Հայկական տաղավարը ներկայացված է տեքստիլի միջազգային էքսպոյին

Արմինֆո. Թեթև արդյունաբերության ոլորտի վեց ընկերություններ միասնական տաղավարով Հայաստանը ներկայացնում են Մոսկվայում բացված «ՏեքստիլԼեգՊրոմե 49-րդ ցուցահանդեսին։

Հայաստանի զարգացման հիմնադրամի աջակցությամբ հայկական ընկերությունները միջազգային էքսպոյին մասնակցում են արդեն 5-րդ անգամ։ Նախկին ցուցահանդեսների մասնակից բոլոր ընկերություններն արտահանման պատվերներ են ստացել։

«Միայն փետրվարի ցուցահանդեսից հայկական ձեռնարկությունները 400 միլիոն դրամի արտահանման պատվերներ են ստացել։ Ընդ որում, ամեն հաջորդ ցուցահանդեսից հետո պատվերների քանակը նկատելիորեն ավելանում էե,- նշել է ՀԶՀ Միջոցառումների կազմակերպման խմբի ղեկավար՝ Մարկուս Ազադյանը։ 

«Հայկական արտադրանքի արտահանման զգալի աճը, մասնավորպես Ռուսաստան, պայմանավորված է կառավարության, Տնտեսական զարգացման և ներդրումների նախարարության արդյունավետ քաղաքականությամբ և հատկապես արտադրության ու արտահանման խթանման ծրագրերովե,- միջոցառման բացման արարողությանը նշել է ՌԴ-ում ՀՀ առևտրային ներկայացուցիչ Կարեն Ասոյանը։

Տեքստիլ ու թեթև արդյունաբերության արտադրանքի ու սարքավորումների Ռուսաստանի խոշորագույն ցուցահանդեսն անցկացվում է տարեկան երկու անգամ, 40 000 քմ տարածք զբաղեցնող 9 սրահներում։ «ՏեքստիլԼեգՊրոմե 49-րդ էքսպոյին մասնակցում են ավելի քան 200 ընկերություններ աշխարհի 28 երկրներից։ Սպասվում են 35 000-ից ավելի այցելուներ` մեծածախ գնորդներ, ոլորտի մասնագետներ, առևտրային ցանցերի ներկայացուցիչներ, ներմուծողներ։

«Լենտեքսե, «Հելլոե, «Արշալույսե, «Ալեքս տեքստիլե, «Ֆիրմա Լիդաե ընկերությունները, Կամսար Դարբինյան ԱՁ-ն միասնական տաղավարով ներկայացնում են Հայաստանի թեթև արդյունաբերության ոլորտը՝ տրիկոտաժի, գուլպեղենի, հագուստի սեփական արտադրության հավաքածուներով: 

2017 թվականի առաջին կիսմյակում Հայաստանում արդյունաբերական արտադրության ծավալը 2016-ի նույն ժամանակահատվածի համեմատ աճել է 12.4% (նախորդ տարվա աճը`8.9%)՝ կազմելով 660.4 մլրդ. դրամ ($ 1.5 մլրդ): ՀՀ Ազգային վիճակագրական ծառայության տվյալներով՝ աճ արձանագրվել է այդ թվում տեքստիլի արտադրությունում /27,5%/: Ավելի վաղ՝ հունիսի 8-ին, վարչապետ Կարեն Կարապետյանը կառավարության նիստում հայտարարել էր, որ ՀՀ կառավարությունը նախատեսում է թեթև արդյունաբերությամբ զբաղվող կազմակերպություններին լրացուցիչ արտոնություններ տրամադրել: «Ցանկանում եմ ևս մեկ անգամ անդրադառնալ մեր կողմից հայտարարված Հայաստանում թեթև արդյունաբերության, մասնավորապես տեքստիլի, տրիկոտաժի, կաշեգործության, կոշկակարության և գորգագործության ոլորտների զարգացմանն ուղղված պետական գործուն աջակցության անհրաժեշտության հարցին։ Կառավարությունը պետք է իր գործողությունների արդյունքում նպաստի լուրջ ներուժ ունեցող նշված ձեռնարկատիրական ոլորտների զարգացմանը և հատկապես նոր աշխատատեղերի ստեղծմանը»,- ասել էր նա: