Հայաստանում աշխատավարձերի մակարդակի գծով առաջատարությունը պահպանում է տեղեկատվության և կապի ոլորտը

Արմինֆո. Հայաստանում աշխատավարձերի մակարդակի գծով առաջատարությունը պահպանում է տեղեկատվության և կապի ոլորտը. ապրիլի 1-ի դրությամբ 416,9 հազար դրամ` 12,7% տարեկան աճ: Ըստ ՀՀ ազգային վիճակագրական ծառայության տվյալների, տեղեկատվության և կապի ոլորտին հաջորդում են ֆինանսական հատվածը` 400.4 հազար դրամ (3.2% տարեկան աճ), հանքարդյունաբերական ոլորտը` 380.5 հազար դրամ (12.1% տարեկան աճ) եւ էներգետիկ համալիրը` 284.6 հազար դրամ (4.1% տարեկան աճ):

Ըստ աշխատավարձերի մակարդակի Երեւանն զբաղեցնում է երկրորդ տեղը, միջինը` 198.5 հազար դրամ (1,5% տարեկան աճ): Իսկ առաջատարը մնում է  Սյունիքի մարզ, որտեղ անվանական միջին աշխատավարձը կազմել է 232,3 հազար դրամ (6,7% տարեկան աճ), որին հաջորդում են Արմավիրի մարզը` 164.1 հազար դրամ (5,7% տարեկան աճ), Տավուշի մարզը` 162,8 հազար դրամ (13.4% տարեկան աճ), իսկ առաջատարների հնգյակը եզրափակում է Կոտայքի մարզը` 161.1 հազար դրամ (1,5% տարեկան աճ):

Վիճակագրական տվյալների համաձայն, հունվար-ապրիլ ամիսներին աշխատավարձը պետական հատվածում կազմել է 156,8 հազար դրամ (323 դոլար), որը 0.3% -ով պակաս է նախորդ տարվա նույն ժամանակահատվածի ցուցանիշից: Ընդ որում, մասնավոր հատվածում աշխատավարձը տարեկան կտրվածքով ավելացել է 3.2% -ով, կազմելով 225.1 հազար դրամ (463,6 դոլար): 2017 թվականի ապրիլին 2016 թվականի ապրիլի համեմատ  պետական ծառայողների աշխատավարձն ավելացել է 1,1% -ով` մասնավոր հատվածում աշխատավարձի 3,8% աճի դիմաց:

Ընդհանուր առմամբ, 2017 թվականի հունվար-ապրիլ ամիսներին Հայաստանում  ամսական անվանական աշխատավարձը կազմել է 187.2 հազար դրամ (385,4 դոլար)` 2,3%  տարեկան աճով:  2017 թվականի ապրիլին 2016  թվականի ապրիլի համեմատ անվանական աշխատավարձն աճել է 3.3%-ով: Համեմատության համար նշենք, 2016 թվականի հունվար-ապրիլին Հայաստանում անվանական աշխատավարձն ավելացել է 3,2% -ով, իսկ 2016 թվականի ապրիլին 2015 թվականի ապրիլի համեմատ` 2.6%-ով:

2017 թվականի ապրիլին դրամի միջին հաշվարկային փոխարժեքը կազմել է 485.14 դրամ/1դոլար, իսկ հունվար-ապրիլին` 485,62  դրամ/1դոլար,2016 թվականի ապրիլի 481.27 դրամ/1դոլարի և 2016 թվականի հունվար-ապրիլի 486,82 դրամ/1դոլարի դիմաց: 2015 թվականի ապրիլին  փոխարժեքը կազմել է 474,07 դրամ/1 դոլար, իսկ 2015 թվականի հունվար-ապրիլին` 476,46 դրամ/1 դոլար: