Արմինֆո. ԱրմԻնֆո ԼԳ-ն պարգևատրվել է GeoProMining ընկերություների խմբի «Հուսալի գործընկեր» շնորհակալագրով և «Հուսալի գործընկերային հարաբերությունների, արդյունավետ աշխատանքի և փոխշահավետ համագործակցության համար» պատվո մեդալով:
ԱրմԻնֆո ԼԳ-ին շնորհակալագիրը և պատվո մեդալը հանձնել են հուլիսի 14-ին Արարատի մարզի Արարատ քաղաքում ընկերության աշխատակիցների և ավանդական գործընկերների պարգևատրման ընթացքում՝ կապված Հայաստանում 10-ամյա ներկայության, ինչպես նաև «Հանքագործի և մետալուրգի օր» մասնագիտական տոնի կապակցությամբ: Հուլիսի 13-14-ը Վարդենիս, Արարատ և Ագարակ քաղաքներում /Հայաստանում ընկերության ներկայության քաղաք/ տեղի են ունեցել ընկերության աշխատակիցներին և ավանդական գործընկերներին հոբելյանական մեդալներով և շնորհակալագրերով պարգևատրման արարողությունները: Լավագույն աշխատակիցները դրամական պարգևներ են ստացել: Տեղական համայնքների աջակցության սոցիալական քաղաքականության շրջանակներում ընկերությունը քաղաքաների կարիքների համար տեխնիկա է նվիրել վերջիններիս: «Իմ մանկության քաղաքը» մանկական փառատոնի շրջանակներում այդ քաղաքներում կազմակերպվել է մանկական ժամանցային ծրագիր, որին մասնակցել են մուլտֆիլմերի, հեքիաթների սիրված հերոսները, ծաղրածուներ և աճպարարներ, ովքեր երեխաներին զվարճացրել են խաղերով և մրցույթներով: Տեղի են ունեցել համերգներ, որին մասնակցել են տեղի դպրոցներից կոնկուրսանտներ: Լավագույն աշխատանքների հեղինակները նվերներ են ստացել ընկերությունից: Միջոցառումներն ավարտվել են Վարդենիս, Արարատ և Ագարակ քաղաքներում էստրադայի աստղերի մասնակցությամբ տոնական համերգով: 2001 թվականին հիմնադրված «ԳեոՊրոՄայնինգ»-ը՝ ոսկու և այլ մետաղների ռեսուրսային բազայով դիվերսիֆիկացված միջազգային մասնավոր ընկերություն է: Հայաստանում ընկերությանն է պատկանում՝ Ագարակի պղնձամոլիբդենային կոմբինատը և «ԳեոՊրոՄայնինգ Գոլդ» ընկերությունը, որը շահագործում է Սոթքի ոսկու հանքավայրը և Արարատի ոսկու կորզման գործարանը:
Արմեն Մելիքյան. Հեռահաղորդակցության ոլորտում Հայաստանը կարող է հայտնվել 90-ական թվականների վերջի իրավիճակում
Սերգեյ Դորոխին․ <ՀԿԵ-ն ունի բոլոր անհրաժեշտ ռեսուրսները ցանկացած բարդության և ցանկացած հեռավորության փոխադրումների կազմակերպման համար>
Փորձագետ. Հայաստանում լեռնահանքային արտադրության վերականգնման հարցն ավելի քան արդիական է դառնում
Ֆինանսների նախարարությունը 2020 թվականի համար կանխատեսում Է բյուջեի դեֆիցիտ՝ ՀՆԱ-ի 7,4 տոկոսի չափով
Պետությունը հակաճգնաժամային 15-րդ միջոցառման շրջանակներում 1000 ժամանակավոր աշխատատեղ կստեղծի
