«Տաշիր» ընկերություններ խումբն ավարտել է «Իզվեստիա»-ի խմբագրության շենքի գնման գործարքը և ձեռնամուխ է եղել վերակառուցմանը

Արմինֆո. «Տաշիր» ընկերություններ խումբն ավարտել է «Իզվեստիա»-ի խմբագրության շենքի գնման գործարքը և ձեռնամուխ է եղել վերակառուցմանը: Նախագիծը նախատեսում է ժամանակակից նոր, բազմաֆունկցիոնալ համալիրի ստեղծում, ՌԻԱ Նովոստիին հաղորդել է է նախագծին տեղյակ աղբյուրը:

«Հայտնի է դարձել, որ այս տարվա փետրվարին ավարտել է «Տաշիր» Խմբի կողմից «Իզվեստիա»-ի խմբագրության շենքի ձեռքբերման գործարքը (Տվերսկայա 18): Ներկայումս Տաշիրը ձեռնամուխ է եղել օբյեկտի վերանորոգման նախագծին» - նշել է աղբյուրը:

Ըստ նրա, ներդրումները կկազմեն մոտ 150 մլն.դոլար: «Ծրագիրը նախատեսում է մոսկվացիների համար նշանավոր հանդիսացող շինության, «Իզվեստիա»-ի շենքի վերակառուցումը և նոր ժամանակակից բազմաֆունկցիոնալ համալիրի ստեղծումը», - ասել է աղբյուրըտ:

Ըստ աղբյուրի, «Իզվեստիա»-ի խմբագրության ֆասադային մասը լիովին կպահպանվի, իսկ վերանորոգման արդյունքում կլինի նոր համալիր, որը կներառի 250 համարներով հյուրանոց, գրասենյակային մաս, ինչպես նաը հանրային սննդի և առևտրի ձեռնարկություններ: Աղբյուրը նշել է, որ վերապրոֆիլավորման ենթակա է միայն շենքի վերգետնյա մասը:

Հիշեցնենք, որ Հայաստանում «Տաշիր» ընկերությունների խմբին են պատկանում Հայաստանի էլեկտրական ցանցեր և Հրազդանի ՋԷԿ ընկերությունները: