Արմինֆո. ՀՀ գյուղատնտեսության նախարար Իգնատի Առաքելյանը Գեղարքունիքի մարզի Ծովակ համայնքում մասնակցել է «Հայաստանի Հանրապետությունում գյուղատնտեսական տեխնիկայի ֆինանսական վարձակալության` լիզինգի պետական աջակցությանե ծրագրի շրջանակում ստեղծված գյուղատնտեսական տեխնիկայի առաջին կայանի բացման արարողությանը:
Միջոցառմանը ներկա էին նաև Գեղարքունիքի մարզպետի տեղակալ Կարեն Հակոբյանը, «ՓՄՁ ներդրումներե ՈՒՎԿ ՓԲԸ-ի գործադիր տնօրեն Արթուր Բադալյանը, «Հրաշք այգիե ՍՊԸ տնօրեն Արթուր Իվանյանը, «CLAASե ընկերության արտահանման գծով տարածաշրջանային մենեջեր Թոմաս Շտիգլերը, համայնքների ղեկավարներ և հողօգտագործողներ:
Կայանը հիմնադրվել է «ՖԻԱՌե ԳՐՈՒՊ ընկերության կողմից, տեխնիկան տրամադրվել է «ՓՄՁ ներդրումներե ՈՒՎԿ ՓԲԸ կողմից, մատակարար է հանդիսացել «Հրաշք այգիե ընկերությունը: Կայանում ներկայացված է մոտ 30 միավոր եվրոպական ժամանակակից գյուղտեխնիկա, այդ թվում` կոմբայն և տրակտորներ:
Կայանի ստեղծման նպատակն է գյուղատնտեսական աշխատանքների իրականացման համար հողօգտագործողներին վարձակալության հիմունքներով տրամադրել ժամանակակից գյուղտեխնիկա:
«Նման կայանների ստեղծմամբ գյուղացիական տնտեսությունները հնարավորություն կունենան օգտվել նոր տեխնոլոգիաներից, տնտեսություններին կապահովենք որակյալ գյուղտեխնիկայով, ինչի արդյունքում կբարձրանա աշխատանքի արդյունավետությունըե, - նշել է նախարար Իգնատի Առաքելյանը:
Նախարարը նաև վստահեցրել է, որ նման ծրագրերը շարունակական կլինեն:
ՀՀ գյուղատնտեսության նախարարի տեղակալ Ռոբերտ Մակարյանը նշել է, որ սա առաջին ծրագիրն է, որն իրականացվել է պետական աջակցությամբ և մասնավոր ներդրումների ներգրավմամբ:
Գյուղատնտեսության զարգացման հիմնադրամի գործադիր տնօրեն Գեղամ Գևորգյանն իր հերթին ընդգծել է, որ կայանի հիմնումը Հայաստանի համար բոլորովին նոր մոտեցում է, և այն առաջին քայլը կհանդիսանա գյուղատնտեսական տեխնիկայի ամբողջ պարկը համալրելու ուղղությամբ:
Գեղամ Գևորգյանը նաև տեղեկացրել է, որ պետության և մասնավոր հատվածի համագործակցությամբ նախատեսվում է ստեղծել նորագույն տեխնոլոգիաներով հագեցած գյուղատնտեսական տեխնիկայի կայան, ինչը փոքր և միջին ֆերմերներին թույլ կտա իրենց հողը մշակել առավել արդյունավետ:
Գյուղտեխնիկայի ոլորտում առաջատար «CLAASե ընկերության արտահանման գծով տարածաշրջանային մենեջեր Թոմաս Շտիգլերը կարևորել է տեխնիկայի ճիշտ ընտրությունը` ելնելով Հայաստանի ռելիեֆի առանձնահատկություններից:
Ինչպես ավելի վաղ հաղորդել էր Արմինֆո գործակալությունը, մարտի 27-ին Հայաստանում մեկնարկեց գյուղատնտեսական տեխնիկայի լիզինգի տրամադրման հայտենրի ընդունումը: Ըստ ՀՀ կառավարության ծրագրի, ֆերմերները կկարողանան լիզինգով գյուղտեխնիկա ձեռք բերել տարեկան 2% տոկոսադրույքով և 3-10 տարի մարման ժամկետով (փոքր գույքի համար – 3 տարի, տրակտորների - 6, կոմբայնների – 10 տարի): Եվս 7% կսուբսիդավոր պետությունը: Արդյունքում, ինչպես և սպասվում է, 2017 թվականին գյուղտեխնիկայի կգմանը կհատկացվի շուրջ 2,2 մլրդ դրամ:
ԱրմԻնֆո ԼԳ պատրաստած «Հայաստանի բանկերի և վարկային ընկերությունների ֆինանսական վարկանիշի» տվյալներով, 30.06.2017թ. դրությամբ լիզինգային գործառնությունների ընդհանուր ծավալը կազմել է 15.6 մլրդ դրամ, որի առյուծի բաժինը պատկանում է ACBA Leasing-ին` 12.3 մլրդ դրամ: 30.06.2016 թ. դրությամբ լիզինգային գործառնությունների ընդհանուր ծավալն ավելի քան 16.5 մլրդ դրամ էր, որից ACBA Leasing-ին բաժին էր ընկնում 12.6 մլրդ դրամ: 2017 թվականի հունվարի 1-ի դրությամբ լիզինգային գործառնությունների միագումար ծավալը կազմել է 16.7 մլրդ դրամ, այդ թվում ACBA Leasing-ինը` 13.1 մլրդ դրամ: 2016 թվականին լիզինգային գործառնությունների ընդհանուր ծավալն ավելացել է 10%-ով, ընդ որում, միայն ACBA Leasing-ի պորտֆելն ավելացել է 11%-ով: Հայաստանի բանկերից լիզինգային գործառնություններ են իրականացնում Ամերիաբանկը, Արարատբանկը, «Կոնվերս Բանկը» և «ՎՏԲ Հայաստան Բանկը», իսկ լիզինգային ընկերությունները երեքն են` ACBA Leasing-ը, Ագրոլիզինգը և Յունիլիզինգը: ACBA Leasing-ի լիզինգային գործառնությունների ծավալն արտացոլված է ACBA-Credit Agricole բանկի կոնսոլիդացված հաշվեկշռում:
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
Ինչպես է փոխվել միջին աշխատավարձ ստացող քաղաքացու կենսամակարդակը վերջին տարում
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը