Արդշինբանկը 2016 թվականին միջազգային ֆինանսական կառույցներից ներգրավել է 30.5 մլն. դոլար ծավալով երկարաժամկետ ռեսուրսներ

Արմինֆո. Արդշինբանկը, համաձայն աուդիտորական եզրակացության արդյունքների, 2016 թվականի արդյունքներով տեղ է գրավել առաջատար եռյակում իր բոլոր հիմնական ցուցանիշներով, շարունակելով ցուցադրել կայուն աճ: Միայն Արդշինբանկի զուտ շահույթը (առանց միավորված Առէկսիմբանկի արդյունքների) 2016 թվականի արդյունքներով կազմել է 4.1 մլրդ.դրամ, իսկ միավորված հաշվեկշիռը գերազանցել է 22 մլրդ.դրամը (1 տեղը շուկայում): Հետագայում տեքստում ներկայացվում են միավորման հետևանքով գրանցված տվյալները:

Արդշինբանկի ակտիվները հաջողվել է 2016-ին բարձրացնել 37%, մինչև 548.4 մլրդ դրամ (2 տեղը շուկայում), շնորհիվ վարկային պորտֆելի 30.4% աճի, մինչև 358 մլրդ դրամ (2 տեղ): Բանկի ընդհանուր կապիտալը հաշվետու տարում աճել է 47.7%, մինչև 71.5 մլրդ դրամ, ապահովելով առաջատարի դերը շուկայում: Բանկի ընդհանուր կապիտալի կառուցվածքում ավելի քան 63% կազմել է կուտակված շահույթը, որի բացարձակ արժեքը 2016-ին ավելացել է 90%, մինչև 45,2 մլրդ դրամ, ապահովելով առաջին տեղը շուկայում: Բանկի ընդհանուր պարտավորություններն աճել են 35,5%, մինչև 476.9 մլրդ դրամ, որի կառուցվածքում հաճախորդների միջոցները (ժամկետային և ցպահանջ ավանդներ) կազմել են ավելի քան 62% կամ 297.7 մլրդ դրամ, տարեկան աճը`45.9%: Նրգրավված միջբանկային վարկերի ծավալն աճել է 40.7%, մինչև 127.7 մլրդ դրամ, իսկ սեփական պարտատոմսերի տեղաբաշխումից ստացված միջոցների հետ միասին կազմել է 177.1 մլրդ դրամ, տարեկան աճը`21,3%:

Արդշինբանկը 2016 թվականին միջազգային ֆինանսական կառույցներից ներգրավել է 30.5 մլն. դոլար ծավալով լրացուցիչ երկարաժամկետ ռեսուրսներ: Ինչպես տեղեկացրել են Բանկի մամուլի ծառայությունում, 10-ական մլն.դոլար տրամադրել են WBC (ամերիկյան World Business Capital մասնավոր ընկերություն) և BSTDB (Առևտրի և զարգացման սևծովյան բանկ) կազմակերպությունները, 8.5 մլն.դոլար տրամադրել է Commerzbank-ը և 2 մլն.դոլար`ADB (Ասիական զարգացման բանկը): Ընդ որում, WBC կողմից տրամադրված միջոցների երաշխավոր է հանդես եկել ԱՄՆ կառավարության օտարերկրյա մասնավոր ներդրումների կորպորացիան (OPIC - The Overseas Private Investment Corporation):

Արդշինբանկը հանդիսանում է երկրի խոշորագույն հարկատուներից մեկը, 2016 թվականին պետական գանձարանին վճարելով 3.1 մլրդ դրամ, որից 2.9 մլրդ.դրամ ուղղակի հարկեր (շահութահարկ և եկամտահարկ): Հարկատու բանկերի ցանկում Արդշինբանկը հինգերորդ տեղում է, իսկ 1000 խոշորագույն հարկատուների ցանկում գտնվում է 39-րդ տեղում:

2017 թվականի ապրիլին Fitch միջազգային վարկանշային գործակալությունը «Արդշինբանկ» ՓԲԸ երկարաժամկետ թողարկողի դեֆոլտի (Long-term Issuer Default Rating (IDR)) հաստատեց «B +» մակարդակում, միաժամանակ բարելավելով նաև կանխատեսումը`«Բացասականից» - «Կայուն»: Բանկը Հայաստանի միակ մասնավոր կառույցն է, որն ունի երկու միջազգային վարկանիշային գործակալությունների (Moody's- ի և Fitch- ը) վարկանիշը, Հայաստանի Հանրապետության վարկանիշի մակարդակով:

Նշենք, որ ներկայում Արդշինբանկը, Առէկսիմբանկ-Գազպրոմբանկի խումբ ՓԲԸ-ի հետ միավորվելուց հետո, ունի 71 մասնաճյուղ (55 սեփական և 16 - Առէկսիմբանկ): Միաձուլման արդյունքում Արդշինբանկը մասնաճյուղերի ցանցով դարձավ շուկայի  առաջատարը, ընդ որում, մասնաճյուղերի ոչ միայն ընդհանուր, այլ նաև մարզային թվով (45): Իր հիմնական հաշվեկշռային ցուցանիշներով Արդշինբանկը ներառված է առաջատարների եռյակում: Բանկի հիմնական բաժնետերերն են`«Բիզնես ներդրումների կենտրոն» ՍՊԸ - 70,11% բաժնեմասով և «Ռեգիոն» ֆինանսական արդյունաբերական կորպորացիա» ՓԲԸ - 28,10%: