիսի 2017 13:38
Նաիրա Բադալյան

Հայաստանի և Իրանի մաքսային ծառայությունները համագործակցությունը բարձրացնում են նոր մակարդակի

Հայաստանի և Իրանի մաքսային ծառայությունները համագործակցությունը բարձրացնում են նոր մակարդակի

Արմինֆո. Հայաստանի և Իրանի մաքսային ծառայությունները համագործակցությունը բարձրացնում են նոր մակարդակի: Ապրիլի 26-27-ը ՀՀ պետական եկամուտների կոմիտեի նախագահ Վարդան Հարությունյանի գլխավորած պատվիրակությունը և Իրանի մաքսային ծառայության նախագահ Մասուդ Քարբասիանին Թեհրանում քննարկել են  դրան ուղղված քայլերը: Այդ մասին հաղորդել է Հայաստանի արտաքին քաղաքական գերատեսչության մամուլի ծառայությունը:

Հանդիպման ընթացքում կողմերը նշել են, որ ծառայությունների միջև համագործակցության մակարդակի բարձրացումը կնպաստի երկկողմ առևտրաշրջանառության աճին, տարանցիկ բեռնափոխադրումների ծավալների մեծացմանը, ինչպես նաև զբոսաշրջության զարգացմանը:
Մասուդ Քարբասիանին կարևորել է երկու երկրների կողմից Պարսից ծոց – Սև ծով տրանսպորտային միջանցքի օգտագործումը, ինչի մասին նշված ՀՀ և ԻԻՀ նախագահներ Սերժ Սարգսյանի և Հասան Ռոուհանիի 2016 թվականի դեկտեմբերի 21-ին Երևանում ընդունած համատեղ հայտարարությունում:
Վարդան Հարությունյանը գոհունակություն է հայտնել, որ իրանական կողմը ձեռնամուխ է եղել ԻԻՀ մաքսային սահմանով հայկական պետհամարանիշներով ուղևորատար ավտոմեքենաների ազատ տեղաշարժի կազմակերպմանն առնչվող հարցերի լուծմանը:

Հանդիպման արդյունքում Վարդան Հարությունյանն ու Մասուդ Քարբասիանին ստորագրել են «Հայաստանի Հանրապետության կառավարությանն առընթեր պետական եկամուտների կոմիտեի և Իրանի Իսլամական Հանրապետության մաքսային ծառայության միջև մաքսային վիճակագրական տեղեկատվության փոխանակման մասին» արձանագրությունը:
Հիշեցնենք, որ դեռ  2016 թվականի նոյեմբերի 17-ին Հայաստանի ՊԵԿ-ը և ԻԻՀ մաքսային ծառայությունը Երևանում ստորագրել էին փոխըմբռնման մասին հուշագիր, որը նախատեսում է իրական ռեժիմով տեղեկատվության փոխանակում Մեղրիի մաքսակետի և Նորդուզի (Իրան) միջև: Հենց այն ժամանակ մաքսային ծառայությունները պայմանավորվել էին ապահովել ուղևորատար մեքենաների ազատ տեղաշարժ` չեղարկելով երկու երկրների ընդհանուր սահմանը հատող  մեքենաներից գանձվող ճանապարհային և երաշխիքային վճարումները:

Նույն թվականի դեկտեմբերի 21-ին Հայաստանի նախագահ Սերժ Սարգսյանը և Իրանի նախագահ Հասան Ռոուհանին Երևանում բանակցությունների ընթացքում կարծիքներ էին փոխանակել Պարսից ծոց-Սև ծով միջազգային փոխադրամիջանցքի և տարանցիկ միջանցքի ստեղծման ծրագրերի շուրջ: Հայաստանի նախագահ Սերժ Սարգսյանը Ռոուհանիի հետ բանակցությունների արդյունքներն ամփոփելիս ԶԼՄ-ների համար հայտարարությունում նշել էր, որ այդ  ծրագրի իրագործումը թույլ կտա պարզեցնել միջազգային բեռների փոխադրումը, ի հայտ կգա հնարավորություն կազմակերպելու նվազագույն տրանսպորտային ծախսերով իրանական ապրանքների փոխադրում եվրոպական շուկաներ, ինչպես նաև այլ երկրներից բեռների տարանցման հնարավորություն:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
02.04.2020
RUB6.430.03
USD504.50-0.46
EUR551.62-0.45
GBP628.414.33
CAD357.503.19
JPY47.010.09
CNY71.06-0.29
CHF521.99-0.20



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000