2017 թվականի առաջին կիսամյակում Հայաստան նավթամթերքի ներմուծումը տարեկան 10,2%-ով կրճատվել է

Արմինֆո. 2017 թվականի առաջին կիսամյակում Հայաստան նավթամթերքի ներմուծումը քանակական արտահայտությամբ կրճատվել է  տարեկան 10,2%-ով (մեկ տարվա վաղեմության 9,3% աճի դիմաց)` կազմելով 134.1 հազար տոննա, ընդ որում, արժեքային արտահայտությամբ ավելանալով 3,1%-ով, մինչև 93.3 մլն դոլար (մեկ տարվա վաղեմության 8% անկամ դիմաց): Այդ մասին վկայում են Հայաստանի մաքսային ծառայության տվյալները:

Աղբյուրի համաձայն, հաշվետու ժամանակահատվածում նավթամթերքի արտահանումը էական աճ է արձանագրել` մեկ տարվա վաղեմության կտրուկ անկման դիմաց: 2016 թվականի առաջին կիսամյակում արտահանման ծավալները 2.5 կգ-ից կտրուկ ավելացել են մինչև 307384 կգ` 2017 թվականի նույն ժամանակահատվածում, ինչի առնչությամբ ավելացել է նաև մաքսային արժեքը: Այսպես, ՄԾ տվյալների համաձայն, նավթամթերքի արտահանումն արժեքային արտահայտությամբ 0.1 հազար դոլարից ավելացել է մինչև 155.8 հազար դոլար:

Հաշվետու ժամանակահատվածում նավթամթերքը, հիմնականում, ներմուծվել  է Ռուսաստանից (75,3%),  ինչպես նաև Հունաստանից (8,7%), Ճապոնիայից (6,5%) և Բուլղարիայից (6%): Իսկ ինչ վերաբերում է նավթամթերքի արտահանմանը, ապա մատակարարումների 98%-ը բաժին է ընկնում Իրանին, մինչդեռ նախորդ տարի ԻԻՀ ՄԾ հաշվետվությունում նշված չէր, իսկ մնացած ծավալն արտահանվել է Բուլղարիա:

Ռուսաստանի ներդրումային ընկերությունների և բանկերի վերլուծաբանները 2017 թվականին նավթի գնի իրենց կանխատեսումը  նվազեցրել են մինչև 1 բարելի դիմաց 52 դոլար, տարեվերջին գնի բարձրացում են ակնկալում OPEC+ գործարքից: Տարեսկզբին նավթի գնի նախորդ համաձայնեցված կանխատեսումը կազմել է 54 դոլար 1 բարելի դիմաց: Վերլուծաբանները նշում են, որ իրենց կանխատեսումները վերանայել են Լիբիայում և Նիգերիայում ատադրության վերականգնման առնչությամբ, որոնք ազատվել են նավթի արդյունահանման կրճատումից և ներկայում ակտիվորեն ավելացնում են  արդյունահանումը: OPEC հաշվետվության համաձայն, հունիսին Լիբիայում  արդյունահանումն ավելացել է ամսական 17,5%-ով, մինչև օրական 852 հազար բարել, Նիգերիայում` գրեթե 6%-ով, մինչև օրական 1,733 մլն բարել:

Միջազգային բորսաների տվյալների համաձայն, օգոստոսի 25-ի դրությամբ էտալոնային ապրանքանիշերի նավթի գները փոխվում են տարբեր ուղղությամբ. Լոնդոնի ICE Futures բորսայում հոկտեմբեի սակարկություններում Brent ապրանքանիշի նավթի արժեքը ավելացել էր 0,24 դոլարով (0,46%)` մինչև 52,65 դոլար 1 բարելի դիմաց, WTI նավթի գինը Նյու Յորքի ապրանքային բորսայում էլեկտրոնային սակարկություններում  հոկտեմբերին նվազել էր 0,24 դոլարով (0,50%)` մինչև 47,63 դոլար 1 բարելի դիմաց: Սակարկությունների ընթացքում Brent և WTI ապրանքանիշների գների միջև տարբերությունը հասել էր առավելագույնի` 2 տարբվա ընթացքում:

Ուրբաթ օրվանից ԱՄՆ Մեքսիկական ծոցում մոլեգնող «Հարվի» փոթորիկի պատճառով աշխատանքը դադարեցրել են օրական 2,26 մլն բարել ընդհանուր հզորությամբ ՆՎԳ-ներ, ինչը կազմում է երկրում վերարտադրող բոլոր հզորությունների  մոտ 12%-ը: Այդպիսով, ամերիկյան WTI նավթի նկատմամբ պահանջարկը նվազել է, իսկ Brent նավթի նկատմամբ պահանջարկը, որն օգտագործում են եվրոպական ՆՎԳ-ները, մեծացել է: Բացի այդ, Լիբիայում զինված խմբավորումները ստացել են նավթամուղների նկատմամբ վերահսկողություն, որոնցով վառելիք են մատակարարում El Feel և Hamada հնաքավայրերից: Երկուսում էլ հայտարարվելէ ֆորսժ-մաժոր. առաջինում արդյունահանումը դադարեցվել է, երկրորդում` կդադարեցվի ավելի ուշ: Լիբիայի խոշորագույն աշ-Շարար հանքավայրում արդյունահանումն առ այսօր չի վերականգնվել: