Երկուշաբթի, 22 Մայիսի 2017 13:39

Արմինֆո. Տնտեսական ակտիվությունը Հայաստանում 2017 թվականի հունվար-ապրիլին աճել է 5,7%, այդ թվում, արտահանումն աճել է 16,1%, իսկ ներմուծումը` 14,6%: Իսկ 2017-ի ապրիլի 1-ին, 2016-ի ապրիլի համեմատ, տնտեսական ակտիվությունն աճել է 3,4%, իսկ միայն ապրիլին`0,3%:

Ըստ ՀՀ Ազգային վիճակագրական ծառայության նախնական տվյալների, տնտեսական ակտռիվության աճը 2017-ի հունվար-ապրիլին հիմնականում պայմանավորված էր աճով արդյւոնաբերական հատվածում`12,9%, առևտրի ոլորտում`12,1%, ծառայությունների ոլորտում`10,1%, ինչպես նաև էներգետիկ համալիրում` 4,4%: Իսկ տարեկան անկում է արձանագրվել գյուղատնտեսոթւյան ոլորտում`2,9% և շինարարոթյունում`13,4%: Մեկ տարի առաջ, 2016-ի հունվար-ապրիլին աճ էին արձանագրել արդյունաբերական ոլորտը, ծառայությունների ոլորտը, ագրոհատվածը և էներգետիկ համալիրը, համապատասխանաբար կազմելով` 10%, 9.3%, 4.1% և 3.5%, իսկ առևտրի հատվածը և շինարարական ոլորտը համապատասխանաբար արձանագրեցին`0.8% և 7.4% տարեկան անկում:

Արդյունաբերական գների ինդեքսը 2017-ի հունվար-ապրիլին, 2016-ի նույն ժամանակահատվածի համեմատ աճել է`3,3%, իսկ միայն 2017-ի ապրիլին, 2016-ի ապրիլի համեմատ`3%, բայց միայն 2017-ի ապրիլին նվազել է 0.6%: Մեկ տարի առաջ, 2016-ի հունվար-ապրիլին, 2015-ի նույն ժամանակահատվածի համեմատ, արդյունաբերական գների ինդեքսն աճել էր 3,4%, 2016-ի ապրիլին, 2015-ի ապրիլի համեմատ`1.8%, իսկ միայն 2016-ի ապրիլին` 0, 5%:

Իսկ ամսական կտրվածքով (ապրիլ) տնտեսական ակտիվությանը վճռական խթան հանդիսացավ գյուղատնտեսական ոլորտը, որի համախառն արտադրության ծավալների աճը կազմեց 54.2% (2016-ի ապրիլին` 55,7% աճ): Մյուս ոլորտներն ապրիլի կրճատել են ծավալները, այդ թվում, էներգահամալիր - 11.4% (նախորդ տարի` 5,6% աճ), արդյունաբերություն - 7% (նախորդ տարի`4.7% աճ) շինարարության ոլորտ - 8.8 % (նախորդ տարի`9.3% անկում), առևտուր - 1.1% (նախորդ տարի`2.2% անկում) և ծառայությունների ոլորտ - 0.7% (նախորդ տարի`2.6% անկում):

Տարեկան կտրվածքով աճի տեմպերով առաջատարն է առևտրի ոլորտը - 14.2% և ծառայությունների ոլորտը - 10.4% է, որոնք աճի տեմպերով մեծապես զիջում է արդյունաբերական հատվածը` 4.3%: Ընդ որում, անկում են արձանագրել գյուղատնտեսության ոլորտը, շինարարության ոլորտը և էներգետիկ համալիրը, համապատասխանաբեր կազմելով`5%, 13% և 10,3%:

Ըստ վիճակագրական տվյալների, 2017-ի հունվար-ապրիլին 2017 բացարձակ արժեքով առաջատարն է առևտրային հատվածը, որի ծավալը կազմել է 685.9 մլրդ.դրամ ($ 1.4 մլրդ): Երկրորդ տեղում է արդյունաբերական ոլորտը`485,5 մլրդ դրամ ($ 999.7 մլն), երրորդն է ծառայությունների ոլորտը`409.03 մլրդ դրամ ($ 842,3 մլն), չորրորդ տեղում է  գյուղատնտեսությունը`114,3 մլրդ դրամ ($ 235,3 մլն), իսկ հինգերորդն է շինարարության ոլորտը`52.9 մլրդ դրամ ($ 108,8 մլն): Արտադրված էլեկտրաէներգիան ծավալը 2017-ի հունվար-ապրիլին կազմել է 2678.8 մլն կՎտժ, իսկ միայն ապրիլին`577 մլն կվտ-ժամ:

Միևնույն ժամանակ, Հայաստանի արտաքին առևտրի շրջանառությունը 2017 թվականի հունվար-ապրիլին կազմել է 820.1 մլրդ. դրամ ($ 1,689 մլրդ), տարեկան աճը`15,1%: Դրա կառուցվածքում արտահանման ծավալներն աճել են 16,1%, մինչև 295.4 մլրդ դրամ ($ 608,4 մլն), իսկ ներմուծման տարեկան աճը կազմել է 14,6%, մինչև 524.7 մլրդ դրամ ($ 1080,6 մլն): Միայն 2017-ի ապրիլին արտաքին առևտրի շրջանառությունը նվազել է 7.6%, քանի որ ներմուծումը նվազել է 10.7%, իսկ արտահանումը`2%, իսկ 2016-ի ապրիլի համեմատ արտաքին առևտրի շրջանառությունն աճել է 7.4%, հիմնականում պայմանավորված լինելով արտահանման` 16,4% և ներմուծման`2.6% աճով: Մեկ տարի առաջ, 2016-ի հունվար-ապրիլին Հայաստանի արտաքին առևտրի շրջանառությունն աճել էր 19.4%, մասնավորապես, արտահանման աճը կազմել էր 21.7%, իսկ ներմուծմանը`18.4%, իսկ միայն 2016-ի ապրիլին արտաքին առևտրի շրջանառության աճը կազմել էր 28%, այդ թվում, ներմուծումը կազմել էր 45.7%, իսկ արտահանումը`8,7%:

ՀՀ դրամի միջին հաշվարկային փոխարժեքը 2017 թվականի ապրիլին կազմել է 485.14 դրամ / $ 1, իսկ հունվար-ապրիլին`485.62 ՀՀ դրամ / $ 1: