Արմինֆո. ՀՀ ֆինանսների նախարարությունը կրկին հոկտեմբերին կդիմի ԱՄՆ գործընկերներին, կրկնակի հարկումը բացառելու խնդրանքով: Այս մասին հուլիսի 27-ին կառավարության նիստից հետո հայտարարել է ՀՀ ֆինանսների նախարար Վարդան Արամյանը:
Նրա խոսքով, այդ հարցը միշտ եղել է հայ-ամերիիկյան հարաբերությունների օրակարգում: «Այն երկրները, որտեղ որ կա կրկնակի հարկման համաձայնագիր, որոշակի վստահություն են ներշնչում տնտեսվարողին, որպեսզի հետագայում, եթե ինչ-որ առումով տեղի ունենան որոշակի տարաձայնություններ, խաղի կանոններն ավելի հստակ լինեն, մենք մշտապես ամերիկյան մեր գործընեկերների հետ այս հարցը քննարկում ենք»,- ասել է նախարարը։
Նա նշել է, որ Հայաստանն օրեր առաջ կրկնակի հարկման մասին համաձայնագիր ստորագրեց Իսրայելի հետ ։ «Ինչը նախանշում է, որ սա մեզ համար կարևոր է: Այսօր ունենք 46 երկիր, որոնց հետ կնքել ենք կրկնակի հարկումը բացառող համաձայնագրեր, Իսրայելը դարձավ 47-ը, հուսով ենք, որ Միացյալ նահանգները հաջորդը կլինի»,- նշեց Վարդան Արամյանը։
Թե ի՞նչ ժամկետներում Հայաստանը կունենան ԱՄՆ-ի հետ կրկնակի հարկման մասին համաձայնագիր, Ֆինանսների նախարարը նշել է, որ «բարդ է ասել»։ «Կարծում եմ, որ մենք մեր ամերիկյան գործընկերների հետ դեռևս աշխատանք ունենք անելու, որովհետև այս հարցը, եթե հիշողությունս չի դավաճանում, ավելի քան 20 տարի է՝ քննարկվում է»,- նշել է նախարարը։
Վարդան Արամյանն ընդգծեց՝ այս հարցում ամերիկյան կողմն ունի իր փաստարկները։ «Ներկա դրությամբ գործում է նաև նախկին՝ Խորհրդային միության ու Միացյալ Նահանգների միջև գործող համաձայնագիրը, մեր կարծիքով՝ դա ժամանակավրեպ է, որովհետև այսօրվա դրությամբ՝ ՏՀԶԿ-ի կողմից մշակվել են ուղղություններ ու ընդհանուր շրջանակներ՝ կրկնակի հարկումը բացառող կոնվենցիաների շրջանակում: Մենք վստահ ենք, որ գործողը չի համապատասխանում դրան և, գումարած, Հայաստանը չի հանդիսանում Խորհրդային Միությանը իրավահաջորդ»,- նշել է նա։
Արամյանի խոսքով՝ Հայաստանը չի կիսում այս կարծիքը։ «Մեր հակափաստարկն այն է, որ, կարծում ենք, այս պահի դրությամբ կրկնակի հարկումը բացառող համաձայնագրի բացառումը կարող է նաև խոչընդոտել, որպեսզի տնտեսվարողները որոշում կայացնեն և ներդրումներ իրականացնեն երկուստք՝ այսինքն դեպի Հայաստան ու Հայաստանից դեպի ԱՄՆ, որովհետև յուրաքանչյուր տնտեսվարող ներդրում կատարելուց պետք է վստահ լինի, որ հարկման դաշտն իր համար ընկալելի է ու կայուն»,- ավելացրել է Արամյանը։
Ողջ հույսն արտաքին գործոններն են, կամ՝ ինչու է Հայաստանի պետբյուջեն սկսել ճաքեր տալ
Invia Investments հայաստանյան բրոքերը ITS-ում սակարկության հասանելիություն կտրամադրի
Փորձագետ. Հարավային Կովկասում պետք է ձևավորվի միասնական շուկա ՝ առանց ռազմավարական գործընկերների
Չեխիան կարող է զբաղվել Երեւանի մետրոպոլիտենի արդիականացմամբ
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ