Վրաստանի էներգետիկայի նախարար. Դեպի Հայաստան ռուսական բնական գազի տարանցման նոր պայմանների շուրջ «Գազպրոմ էքսպորտի» հետ համաձայնագիրն ամենաօպտիմալ լուծումն է առա իրավիճակում

Արմինֆո. Վրաստանի էներգետիկայի նորանշանակ նախարար Իլյա Էլոշվիլին կարծում է, որ 2017 թվականի հունվարին Դեպի Հայաստան ռուսական բնական գազի տարանցման նոր պայմանների շուրջ «Գազպրոմ էքսպորտի» հետ նոր համաձայնագիը վատ պայմաններ չի ստեղծի վրացական կողմի համար: Բացի այդ, ինչպես նշել է նախարարը «ՌԻԱ Նովոստիի» հետ հարցազրույցում, նվազել է Վրաստանի կախվածությունը ռուսական գազից:

Նրա ասելով, չնայած ընդդիմախոսների հայտարարություններին, համաձայնագրի պայմանները Վրաստանի համար չեն վատացել, և այդ համաձայնագիրը լավագույն տարբերակն է առկա իրավիճակում: «Այժմ տարանցման դիմաց հաշվարկն իրականացվում է դրամական ձևով: Պայմանագիրը ձևակերպվել է երկու տարվա համար, ընդ որում մենք սկսել ենք ավելի քիչ կախված լինել ռուսական գազից», - նշել է նա: Վրացի նախարարի համոզմամբ, նոր պայմանագրի ամենադրական կողմն այն է, որ Վրաստանը Ռուսաստանից վառելիքի որոշակի ծավալ ձեռք բերելու պարտավորություն չունի:

Նախարարը հիշեցրել է, որ Վրաստանում օգտագործվող էներգակիրների ավելի քան 70%-ը ներմուծվում է հարևան երկրներից: Նրա համոզմամբ, դա բավականին մեծ ցուցանիշ է, որը լավ չէ` էներգետիկ անվտանգության տեսանկյունից: Այդ համատեքստում նա առաջարկում է լինել առավելագույնս ճկուն` լոգիստիկայի տեսանկյունից: Վրացի նախարարը նաև կարևորել է էլեկտրակայանների զարգացումն ու էներգետիկ արդյունավետության ապահովումը, այսինքն` սպառվող էներգիայի խնայողությունը:

Հիշեցնենք, որ հունվարի սկզբին Մինսկում Վրաստանի էներգետիկայի նախարարությունը և «Գազպրոմ էքսպորտ» ընկերության ղեկավարությունը պայմանավորվածություն էին ձեռք բերել դեպի Հայաստան գազի տարանցման դիմաց դրամական վճարումնեի շուրջ: Համաձայնագրին համապատասխան. «Գազպրոմ էքսպորտ» ընկերությունը երաշխավորում է 2017-2018 թթ. Վրաստանի տարածքով տարեկան 2- 2,2 մլրդ խմ գազի փոխադրումը Հայաստան, ինչպես նաև 1000 խմ դիմաց 30 դոլարով գազի մատակարարում Վրաստան, ավելի ցածր գնով քան 2016 թվին`185 դոլար: Ընդ որում բուն տարանցման գինն առևտրային գաղտնիք է և չի հրապարակվում, որը, պայմանագրի ընդդիմախոսների ենթադրությամբ, անհամեմատ պակաս է  Հայաստան փոխադրվող ռուսական գազի 10%-ից, որը Վրաստանը մինչ այժմ ստանում էր: Այս անչությամբ Վրաստանի խորհրդարանում փոքրամասնություն կազմող ընդդիմադիր «Ազգային շարժումը» դեմ է հանդես եկել այդ համաձայնագրին, համոզմունք հայտնելով, որ այն հակասում է երկրի ազգային շահերին և էներգետիկ անվտանգությանը: Իսկ Վրաստանի նախագահ Գիորգի Մարգվելաշվիլին և բազմաթիվ փորձագետներ բացասական են գնահատել Վրաստանի էներգետիկայի նախարարության և «Գազպրո Էքսպորտի» միջև նոր համաձայնագիրը, հայտարարելով, որ դրանում ամրագրված պայմաններն ավելի վատն են, քան` նախկինում: