Արմինֆո. Moody's Investors Service գործակալությունը Հայաստանի վարկանիշը հաստատել է «B1» մակարդակում` «Կայուն» կանխատեսմամբ: Այդ մասին ասվում է գործակալության պաշտոնական կայքում զետեղված օգոստոսի հաշվետվությունում:
Moody's-ի մասնագետները Հայաստանի վարկանիշի պահպանումը պայմանավորում են հուսալի տնտեսական և ֆինանսական կառավարմամբ` արդյունավետ ֆիսկալ և մոնետար քաղաքականության միջոցով` ընդսմին ուշադրություն հրավիրելով բարձր պարտքային բեռին:
Գործակալությունում կարծում են, որ Հայաստանի տնտեսության աճը 2017 թվականին ապահովվում է մեղմացված դրամավարկային քաղաքականությամբ և արտաքին պահանջարկի բարձրացմամբ: Իսկ ֆիսկալ կոնսոլիդացիան նպատակաուղղված է պարտքի ավելացման կասեցմանը` ընդլայնողական հարկաբյուջետային քաղաքականության շրջանից հետո:
«Բացի այդ, կենսաթոշակային և հարկային բարեփոխումների գծով դրական վարկային պարտավորությունները, առևտրի ազատականացումն ու ենթակառուցվածքում ներդրումների ավելացումը նպատակաուղղված են տնտեսության արտադրական ներուժի բարձրացմանն ու երկրում խնայողությունների ցածր մակարդակին առնչվող խնդիրների լուծմանը», - կարծում են Moody's-ի վերլուծաբանները: Սակայն, նրանց համոզմամբ, արտաքին ռիսկերի պահպանումը բխում է Հայաստանի նկատմամբ Ռուսաստանի տնտեսական ազդեցության բարձր մակարդակից (Ba1 վարկանիշ` կայուն կանխատեսմամբ), ցածր տնտեսական կայունությունից և արտաքին ֆինանսավորումից կախվածությունից: Բացի այդ, զգալի են աշխարհաքաղաքական հակասությունները հարևան Ադրբեջանի հետ (Ba1 վարկանիշ): Moody's-ում նաև նշում են Հայաստանի բյուջետային ռեսուրսնների թուլացումը` նախորդ տարիների համեմատ:
Հայաստանի վարկանիշի «Կայուն» կանխատեսումն արտացոլում է ռիսկերի հաշվեկշիռը: Վարկավորման որակի վրա ճնշման մեծացումը կարող է կախված լինել ուղիղ օտարերկրյա ներդրումների հոսքի, արտահանման կամ դրամական փոխանցումների հոսքի կայուն աճից, ինչը կհանգեցնի տնտեսական հզորության մեծացման և արտաքին խոցելիության ռիսկի նվազման: Ավելին, կառավարության պարքի բեռի նվազումը կբարելավի վարկավորման որակը, իսկ աշխարհաքաղաքական ռիսկերի էական նվազումը կբարձրացնի վարկունակությունը և զգալիորեն կամրապնդի Հայաստանի ինստիտուցիոնալ շրջանակները:
Մյուս կողմից, վարկանիշի նվազման վրա կարող է ազդել Ռուսաստանում տնտեսական իրավիճակի ավելի վատթարացումը, քան ակնկալվում էր, ինչը Հայաստանի համար կունենա տևական անբարենպաստ հետևանքներ առևտրի, դրամական փոխանցումների, ներդրումների ներհոսի, արտարժութային պահուստների առումով: Եթե պարտքն զգալիորեն ավելանա` միջնաժամկետ հեռանկարում դրա կայունացման հավանականության նվազման պայմաններում, ապա դա բացասաբար կանդրադառնա Հայաստանի վարկային վարկանիշի վրա: Երկրի վարկային վարկանիշի վատթարացման կարող է հանգեցնել նաև աշխարհաքաղաքական ռիսկերի աճը, որն առնչվում է Լեռնային Ղարաբաղի վիճելի տարածքի առնչությամբ Ադրբեջանի հետ չկարգավորված հակամարտությանը:
Միևնույն ժամանակ, Moody`s Investors Service ուրբաթ օրն Ադրբեջանի թողարկողի վարկանիշը և առաջնային չապահովված պարտավորությունների վարկանիշը նվազեցրել է մինչև «Ва2»` «Ba1»-ց, կանխատեսումը`«Կայուն»: Moody`s-ի վերլուծաբանների կարծիքով, վարկանիշի նվազեցումն արտացոլում է Ադրբեջանում ֆինանսական և տնտեսական իրավիճակի զգալի և տևական թուլացումը` նավթի ցածր գների պահպանման, նավթի արդյունահանման ներուժի կրճատման և չափազանց թույլ բանկային համակարգի ազդեցության ներքո: Moody`s-ի վերլուծաբաններն ակնկալում են Ադրբեջանի համախառն պետական պարտքի ավելացում նախորդ տարվա ՀՆԱ 51%-ից մինչև 2017 թվականին մոտ 52% և 2018 թվականի վերջին` ՀՆԱ ավելի քան 55%: Նրանց կանխատեսումների համաձայն, 2017 թվականին Ադրբեջանի իրական ՀՆԱ-ն կնվազի մոտ 1,5%-ով` 2016 թվականին գրեթե 4% անկումից հետո:
Արդյո՞ք արտահանողները պետությունից օգնություն կտանան, թե՞ Հայաստանի տնտեսությունը կտապակեն մոնետար թավայի վրա
Արժեւորվող դրամին առնչվող դրամա. արդյո՞ք երկար կտեւի. Հայկազ Ֆանյան
Հայաստանի գնաճը սոցիալական աղետ է. տնտեսագետ
Առանց Ջուլֆայի սահմանակետի տարածաշրջանի ապաշրջափակման մասին բոլոր խոսակցություններն արժեք չունեն. փորձագետ
Օգոստոսի 1-ից կարգելվի սերտիֆիկացված ընկերությունում տեխզննում չանցած գազի բալոններով ավտոմեքենաների լիցքավորումը