Արմինֆո. Fitch Ratings գործակալության կողմից Հայաստանի ռեյտինգի՝ նախկին «BB-»ից մինչև ներայիս «В+» նվազումը տարածաշրջանային բնույթ է կրել. հաշվի է առնվել Ռուսաստանից կախվածությունը : Այդ մասին հուլիսի 4-ին Երևանում ընթացող կոնֆերանսի շրջանակներում հայտարարել է Fitch Ratings-ի սուվերեն վարկանիշների դեպարտամենտի տնօրեն Էրիկ Էրայսփը:
Նա հիշեցրել է, որ Fitch-ը Հայաստանին վարկանիշ է շնորհում 2006 թվականից, երբ գործակալությունը երկրին շնորհեց «BB-» սուվերեն վարկանիշ, ավելի ուշ՝ 2008 թվականին, հաջորդել է մինչև «BB» մակարդակը բարձրացում: Երբ վրա հասավ ճգնաժամը, և հաշվի առնելով դրա ուժեղ ազդեցությունը երկրի վրա, ռեկտինգը նվազեցվեց մինչև նախկին «BB-» մակարդակը: 2014 թվականին, հաշվի առնելով արտաքին ցնցումները և Ռուսաստանից կախվածությունը, հաջորդեց հերթական նվազումը մինչև «B+», և այդ մակարդակը պահպանվում է մինչ օրս:
«Մեր ռեյտինգը արտացոլում է իր պարտքը սպասարկելու երկրի պատրաստակամությունը: Մենք դիտարկում ենք չորս ուղղություն՝ մակրոտնտեսական քաղաքականություն; պետական ֆինանսներ; արտաքին հաշիվներ; կառուցվածքային գործոններ: Մեր ընթացիկ գնահատմամբ՝ Հայաստանը բոլոր ուղղությունենրով չեզոք դիրք է զբաղեցնում, բայց կան նաև ուժեղ կողմեր: Տվյալ պահին միտումը կայուն է: Ցնցումների տեսակետից դժվար է պատկերացնել ավելի ուժեղ, քան 2013 թվականից հետո էր, սակայն ԿԲ-ն ձեռնարկեց բոլոր հնարավոր միջոցները դրանք չեզոքացնելու համար: Բացի այդ, կառավարությունը կարողացավ արագ կողմնորոշվել բյուջեի կատարման հարցում: Մեր գնահատականը զուսպ է»,- ընդգծել է Է. Էրայսփը:
Նա գտնում է, որ Հայաստանում մակրոմակարդակով ներդրումների աճի համար միջավայրը նպաստավոր է: Վճարային հաշվեկշռի ընթացիկ հաշվի դեֆիցիտի բարելավում /վերջին 2 տարում ՀՆԱ 10%-ից մինչև 3% նվազում.-խմբ/ տեղի է ունեցել ոչ միայն շնորհիվ ցիկլային գործոնների, այլ նաև՝ կառուցվածքային բարեփոխումների: «Բայց BB սանդղակով ռեկտինգի հավակնելու համար պետք է ավելի նվազեցնել այդ մակարդակը, բարձրացնել արտահանման աճի տեմպերը, ապահովել ՀՆԱ ավելի բարձր աճ, կրճատել արտաքին պարտքը: Կարծում ենք՝ անցկացվող դրամավարկային քաղաքականությունը նպաստում է հարկերի հավաքելիության արագացմանը: Գտնում ենք, որ 2017 թվականին իրավիճակն ավելի կայուն կլինի»,- ամփոփել է Է. Էրայսփը:
Փորձագետ. Մոսկվայի եւ Թեհրանի միջեւ նոր էներգետիկ գործարքը Հարավային Կովկասի երկրների շահերը չի շոշափում
Մենակ մնալով իր խնդիրների հետ՝ ԿԲ-ն ստիպված կգնա վերաֆինանսավորման տոկոսադրույքի բարձրացման, իսկ արտահանումը կհայտնվի ուղղակի հարվածի տակ. Վարդան Արամյան
Արդյո՞ք արտահանողները պետությունից օգնություն կտանան, թե՞ Հայաստանի տնտեսությունը կտապակեն մոնետար թավայի վրա
Արժեւորվող դրամին առնչվող դրամա. արդյո՞ք երկար կտեւի. Հայկազ Ֆանյան
Հայաստանի գնաճը սոցիալական աղետ է. տնտեսագետ
Առանց Ջուլֆայի սահմանակետի տարածաշրջանի ապաշրջափակման մասին բոլոր խոսակցություններն արժեք չունեն. փորձագետ
Հայաստանի կենսաթոշակառուներին կտրամադրվեն զեղչեր՝ բանկային քարտերով առեւտրի դեպքում. Նախագիծ
Օգոստոսի 1-ից կարգելվի սերտիֆիկացված ընկերությունում տեխզննում չանցած գազի բալոններով ավտոմեքենաների լիցքավորումը