Երկուշաբթի, 28 Օգոստոսի 2017 18:15

Արմինֆո. Հայաստանի կենտրոնական բանկը վերանայել է 2017թ. ՀՆԱ աճի կանխատեսումը` 3,3-4,8%-ից մինչև 3,9-4,8%: Ընդ որում, ՀՆԱ աճի միջնաժամկետ կանխատեսումները ԿԲ-ն փոխել է աննշան` 2018թ.` 2,8-4,2% նախկին 2,7-4,5% դիմաց, 2019թ.` 3,2-4,8% նախկին 3,1- 5,2% դիմաց, 2020թ. 1-ին կիսամյակում` 3,7-5,4%: Այդ մասին նշվում է ՀՀ ԿԲ թարմացված դրամավարկային ծրագրում, որում պարզաբանվում է, որ որպես տնտեսական աճի դրայվեր հանդես են գալիս արդյունաբերության հատվածն ու ծառայություննեիր ոլորտը:

Ադրյունաբերության հատվածի գծով ԿԲ 2017 թվականին կանխատեսում է 7,8-8,6% աճ (նախորդ 7,2-8,4% դիմաց)` 2018-2019թթ. 6-7% սահմաններում կայունացմամբ: Ագրոհատվածի գծով 2017 թվականին կանխատեսվում է 1,6-2,4% աճ (նախկին 3,6-4,4% դիմաց)` 2018-2019թթ. մինչև 4,4-5,2% արագացմամբ: Ծառայությունների ոլորտում 2017թ.  ակնկալվում է 4,2-4,6% աճ (նախկին 3,4-4% դիմաց), ինչը պայմանավորված է  զբոսաշրջիկների ավելի էական հոսքով` քան ավելի վաղ կանխատեսվում էր, իսկ 2018-2019 թթ. ակնկալվում է ծառայությունների ոլորտում աճի տեմպերի դանդաղում` մինչև 3,1-3,7%: Շինարարության հատվածը 2017 թ. անկում կապրի` 1,5-2,4% (ավելի վաղ կանխատեսված 1,8-2,5% անկման դիմաց), 2018-2019թթ. ապահովելով 2-2,8% աճ:

ԿԲ թարմացված կանխատեսման համաձայն, ներքին պահանջարկի կառուցվածքում մասնավոր սպառումը 2017թ. կավելանա 4,8% (նախկին 4,3% դիմաց) 2018-2019թթ. դանդաղելով, համապատասխանաբար, մինչև 2,4-2,8% և 2,9-3,3%, իսկ մասնավոր ներդրումների աճի տեմպերը, ինչպես և նախորդ կանխատեսման մեջ, կկազմեն 6%: Արտահանման և ներմուծման գծով 2017 թվականին ԿԲ ակնկալում է աճի միանման տեմպեր` 10-12% (նախկինում կանխատեսված արտահանման 3-5% և ներմուծման 4-6% դիմաց): Ֆիզիկական անձանց դրամական փոխանցումների գծով ԿԲ, հաշվի առնելով առաջին կիսամյակի աճի սպասվածից ցածր տեմպերը (զուտ ներհոսը ավելացել է տարեկան 11,1% - խմբ.), 2017թ. աճի կանխատեսումը վերանայել է դեպի դանդաղում` նախկին 14-16%-ից մինչև նրեկայի 12-14%, և այդ շեմը պայմանավորվում է Ռուսաստանի տնտեսության դանդաղ վերականգնմամբ:  2017 թվականին գործազրկության մակարդակի ԿԲ կանխատեսումը նախկինում ակնկալվող 17,7%-ից վերանայվել է մինչև 17,9%` տարեկան  0,3-0,5 տոկոսային կետով հետագա նվազմամբ:

Նշենք, որ ԱՄՀ կանխատեսման համաձայն, 2017 թվականին ՀՆԱ աճը Հայաստանում կկազմի 2,9%, ՀԲ կանխատեսման համաձայն` 2,7%, 2018թ. տեմպերը կարագանան մինչև 3,1%, 2019թ.` մինչև 3,4%: ԵԱԶԲ կանխատեսման համաձայն, 2017 թվականին սպասվում է Հայաստանի ՀՆԱ 2,9% աճ, Ասիական զարգացման բանկի կանխատեսմամբ` 2,2% աճ:  Fitch-ը 2017 թվականին Հայաստանի ՀՆԱ աճի կանխատեսումը բարելավել է` նախկին 2,1%-ից մինչև նրկայի 3,4%` 2018 թվականին մինչև 3,6% արագացմամբ: 2017 թվականին Հայաստանի պետբյուջեում ամրագրված է ՀՆԱ 3,2% աճ, սակայն կառավարությունը խոսում է 5% աճի մասին: ՀՀ ԿԲ թարմացված կանխատեսման համաձայն, 2017 թվականին Հայաստանի ՀՆԱ աճը կկազմի 3,9-4,8%: ՀՀ ազգային վիճակագրական ծառայության տվյալների համաձայն, Հայաստանի ՀՆԱ աճը 2016 թվականին դանդաղել է մինչև 0,2% ` 2015 թվականի  3,2% դիմաց: