Շաբաթ, 27 Մայիսի 2017 13:35

Արմինֆո. Այսօր Ծաղկաձորում մեկնարկել է «Եվրասիական տնտեսական միություն. Հայաստան-համագործակցություն» երկօրյա գործարար համաժողովը, որին մասնակցում են ԵԱՏՄ մասնակից երկրների առևտրա-արդյունաբերական պալատները (ԱԱՊ), Հայաստանի կառավարության անդամներ, ԵԱՏՄ գործարար կառույցների ներկայացուցիչներ: Համաժողովը կոչված է միավորելու գործարար կառույցների ջանքերը ԵԱՏՄ արտահանման ներուժի զարգացման գործում:

Ինչպես ԱրմԻնֆո-ին հաղորդել են Հայաստանում Ղազախստանի դեսպանությունից, Ղազախստանի պատվիրակությունը գլխավորում է «<KAZNEX INVEST արտահանման և ներդրումների ազգային գործակալություն» ԲԸ վարչության փոխնախագահ Մ.Մայկենովը, ինչպես նաև Ղազախստանի դեսպանության աշխատակիցները:

Դիվանագիտական ներկայացուցչության մամուլի ծառայության համաձայն, ԱԱՊ-ների դերը փոքր և միջին ձեռներեցության զարգացման և արտաքին շուկաներ արտահանման առաջընթացի գործում մնում է որոշիչ: Հաշվի առնելով ԵԱՏՄ շրջանակում առևտրային կանոններում նորամուծությունները և ազատ առևտրի գոտիների ընդլայնումը` ԵԱՏՄ մասնակից երկրների ԱԱՊ-ների հետ հատուկ հույսեր են կապվում գործարարության շրջանում համակարգված տեղեկատվական աշխատանքի իրականացման գործում, հատկապես այն երկրներում, որոնք միմյանց հետ ընդհանուր սահմաններ չունեն` ինչպես Ղազախստանն ու Հայաստանը:

Համաժղովի շրջանակում ընթանում են Ղազախստանի և Հայաստանի «business 2 business» ընկերությունների ներկայացուցիչների երկկողմ հանդիպումներ, որոնց ընթացքում ղազախստանցի արտադրողները սպառիչ տեղեկատվություն են ստանում Հայաստասնի շուկայի հեռանկարների վերաբերյալ` արտադրվող արտադրանքի իրացման և որոշակի կոնտր-գործընկերների հետ անձնական հանդիպումների և ծանոթությունների համար: Ղազախստանի գործարար պատվիրակությունը ներկայացված է սննդի, մալուխահաղորդիչների, քիմիական և համակցված կերերի արտադրության ներկայացուցիչների  կողմից: