«ԱՐՄՍՎԻՍԲԱՆԿ» ՓԲԸ անվանական արժեկտրոնային պարտատոմսերը ցուցակվել են ՆԱՍԴԱՔ ՕԷՄԷՔՍ Արմենիա բորսայում

Արմինֆո. 2017 թվականի օգոստոսի 1-ին «ԱՐՄՍՎԻՍԲԱՆԿ» ՓԲԸ-ի ԱՄՆ դոլարով (SWISB4), Եվրոյով (SWISB5) և ՀՀ դրամով (SWISB6) արտահայտված անվանական, արժեկտրոնային պարտատոմսերը ցուցակվել և ընդգրկվել են ՆԱՍԴԱՔ ՕԷՄԷՔՍ Արմենիայի պարտատոմսերի երկրորդային (Bbond) ցուցակում, ինչպես նաև ցուցակման պահից թույլատրվել են նշված պարտատոմսերով հասցեական առևտուրը և ռեպո գործարքների կնքումը: Այս մասին ԱրմԻՆֆո գործակալությանը տեղեկացվել է Բորսայի մամուլի ծառայությունից:

Աղբյուրի համաձայն, Բանկի SWISB4 հապավմամբ, 10 մլն ԱՄՆ դոլար ընդանուր ծավալով պարտատոմսերը (ISIN - AMSWISB24ER1) ներառում են 100,000 հատ արժեկտրոնային պարտատոմս` 100 ԱՄՆ դոլար անվանական արժեքով, արժեկտրոնի 6.75% տոկոսադրույքով և 7 տարի շրջանառության ժամկետով:

Ընկերության SWISB5 հապավմամբ, 10 մլն Եվրո ընդանուր ծավալով պարտատոմսերը (ISIN - AMSWISB25ER8) ներառում են 100,000 հատ արժեկտրոնային պարտատոմս`  100 Եվրո անվանական արժեքով, արժեկտրոնի 5.0% տոկոսադրույքով և 6 տարի շրջանառության ժամկետով:

Ընկերության SWISB6 հապավմամբ, 2 մլն ՀՀ դրամ ընդանուր ծավալով պարտատոմսերը (ISIN - AMSWISB26ER6) ներառում են 40,000 հատ արժեկտրոնային պարտատոմս` 50,000 ՀՀ դրամ անվանական արժեքով, արժեկտրոնի 12.75% տոկոսադրույքով և 4 տարի շրջանառության ժամկետով:

ՆԱՍԴԱՔ ՕԷՄԷՔՍ Արմենիայում ցուցակված և առևտրին թույլատրված արժեթղթերի մասին լրացուցիչ տեղեկությունները հասանելի են ընկերության պաշտոնական կայքի (www.nasdaqomx.am) «Ֆինանսական գործիքներ» բաժնում:  

Ներկայումս ՆԱՍԴԱՔ ՕԷՄԷՔՍ Արմենիա բորսայում շրջանառվում են Արմսվիսբանկի արժեկտրոնային պարտատոմսերի վեց թողարկումները, այդ թվում չորս դոլարային, մեկ ՀՀ դրամով և մեկ եվրոյով: Առաջին դոլարային տրանշի ծավալը կազմել է 2 մլն դոլար, երկրորդը`3 մլն.դոլար, երրորդը`5 մլն.դոլար: Առաջինի շրջանառության ժամկետը կազմում է 3 տարի, երկրորդինը`4, երրորդինը`5 տարի: Առաջին տրանշի եկամտաբերությունը կազմում է 7.5%, իսկ երկրորդինը`8%, երրորդինը` 8.5%, արժեկտրոնի տոկոսների եռամսյակային վճարումով: Երեք տրանշերն էլ շրջանառվում են «Bbond» ցուցակում: ԸՆդհանուր առմամբ, 2017-ի հունիսի 19-ի դրությամբ ՆԱՍԴԱՔ ՕԷՄԷՔՍ Արմենիա բորսայում շրջանառվում են կորպորատիվ պարտատոմսերի 12 թողարկողների 39 թողարկումներ: Դրանցից 26-ը (այդ թվում`17 դոլարային) կատարել են բանկերը`Արարատբանկը, Ամերիաբանկը, Արմսվիսբանկը, Հայբիզնեսբանկը, Անելիք Բանկը, Յունիբանկը և Կոնվերս Բանկը և Սևծովյան առևտրի և զարգացման բանկը:

Հիշեցնենք, որ «Արմսվիսբանկը» հիմնադրվել 2004 թվականի հոկտեմբերի 7-ին Վարդան Սիրմակեսի կողմից, ով հանդիսանում է նաև շվեյցարական հայտնի Franck Muller Watchland ժամացույցների գործարանի հիմնադիրը, սեփականատերը և գլխավոր գործադիր տնօրենը, որի ներկայացուցչությունը գործում է Հայաստանում: Արմսվիսբանկը Հայաստանի առաջատար բանկերից է`արժեթղթերի թողարկման, մարկետմեյքերի և դեպոզիտար ծառայությունների տրամադրման գծով, ինչպես նաև հանդիսանում է արժեթղթերի առաջնային և երկրորդային շուկայի ակտիվ մասնակից: 2006 թվականից Բանկը հանդես է գալիս Կառավարության գործակալը` պետական ​​պարտատոմսերի առաջնային շուկայում: 2016 թվականի մարտի 10-ի դրությամբ Բանկի բաժնետոմսերի 80%-ը պատկանում է HVS Holding" LLC ընկերութանը, որը կառավարվում է Վարդան Սիրմակեսի կողմից և գրանցված է Լյուքսեմբուրգում, իսկ մնացած 20% -ը 2013 թվականի վերջից պատկանում է Վարդան Սիրմակեսի կողմից վերահսկվող` «BELEGINGSMACHEPIJ JONGO» ընկերությանը, որը գրանցված է Նիդերլանդներում:-