Հայաստանի մետալուրգիական ոլորտում 2017 թվականի առաջին կիսամյակում ծավալները տարեկան կտրվածքով ավելացել են 7.1%

Արմինֆո. Հայաստանի մետալուրգիական ոլորտում 2017 թվականի առաջին կիսամյակում արձանագրել 7.1% աճ, նախորդ տարվա 6.7% անկման փոխարեն: Ըստ ՀՀ ազգային վիճակագրական ծառայության տվյալների, հաշվետու ժամանակահատվածում ֆերոմոլիբդենի արտադրությունը Հայաստանում նախորդ տարվա նույն ժամանակահատվածի համեմատ աճել է 19%, կազմելով 3446 տոննա` մեկ տարի առաջ 8.7% անկման դիմաց: Միայն հունիսին արտադրվել է 445 տոննա ֆերոմոլիբդեն, ինչը 17.6% պակաս է մայիսի ծավալից:

Ընթացիկ տարվա առաջին կիսամյակում մոլիբդենի խտանյութի արտադրությունն աճել է 6.9%, մինչև 5614 տոննա, մեկ տարի առաջվա անկումը`7.9%: Միայն հունիսին արտադրությունն աճել է 40.1%, մինչև 732 տոննա: Չզտած պղնձի արտադրությունն, ընդհակառակը, նվազել է 5.8%, մինչև 5955 տոննա, նախորդ տարվա 30.9% աճի դիմաց,  ամսական աճը`0.3%, մինչև 1005 տոննա: Պղնձի խտանյութի արտադրությունն աճել է 6.9%, մինչև 205.9 հազար տոննա, նախորդ տարվա աճը`31%: Ամսական կտրվածքով պղնձի խտանյութի արտադրությունը աճել է 8.5%, մինչև 33.3 հազար տոննա: Ցինկի խտանյութի արտադրությունն աճել է տարեկան 29.5%, մինչև 4569 տոննա, նախորդ տարվա 48.7% անկման դիմաց: Հունիսին ցինկի խտանյութի արտադրությունը աճել է 9%, մինչև 899 հազար տոննա:

Ալյումինե փայլաթիթեղի արտադրությունը նախորդ տարվա նույն ժամանակահատվածի համեմատ ավելացել են 5.2%-ով, մինչև 15784 տոննա` նախորդ տարվա նույն ժամանակահատվածի 2.1% անկման դիմաց: Միևնույն ժամանակ հունիսին ալյումինե փայլաթիթեղի արտադրությունը կրճատվել է 5.2%, մինչև 2845 տոննա: Ալյումինե գլանվածքի արտադրության ծավալը կազմել է 444 տոննա, տարեկան աճը`148 անգամ, մեկ տարի առաջվա 70% անկման դիմաց: Միայն հունիսին ալյումինի գլանվածքի արտադրության ծավալը նվազել է 1.3 անգամ, մինչև 157 տոննա:

Պողպատե խողովակների արտադրությունը նախորդ տարվա նույն ժամանակահատվածի համեմատ ավելացել է 65.4%, մինչև 4706 տոննա` նախորդ տարվա նույն ժամանակահատվածի 46.3% անկման դիմաց, իսկ միայն հունիսին արձանագրվել է 2.8 անգամ աճ, մինչև 2504 տոննա:

Մոլիբդենի  բրիկետների արտադրության վերաբերյալ վիճակագրությունը բացակայում է, մինչդեռ նախորդ տարվա նույն ժամնակահատվածում ծավալը կազմել է 367 տոննա:

Հայաստանում արտադրված բոլոր մետաղներն արտահանվում են, հիմնականում`  Եվրոպա և ԱՄՆ:

Հիշեցնենք, որ 2016 թվականին Հայաստանի մետաղագործական արդյունաբերության արտադրության ծավալը կրճատվել է 11,1% -ով` 2015 թվականի 0.5%  անկման դիմաց: Մասնավորապես, մոլիբդենի բրիկետների արտադրությունը կրճատվել է 50.9%-ով, ալյումինե գլանվածքինը` 47.7%-ով, պողպատե խողովակների արտադրությունը` 22,6%, ցինկի խտանյութինը` 30.3%-ով և ալյումինե փայլաթիթեղինը` 2.1%-ով: Ընդ որում, 2016 թվականին արձանագրվել է ֆերոմոլիբդենի արտադրության 16.9% աճ, չզտած պղնձի արտադրության 11.4% աճ, պղնձի խտանյութի արտադրության 23,1% աճ և մոլիբդենի խտանյութի արտադրության 2.1% աճ:-