Արմինֆո. ԵԱՏՄ շրջանակում կստեղծվի մարդու առողջության համար վտանգավոր ապրանքների մասին իրազեկման համակարգ: Որպես փաստաթղթի հեղինակ-մշակող հանդես է եկել Հայաստանի տնտեսական զարգացման և ներդրումների նախարարությունը:
Ինչպես գրում է ռուսական «Իզվեստիա» թերթը, համակրագի շնորհիվ ԵԱՏՄ մասնակից երկրները կարող են օպերատիվորեն միմյանց տեղեկացնել առողջության և կյանքի համար վտանգավոր արատդրանքի մասին: Փաստաթուղթն արդեն անցել է ներպետական համաձայնեցման ընթացակարգը: Համակարգը նաև կապահովի ԵԱՏՄ պետությունների վերահսկողության մարմինների օպերատիվ փոխգործակցությունը և կօգնի նվազեցնել վտանգավոր ապրանքների տարածման ռիսկերը:
Եվրասիական տնտեսական հանձնաժողովում պարզաբանել են, որ տվյալների միասնական բազան կձևավորեն սպառողների իրավունքների պաշտպանության ոլորտի մարմինները: Շուկայի բոլոր մասնակիցներին հասանելի համակարգը կստեղծվի սպառողների համար գործող եվրոպական հարթակների օրինակով` ինչպես Global Recalls, RAPEX, RASSF և այլն: ԵԱՏՄ համաձայնագրի շրջանակում նաև նախատեսվում է արտահերթ ստուգումների անհապաղ անցկացում այն դեպքում, երբ խոսքը վերաբերում է մարդկանց կյանքին ու առողջությանը, կենդանիներին ու բույսերին, շրջակա միջավայրին սպառնացող վտանգին: Համաձայնագիրը նախատեսվում է հաստատել մինչև տարեվերջ:
RUB | 4.26 | -0.01 |
USD | 393.28 | -1.18 |
EUR | 424.11 | -1.51 |
GBP | 496.04 | -1.61 |
CAD | 290.22 | 0.11 |
JPY | 25.99 | -0.07 |
CNY | 54.47 | -0.10 |
CHF | 436.40 | 0.68 |