Հայաստան են ժամանել իսրայելական 17 զբոսաշրջային օպերատորների ներկայացուցիչներ

Արմինֆո. Եռօրյա ճանաչողական այցով Հայաստան են ժամանել 17 զբոսաշրջային  օպերատորներ Իսրայելից, որոնք հունիսի 2-ին հանդիպել են հայաստանյան զբոսաշրջային  օպերատորների  հետ:  Հանդիպմանը ներկա է գտնվել Հայաստանում Իսրայելի պատվավոր հյուպատոս Աշոտ Շախմուրադյանը: 

Ինչպես ԱրմԻնֆո-ին հաղորդեցին Զբոսաշրջտության պետական կոմիտեի մամուլի ծառայությունից, ՀՀ տնտեսական զարգացման և ներդրումների նախարարության  Զբոսաշրջության պետական կոմիտեի նախագահ  Զարմինե  Զեյթունցյանը բացման խոսքում նշել է.  «Կարևում ենք Հայաստանի և Իսրայելի միջև զբոսաշրջության  ոլորտում համագործակցությունը: Գտնում ենք, որ  երկու երկրների միջև  զբոսաշրջային այցելությունների ակտիվացումը բացի տնտեսական նշանակությունից  ունի նաև երկու ժողովուրդների միջև միջմշակութային երկխոսության, ժողովուրդների   բարեկամության ամրապնդման և  զարգացման  նշանակություն»:

Հանդիպման  ընթացքում  քննարկվել են մի շարք հարցեր՝ ուղղված Հայաստանի և Իսրայելի  միջև զբոսաշրջության բնագավառում հետագա համագործակցության ամրապնդմանը: Կողմերը փոխանակվել են անհրաժեշտ  տեղեկություններով՝ հետագայում համագործակցությունն առավել ակտիվացնելու նպատակով:

17 զբոսաշրջային օպերատորների այցը  Հայաստան կազմակերպվել է «Արմենիա» ավաընկերության կողմից, որի առաջին թռիչքը Թել Ավիվ կայացել է մայիսի 17-ին: Կանոնավոր չվերթներն իրակաանցվում են հինգշաբթի և կիրակի օրերին:

ՀՀ ազգային վիճակագրական ծառայության տվյալների համաձայն, 2017 թվականի հունվար-մայիս ամիսներին Հայաստան է ժամանել 1 298 533 զբոսաշրջիկ, ինչը 18.2%-ով ավելի է 2016 թվականի նույն ժամանակահատվածի ցուցանիշից: Ինչպես նշում է աղբյուրը, հունվար-մարտ ամիսներին զբոսաշրջության նպատակով Հայաստանից մեկնած քաղաքացիների թիվը կազմել է 1 266 324 մարդ: 2016 թվականի նույն ժամանակահատվածի համեմատ, այդ ցուցանիշն աճել է 17.1%-ով: Հաշվետու ժամանակահատվածում Հայաստան այցելած զբոսաշրջիկների 26.1%-ը բաժին է ընկել ԱՊՀ երկրներին, 14.2%-ը` ԵՄ երկրներին, 59.7%-ը` այլ երկրների: