ՀՀ բնապահպանության նախարարը Համաշխարհային բանկի ներկայացուցիչների հետ քննարկել է «Շրջակա միջավայրը՝ պարտքի դիմացե ծրագիրը

Արմինֆո. Հունիսի 12-ին ՀՀ բնապահպանության նախարար Արծվիկ Մինասյանը հանդիպում է ունեցել Համաշխարհային բանկի ներկայացուցիչների՝ շրջակա միջավայրի տնտեսագետ Մայա Մուրիսիկի և հայաստանյան գրասենյակի ավագ տնտեսագետ Գոհար Գյուլումյանի հետ: Հանդիպմանը մասնակցել են նաև ՀՀ բնապահպանության նախարարի առաջին տեղակալ Էրիկ Գրիգորյանը, այլ պատասխանատու անձինք: Քննարկման առանցքում « Շրջակա միջավայրը՝ պարտքի դիմաց ե ծրագրին վերաբերող հարցերն էին, մասնավորապես, փոխգործակցությունը՝ ՀԲ-ի կողմից Հայաստանին տեխնիկական աջակցության ծրագրի մեկնարկի կապակցությամբ:

ՀՀ Նախագահի հանձնարարականի կատարման շրջանակներում, ըստ որի՝ ակտիվացվելու են աշխատանքները բնություն–արտաքին պարտք մեխանիզմի գործադրման ուղղությամբ, ինչը հնարավորություն կտա Հայաստանի երկկողմ վարկային պարտավորություններից որոշակի միջոցներ ուղղել Հայաստանի բնապահպանական խնդիրների լուծմանը` նախարար Մինասյանը ողջունել է դրա իրականացմանը Համաշխարհային բանկի աջակցությունը, և նշել ճանապարհային քարտեզի ստեղծման անհրաժեշտությունը՝ ծրագրի իրականացման ընթացքն առավել արագ և նպատակային դարձնելու համար:  «Մենք համոզված ենք, որ բարելավված շրջակա միջավայրը, որի մեջ մտնում են բնական ռեսուրսների բոլոր տեսակների նկատմամբ պատասխանատու, հավասարակշռված և հեռանկարային օգտագործման սխեմաները, օգնելու է նաև մեզ երկարաժամկետ առումով ունենալու կայուն տնտեսական աճ: Մենք պատրաստ ենք ամբողջությամբ ներգրավվելու այս գործընթացի մեջե,-ասել է բնապահպանության նախարարը` նշելով, որ ծրագրի իրականացումը նպաստելու է ոչ միայն բնապահպանական ներդրումային ծրագրերի ներգրավմանը, այլև էականորեն նպաստելու է Հայաստանի` միջազգային հանձնառությունների արդյունավետ կատարմանը: Որպես առաջնահերթություն Արծվիկ Մինասյանը ներկայացրել է ծրագրային մի շարք առաջարկներ, որոնց շուրջ կարող են ծավալվել գործողությունները: Մասնավորապես, անդրադարձ է եղել ջրային համակարգին, անտառների և կանաչ տարածքների պահպանության և բարելավման հարցերին, հանքարդյունաբերության ոլորտի կարգավորմանը: ՀԲ ներկայացուցիչները պատարստակամություն են հայտնել հնարավորինս արագ փոխգործակցել ծրագրի իրականացման բոլոր կողմերի հետ, ինչի ապացույցն է նախարարի հետ հանդիպումից հետո արդեն նախանշված աշխատանքային քննարկումը բնապահպանության նախարարի առաջին տեղակալ Էրիկ Գրիգորյանի հետ, ով նշել է, որ Հայաստանի հետ «Շրջակա միջավայրը՝ պատքի դիմացե ծրագրի բարեհաջող իրականացումը օրինակելի կարող է դառնալ այլ երկրների համար:

Հայաստանը 1992 թվականից անդամակցում է Համաշխարհային բանկին, իսկ 1993 թվականից`Միջազգային զարգացման ընկերակցությանը (ՄԶԸ): Նշված ժամանակահատվածում հանրապետությանը վարկերի տեսքով տրամադրվել է 2.3 մլրդ. դոլար: Այս ֆոնին ավելորդ չէ հիշեցնել, որ Հայաստանի ընդհանուր պետական ​​պարտքը տարեվերջին կաճի մինչև ՀՆԱ-ի 54.6%: Իսկ 2017 թվականին, ըստ ՀՀ ֆինանսների նախարարության կանխատեսումների, այս ցուցանիշը կհասնի 56,1%-ի: Հոկտեմբերի 31-ի դրությամբ Հայաստանի պետական ​​պարտքը կազմել է $ 5.6 մլրդ կամ 2.665 մլրդ դրամ: Հայաստանի կառավարության հիմնական վարկատուն է Միջազգային զարգացման ասոցիացիա (ՄԶԱ), որի մասնաբաժինը կազմում է պարտքի 38,8% -ը, ինչպես նաև Վերակառուցման և զարգացման միջազգային բանկը` 15,8% մասնաբաժնով, որը հանդիսանում է Համաշխարհային բանկի խմբի անդամ: