Արմինֆո. Ամեն տարի ԱՄՆ Պետքարտուղարության շրջանավարտների ներգրավվածության նորարարական հիմնադրամի դրամաշնորհային ծրագիրն աջակցում է ԱՄՆ փոխանակման ծրագրերի բարգավաճող ու ազատ հասարակություն կառուցող շրջանավարտներին։
Ինչպես տեղեկացնում է Հայաստանում ԱՄՆ դեսպանատունը, այս տարի Պետքարտուղարությունն ստացել է 1,014 դիմում 125 երկրներից և ֆինանսավորել է 68 նախագիծ, որոնցից մեկը՝ Հայաստանից՝ Ֆուլբրայթ Ուսանողական Ծրագրի շրջանավարտներ Արմեն Ղազարյանի, Գայանե Սարգսյանի և Muskie ծրագրի շրջանավարտ Աստղինե Պողոսյանի ներկայացրած թիմային նախագիծը։
Նրանց ACT (Վաղվա օրը կերտող Agripreneurs) առաջարկը նպատակ ունի ձևավորել Հայաստանում գյուղատնտեսության ապագան` բարձրագույն ուսումնական հաստատությունների ուսանողների համար իրականացնելով գործնական դասընթացներ հաջողակ ագրոբիզնես սկսելու վերաբերյալ։ «Անհամբեր սպասում ենք նախագծի աճին ու զարգացմանը»,- նշվում է դեսպանատան հաղորդագրության մեջ:
RUB | 4.18 | -0.02 |
USD | 390.04 | -1.40 |
EUR | 415.63 | -1.21 |
GBP | 481.74 | -0.75 |
CAD | 284.60 | -0.69 |
JPY | 25.20 | -0.09 |
CNY | 53.82 | -0.22 |
CHF | 427.68 | -1.72 |