Արմինֆո. Գյուղատնտեսության նախարար Իգնատի Առաքելյանը հունիսի 29-ին, կառավարության նիստից հետո, լրագրողների հետ զրույցում «Սպայկա» ագրոհոլդինգի, արտահանվող ծիրանի գների դեմպինգի հետ կապված իրավիճակը բացատրել է շուկայական հարաբերություններով ժամանակակից տնտեսությունում:
Ըստ նրա, այսօր, շուկայական հարաբերությունների պայմաններում, շուկան ինքն է որոշում ապրանքների արժեքը: «Կան մի շարք արտահանող ընկերություններ և բազմաթիվ ֆերմերային տնտեսություններ, որոնք աճցնում են ծիրան: Գինը որոշում է շուկան, և մենք չենք կարող դա համակարգել: Եթե կան խախտումներ, ուրեմն անհրաժեշտ է դիմել համապատասխան մարմիններին», - ասել է նախարարը:
Ինչ վերաբերում է հնարավոր պայմանավորվածությանը արտահանողների և դեմպինգային գների միջև, ինչպես նշել է Առաքելյանի, դրա համար գոյություն ունի հակամենաշնորհային հանձնաժողով: Միևնույն ժամանակ, նախարարը նշել է, որ մթերման գները կախված են ծիրանի բերքի ծավալներից, ասել է նախարարը, կոչ անելով չմոռանալ այն մասին, որ անբարենպաստ եղանակային պայմանների պատճառով արտահանման գործընթացը Հայաստանում սկսվեց ուշացումով: «Ամեն ինչ ունի իր տրամաբանական բացատրությունը», - ասել է գյուղատնտեսության նախարար:
Մեկ շաբաթ առաջ Հայաստանից արտահանվող ծիրանի , գներն սկսեցին ընկնել: Արարատի մարզի Ջրաշեն գյուղի բնակիչները փակել էին ճանապարհը, ի նշան բողոքի, որ արհեստականորեն իջեցնում են արտահանվող ծիրանի գները: Գյուղատնտեսության նախարարությունը, ի դեմս փոխնախարար Ռոբերտ Մակարյանի, ցածր գները բացատրեցին այն հանգամանքով, որ այս տարի ծիրանի սեզոնն սկսվել է 10 օր ուշ, և այդ ընթացքում ռուսական շուկայում ծիրան է հայտնվել Ուզբեկստանից և այլ երկրներից, իջեցնելով գները: Իսկ գյուղացիները հայտարարել էին, որ մթերողները, մասնավորապես, «Սպայկա» գյուղատնտեսության հոլդինգը խախտել է պայմանավորվածությունը և 600-800 դրամի փոխարեն ուզում է կվճարել 400 դրամ մեկ կգ դիմաց: Ինչպես գրել են ԶԼՄ-ները վերջին օրերին, «Սպայկան» օգտվելով իր մեծ հնարավորություններից, մյուս արտահանողների համար «փակել է» Կրասնոդարում ծիրանի ամենամեծ մեծածախ «Ռոզա վետրով» շուկան: Հայաստանյան արտահանողներին շուկայում հայտնում են, որ ծիրան կընդունեն միայն «Սպայկայից», որ, ըստ նրանց, շուկայի տնօրինությանը խոշոր գումար է վճարել: Այս մասին գրել էր «Ելք» դաշինքից Երևանի ավագանու անդամ Արայիկ Հարությունյանը ֆեյսբուքյան իր էջում:
Նշենք նաև, որ այդ նույն «Սպայկա» ընկերությանն անցյալ շաբաթ Երևանի քաղաքապետարանի նվիրաբերել էր ավելի քան 160 հա հողատարածք: