Երեթշաբթի, 2 Մայիսի 2017 16:01

Արմինֆո. 2017 թվականի Հայաստանում տնտեսական աճը կկազմի 2.5%, իսկ 2018 թվականին կարագանա մինչև 3%: Հայաստանի ՀՆԱ աճը նման կանխատեսում է արված ՄԱԿ-ի «Ասիայի և Խաղաղօվկիանոսյան տարածաշրջանի տնտեսական և սոցիալական հետազոտություն 2017» զեկույցում:

 

Ըստ ՄԱԿ-ի փորձագետների, ակնկալվող տնտեսական աճը Ռուսաստանում կակտիվացնի դրամական հոսքերը դեպի Հայաստան, որոնց մասնաբաժինը ՀՆԱ-ի կառուցվածքում կազմում է մոտ 13%:

 

ՄԱԿ-ի զեկույցում նշվում է, որ ընտանեկան նպաստների ծրագրի ընդլայնումը ձեռնտու կլինի սպառողական ծախսերի առումով, հատկապես ցածր եկամուտ ունեցող տնային տնտեսությունների համար: Բացի այդ, տնտեսական ակտիվությանը կնպաստի նաև Հայաստանի և  Վրաստանի տարածքով Իրանից դեպի Ռուսաստան երկաթուղու շինարարությունը:

 

ՄԱԿ-ի փորձագետները նշում են, որ Հայաստանին ցուցաբերվող ֆիսկալ աջակցությունն առաջիկա տարիներին կլինի ավելի թույլ, քանի որ պետական ​​պարտքի և ՀՆԱ-ի հարաբերակցությունը 50%-ի շեմը հատելու դեպքում պահանջում է բյուջետային քաղաքականության խստացում:

 

Բացի այդ, ՄԱԿ-ը կանխատեսում է, որ սպառողական շուկայում, 2016 թվականի  գնանկումն 2017-ին կհաջորդի 1.5%, իսկ 2018 թվականին`3% գնաճ:

 

Նշենք, որ Հայաստանի պետբյուջեով ՀՆԱ-ի աճը 2017 թվականին ամրագրված է 3.2%: Ըստ ՀՀ կենտրոնական բանկի նորացված կանխատեսման, Հայաստանի ՀՆԱ-ի աճը 2017-ին կկազմի 3,2-4,4%: Համաշխարհային բանկը Հայաստանում ՀՆԱ-ի աճը կանխատեսում է` 2.7%, ԱՄՀ-ն`2,9%, Fitch-ը`2.1%, ԵԱԶԲ 2.9%, իսկ Ասիական զարգացման բանկը`2,2%:

 

Ըստ ՀՀ Ազգային վիճակագրական ծառայության տվյալների, Հայաստանի ՀՆԱ-ի աճը 2016 թվականին դանդաղել է 0.2% (2015-ի աճը`3%), կազմելով 5.068 տրլն դրամ ($ 10.5 մլրդ): ՀՆԱ-ի ինդեքս-դեֆլյատորը 2016-ին կազմել է 100.5%, 2015-ին `101.2%: Հայաստանի պետական ​​պարտքի աճը 2016-ին նկազմել է 17%, մինչև $ 5,9 մլրդ (2.9 տրլն դրամ) պայմանավորված արտաքին և ներքին պարտքերի աճով: Մասնավորապես, արտաքին պարտքը 2016-ին ավելացել է 11%, մինչև $ 4.8 մլրդ (2,3 տրիլիոն դրամ), իսկ ներքին պարտքը`49%, մինչև $ 1.14 մլրդ (550 մլրդ դրամ): Համեմատության ենք նշենք, որ 2015 թ. արտաքին պարտքի աճը կազմել էր 14%, իսկ ներքին պարտքի աճը`18%, ընդհանուր պետական ​​պարտքի աճը հասցնելով 16% -ի: Հայաստանի սպառողական շուկայում 2016 թվականին արձանագրվել է 1.1% գնանկում, 2015-ի 0.1% գնանկման համեմատ:

 

Ըստ ՀՀ ԿԲ տվյալների, ֆիզիկական անձանց դրամական փոխանցումների ներհոսքը Հայաստան 2016 թվականին կրճատվել է 6,1%, մինչև $ 1.5 մլրդ, իսկ տարեկան արտահոսքն աճել է  7,4%: Արդյունքում, ֆիզիկական անձանց դրամական փոխանցումների զուտ ներհոսքը տարեկան կտրվածքով նվազել է 17.8 %: Մասնավորապես, տրանսֆերտների ներհոսքը Ռուսատանից Հայաստան կրճատվել `11.1%, մինչև $ 896,9 մլն, իսկ արտահոսքն աճել է 16.5%, մինչև $ 333,4 մլն, ինչի արդյունքում դրամական փոխանցումների զուտ ներհոսքը Ռուսաստանից կազմել է $ 563,5 մլն, տարեկան անկումը`22%: Դրամական փոխանցումների ներհոսքի և արտահոսքի ծավալներում 2016 թվականի արդյունքներով գերիշխող դիրք է գրավում Ռուսաստանը` 58.5% և 40.8%, նմախորդ տարվա` 61.8% և 37.6% համեմատ: