Վիճակագրություն. Արդյունաբերությունը, առևտուրը և ծառայությունների ոլորտը 2017 թվականի հունվար-ապրիլին ապահովում են տնտեսական ակտիվության 5.7% աճ

Արմինֆո. Տնտեսական ակտիվությունը Հայաստանում 2017 թվականի հունվար-ապրիլին նախորդ տարվա համեմատ աճել է 5.7%, այդ թվում, արտահանումն աճել է 16.1%, իսկ ներմուծումը`14.6%: Այս տարվա ապրիլին, 2016-ի ապրիլի համեմատ, տնտեսական ակտիվությունն աճել է 3.4%, միայն ապրիլին` 0,3%: Մեկ տարի առաջ, 2016-ի հունվար-ապրիլին, 2015-ի նույն ժամանակահատվածի համեմատ, տնտեսական ակտիվությունն աճել էր 6%, ապրիլին, 2015-ի ապրիլի համեմատ` 6.8%, իսկ միայն ապրիլին`4%: Համեմատության համար նշենք, որ 2015 թվականին տնտեսական ակտիվությունը հունվար-ապրիլին աճել էր 2,7%, միայն ապրիլին`3,4% (տարեկան աճը`3,2%):

Ըստ ՀՀ Ազգային վիճակագրական ծառայության տվյալների, տնտեսական ակտիվության աճը 2017 թվականի հունվար-ապրիլին հիմնականում ապահովեցին` արդյունաբերական հատվածը (12.9%), առևտրի ոլորտը (12.1%), ծառայությունների ոլորտը (10.1%), էներգետիկ համալիրը (4.4%): Իսկ տարեկան անկում են արձանագրել` գյուղատնտեսության ոլորտը` 1.5% և շինարարական հատվածը`13.6%: Մեկ տարի առաջ, 2016-ի հունվար-ապրիլին տնտեսական ակտիվությունն աճել էր`արդյունաբերությունում, ծառայութոյւնների ոլորտը, գյուղատնտեսությունը և էներգահամալիրը, համապատասխանաբար կազմելով` 9.3%, 4.1% և 3.5%, իսկ առևտրի հատվածում և շինարարության ոլորտում անկումը համապատասխանաբար կազմել էր`0,8% և 7,4%:

Տնտեսական ակտիվության ցուցանիշը 2017-ի հունվար-ապրիլին տարեկան կտրվածքով աճել է 3.3%, իսկ ապրիլին, 2016-ի ապրիլի համեմատ` 3%, իսկ միայն ապրիլին, մարտի համեմատ 0.6%%: Մեկ տարի առաջ, 2016-ի հունվար-ապրիլին, 2015-ի նույն ժամանակահատվածի համեմատ այս ցուցանիշն աճել էր 3,4%, 2016-ի ապրիլին, 2015-ի ապրիլի համեմատ`1.8%, իսկ միայն 2016-ի ապրիլին`0,5%:

Իսկ ամսական կտրվածքով (ապրլի) տնտեսական ակտիվությանը որոշիչ թռիչք է հաղորդել գյուղատնտեսությունը, որտեղ աճը կազմել է 54.2% (2016-ին `55.7%): Մյուս ոլորտներն ապրիլին կրճատել են ծավալները: Մասնավորապես, էներգեահամալիր- 11.4% (2016-ի աճը`5,6%), արդյունաբերություն - 7% (նախորդ տարվա աճը`4.7%) շինարարության ոլորտ - 8,8% (նախորդ տարվա անկումը`9 3%), առևտրի ոլորտ -  1.1% (նախորդ տարվա անկումը`2.2%) և ծառայությունների ոլորտ - 0,7% -ով (նախորդ տարվա անկումը`2.6%): 

Տարեկան կտրվածքով աճի տեմպերով առաջատարն է առևտրի ոլորտը - 14.2% և ծառայությունների ոլորտը - 10.4%, որոնց հաջորդում է արդյունաբերական հատվածը -  4.3%: Անկում են արձանագրել`գյուղատնտեսության ոլորտ, շինարարության ոլորտը և էներգետիկ համալիր, համապատասխանաբար`5%, 13% և 10,3%:

Ըստ վիճակագրական տվյալների, 2017-ի հունվար- ապրիլին բացարձակ մեծությամբ առաջատարն է առևտրի ոլորտը`685.9 մլրդ դրամ ծավալով (մոտ $ 1.4 մլրդ): Երկրորդ տեղում է արդյունաբերական հատվածը`485.5 մլրդ դրամ ($ 999.7 մլն), երրորդն է ծառայությունների ոլորտը`409.3 մլրդ դրամ ($ 842.3 մլն), չորրորդն է գյուղատնտեսության ոլորտը`114.3 մլրդ դրամ ($ 235.3 մլն), իսկ հինգերորդ տեղում է շինարարության ոլորտը`52.9 մլրդ դրամ ($ 108.8 մլն): Էլեկտրաէներգիայի արտադրության ծավալը 2017-ի հունվար-ապրիլին կազմել է 2678.8 մլն կՎտժ, իսկ միայն ապիլին`577 մլն կՎտժ:

Միևնույն ժամանակ, Հայաստանի արտաքին առևտրի շրջանառությունը 2017 թվականի հունվար-ապրիլին կազմել է 820.1 մլրդ.դրամ ($ 1689 մլն), տարեկան աճը` 15.1%: Դրա կառուցվածքում արտահանման ծավալն աճել է 16,1%, մինչև 295.4 մլրդ.դրամ ($608.4 մլն.), իսկ ներմուծումն աճել է 14.6%, մինչև 524.7 մլրդ.դրամ ($ 1080.6 մլն.): Միայն 2017 թվականի ապրիլին Հայաստանի արտաքին առևտրի շրջանառությունը կրճատվել է 7,6%, ներմուծման`10.7% և արտահանման`2% անկման հաշվին, իսկ 2016-ի ապրիլի համեմատ այս ցուցանիշներն աճել են 7.4%, քանի որ արտահամումն աճել էր 16.4%, իսկ ներմուծումը`2.6%: Մեկ տարի առաջ, 2016-ի հունվար-ապրիլին արտաքին առևտրի շրջանառության տարեկան աճը կազմել էր 19.4%, մասնավորապես, ներմուծումը`18.4%, իսկ արտահանումը`21.7%:

ՀՀ դրամի միջին հաշվարկային փոխարժեքը 2017 թվականի հունվար-ապրիլին կազմել է 485.62 դրամ /դոլար, միայն ապրիլին` 485,14 դրամ/դոլար: