Շաբաթ, 27 Մայիսի 2017 22:34

Արմինֆո. Հայաստանի բարձր տեխնոլոգիական արտադրանքի մասնաբաժինը ԵԱՏՄ երկրների ընդհանուր ծավալում կազմել է 12%, գերազանցելով Միության միջին ցուցանիշը 8.8%-ով: Այս մասին մայիսի 27-ին հայտարարել է ԵՏՀ առևտրի Կոլեգիայի անդամ, նախարար Վերոնիկա Նիկիշինան, «ԵԱՏՄ. Հայաստան-Համագործակցություն» բիզնես համաժողովի շրջանակներում:

«Մենք պայքարում ենք արտահանման որակի համար, անցում կատարելով հումքայինից ոչ հումքային մատակարարումներին: Իսկ ոչ հումքային արտահանման շրջանակներում հիմնական շեշտադրումը կատարում ենք տեխնոլոգիական արտադրանքի իրացման վրա, որն այդ հատվածի «էլիտան» է»,-ասել է նա, նշելով, որ Հայաստանն արտահանման դանդաղման ընդհանուր ֆոնին ցուցադրել է ֆանտաստիկ արդյունքներ: «Դուք այստեղ ցուցադրում ենք արտահանման ներուժի ոչ միայն քանակ, այլ նաև որակ»,-նշել է նա:

Այս առումով Նիկիշինան նշել է հայկական արտադրանքի արտահանման աճը ռուսաստանյան շուկայում: Նրա կարծիքով, Հայաստանի արտահանման քաղաքականության իրականացման հաջողությունը պայմանավորված է ոչ միայն արտադրանքի որակով, այլ նաև տնտեսական սերտ հարաբերությունների որոշակի կարոտով, որոնք երկրների միջև գոյություն ունեն նախկինում: «Կասեմ ոչ միայն որպես պաշտոնյա, այլ կարտահայտեմ իմ քաղաքացիական դիրքորոշումը: Այժմ տեղի է ունենում վերադարձ գործընկերության ոգուն`Ռուսաստանի և Հայաստանի միջև սերտ կոոպերատիվ կապերի երկար տարիների կորուստից հետո: Մենք կարոտել էինք հայկական ապրանքները, ոգին, բնավորությունը»,-հավելել է Նիկիշինան:

Սակայն, ըստ ԵՏՀ նախարարի, արտահանման նորուժի դիվերսիֆիկացման հարցը դեռ չի լուծվել: Նիկիշինան այդ լուծումը տեսնում է կոոպերացիայի արդյունավետ զարգացման մեջ: «Պետք չէ մրցակցել: Մենք պետք է լրացնենք միմյանց, որպեսզի նոր փորձի, տեխնոլոգիաների ու ծառայությունների միջոցով դուրս գանք կոոպերատիվ արտադրանքի որակի նոր մակարդակ»,-ասել է նա:

Ըստ Նիկիշինայի, ներկայիս ֆորումը Հայաստանի և ԵԱՏՄ արտահանողներին կօգնի հաստատել գործընկերային կապեր, հասկանալ երկրների մրցակցային առավելությունները, որոնց հետ ընթանում են ազատ առևտրի բանակցությունները, կամ հաստատվում են ազատ հարաբերություններ:

Ըստ ՀՀ Ազգային վիճակագրական ծառայության տվյալների, առևտրի շրջանառությունը Հայաստանի և Ռուսաստանի միջև 2016 թ. կազմել են $ 1,4 մլրդ., տարեկան աճը`15,1%: Արտահանումն աճել է 51,5%, մինչև $ 371 մլն., իսկ ներմուծումը`5,7%, մինչև $ 995,9 մլն: 2017 թվականի I եռամսյակում Հայաստանի և Ռուսաստանի միջև առևտրի  շրջանառությունն աճել է 18.2%, մինչև $ 360,8 մլն-ի, մասնավորապես, արտահանումն աճել է 39,3%, մինչև $ 100.5 մլն, իսկ ներմուծումը`11.6%, մինչև $ 260,3 մլն:

Նշենք, որ «Եվրասիական տնտեսական միության. Հայաստան – համագործակցություն» երրորդ ամենամյա գործարար համաժողովը տեղի է ունեցավ Ծաղկաձորում, որն ունեցավ ավելի քան 400 մասնակից, մասնավորապես, կառավարության անդամներ, տարբեր միությունների և ասոցիացիաների ներկայացուցիչներ, ինչպես նաև Հայաստանի, Ռուսաստանի Դաշնության, Բելառուսի, Ղազախստանի, Ղրղզստանի և այլ երկրների խոշոր ընկերությունների ղեկավարներ: