Արմինֆո. 2017 թվականի հունվարից մինչև մարտ ամիսը ԵԱՏՄ երկրների փոխադարձ առևտրի ծավալն ավելացել է գրեթե մեկ երրորդով` նախորդ տարվա նույն ժամանակահատվածի համեմատ, իսկ երրորդ երկրներ մատակարարումները բացարձակ թվերով ավելացել են 30 մլրդ դոլարով: Այդ մասին հայտարարել է Ռուսաստանի վարչապետ Դմիտրի Մեդվեդևը` Կազանում Եվրասիական միջկառավարական խորհրդի նիստում:
Միջոցառման մասնակիցները, որոնց թվում էր նաև Հայաստանի վարչապետ Կարեն Կարապետյանը, պայմանավորվել են անդրսահմանային առևտրի, թվային տնտեսության զարգացման, փոքր և միջին ձեռներեցությանն աջակցության շուրջ:
Ռուսաստանի վարչապետն ընդգծել է, թե որքան շատ ուղղություն է ներառվում իրական ինտեգրմանը, ընդհանուր շուկայից, վերջին հաշվով, ԵԱՏՄ-ից արդյունք ստանալու որքան շատ հնարավորություն ունի յուրաքանչյուր մասնակից, այնքան ավելի լավ: «Չափազանց բարդ է մնում իրավիճակը համաշխարհային տնտեսությունում: Եվ անգամ այդպիսի ոչ այնքան բարենպաստ համաշխարհային կոնյունկտուրայում մեր ցուցանիշները բարելավվում են», - ասել է Ռուսաստանի վարչապետը:
Մեդվեդևը հավելել է, որ թեև ԵԱՏՄ երկրներին հաջողվել է վերացնել ապրանքների, կապիտալի և աշխատուժի տեղաշարժի հիմնական արգելքները, խոչընդոտներ դեռ մնում են: Ուստի առաջիկա տարիներին եվրասիական հնգյակի գծով գործընկերները մտադիր են վերացնել շուրջ երկու տասնյակ սահմանափակում արդյունաբերությունում, գյուղատնտեսությունում, էներգետիկայում, տեխնիկական կարգավորման ոլորտում:
Մեդվեդևի գնահատմամբ, ԵԱՏՄ երկրների համագործակցության ևս մեկ կարևոր հարթակ է պարենային շուկան: Եվ 2016 թվականի արդյունքներով գյուղատնտեսությունն, ընդհանուր առմամբ, 4% աճ է ցույց տվել: Մեդվեդևը կոչ է արել ավելի արդյունավետ օգտագործել այդ առավելությունը, համակարգել ազգային ագրոարդյունաբերական քաղաքականությունները, կիրառել ժամանակակից տեխնոլոգիաներ, այդ թվում` նորարական մշակումներ:
«Մենք արդեն պայմանավորվել ենք արդյունաբերական սուբսիդիաների տրամադրման միասնական կանոնների, գործընկերների կողմից արտադրողին աջակցելու միջոցների կամավոր համաձայնեցման շուրջ: Այսօր մեն իրավական գնահատական ենք տալիս այդ աշխատանքին», - հայտարարել է ՌԴ վարչապետը:
Արմեն Մելիքյան. Հեռահաղորդակցության ոլորտում Հայաստանը կարող է հայտնվել 90-ական թվականների վերջի իրավիճակում
Սերգեյ Դորոխին․ <ՀԿԵ-ն ունի բոլոր անհրաժեշտ ռեսուրսները ցանկացած բարդության և ցանկացած հեռավորության փոխադրումների կազմակերպման համար>
Փորձագետ. Հայաստանում լեռնահանքային արտադրության վերականգնման հարցն ավելի քան արդիական է դառնում
Ֆինանսների նախարարությունը 2020 թվականի համար կանխատեսում Է բյուջեի դեֆիցիտ՝ ՀՆԱ-ի 7,4 տոկոսի չափով
Պետությունը հակաճգնաժամային 15-րդ միջոցառման շրջանակներում 1000 ժամանակավոր աշխատատեղ կստեղծի
