Արմինֆո. Եվրասիական տնտեսական միության երկրների շուկայում շուրջ 60 խոչընդոտ կա: Այդ մասին հայարարել է Եվրասիական տնտեսական հանձնաժողովի նախագահ Տիգրան Սարգսյանը՝ ելույթ ունենալով «Իսսիկ-Կուլ 2017» IY տնտեսական համաժողովում, հատնում է Tazabek պորտալը:
Տիգրան Սարգսյանի խոսքով, Եվրասիական հանձնաժողովն աշխատում է 6 ուղղությամբ: Առաջին ուղղությունը ԵԱՏՄ-ում բնակչության մեկ շնչի հաշվով ՀՆԱ ցուցանիշի ավելացումն է: Երկրորդ ուղղությունը՝ ընդհանուր շուկաների գործունեությունը կատարելության հասցնելը: «Կա խոչընդոտների հաղթահարման հստակ ծրագիր, մենք պարզել ենք շուրջ 60 նման խոչընդոտ, այժմ քննարկվում է դրանց հաղթահարման «ճանապարհային քարտեզը»»,- ասել է ԵՏՀ ղեկավարը:
Նրա խոսքով, երրորդ ուղղությունը ԵԱՏՄ ընդհանուր տարածության թվայնացումն է, ինչը տնտեսական աճի և մրցունակության բարձրացման լուրջ ներուժ է: «Չորրորդ ուղղությունը լոգիստիկայի գծով համաշխարհային առաջատարությունն է. եթե կարողանանք ճիշտ կազմակերպել դա, դրանից կարելի է լուրջ օգուտ ստանալ: Հինգերորդ ուղղությունը կենցաղային կապն է, ինտեգրումը թույլ կտա պայմաններ ստեղծել մեր քաղաքացիների համար: Եվ վեցերորդ ուղղությունը շահագրգիռ երկրների հետ առևտրատնտեսական հարաբերությունների ընդլայնումն է»,-ասել է Տիգրան Սարգսյանը:
Արմեն Մելիքյան. Հեռահաղորդակցության ոլորտում Հայաստանը կարող է հայտնվել 90-ական թվականների վերջի իրավիճակում
Սերգեյ Դորոխին․ <ՀԿԵ-ն ունի բոլոր անհրաժեշտ ռեսուրսները ցանկացած բարդության և ցանկացած հեռավորության փոխադրումների կազմակերպման համար>
Փորձագետ. Հայաստանում լեռնահանքային արտադրության վերականգնման հարցն ավելի քան արդիական է դառնում
Ֆինանսների նախարարությունը 2020 թվականի համար կանխատեսում Է բյուջեի դեֆիցիտ՝ ՀՆԱ-ի 7,4 տոկոսի չափով
Պետությունը հակաճգնաժամային 15-րդ միջոցառման շրջանակներում 1000 ժամանակավոր աշխատատեղ կստեղծի
