Չորեքշաբթի, 20 Սեպտեմբերի 2017 11:36
Նաիրա Բադալյան

Վարչապետն ԱՄՆ կոնգրեսականների հետ քննարկել է հայ-ամերիկյան տնտեսական համագործակցության հեռանկարն

Վարչապետն ԱՄՆ կոնգրեսականների հետ քննարկել է հայ-ամերիկյան տնտեսական համագործակցության հեռանկարն

Արմինֆո. Վարչապետ Կարեն Կարապետյանն ընդունել է Ամերիկայի Միացյալ Նահանգների Կոնգրեսի Ներկայացուցիչների պալատի պատվիրակությանը, որի կազմում են Կոնգրեսի հայկական հարցերով հանձնախմբի համանախագահներ Ֆրենկ Փալոնը, Դեյվիդ Վալըդեյոն և Ջեքի Սփայերը, կոնգրեսականներ Աննա Էշուն, Թալսի Գաբարդը և Ջեյմս Սենսենբրեները:

Ինչպես ԱրմԻնֆո-ին հաղորդեցին կառավարության տեղեկատվության և հասարակայնության հետ կապերի վարչությունից, վարչապետը բարձր է գնահատել ԱՄՆ կոնգրեսականների գործունեությունը տարբեր ոլորտներում հայ-ամերիկյան բարեկամական հարաբերությունների զարգացման ու ամրապնդման գործում և շնորհակալություն հայտնել ԱՄՆ Կոնգրեսին, հատկապես Կոնգրեսի հայկական հարցերով հանձնախմբին` Հայաստանին ու Արցախին արտաքին հատկացումների տրամադրման համար:

Կառավարության ղեկավարն ԱՄՆ կոնգրեսականների հետ քննարկել է երկու երկրների միջև տնտեսական  համագործակցությանը վերաբերող հարցեր: Ներդրումների խրախուսման տեսանկյունից վարչապետը կարևորել է Առևտրի և ներդրումների շրջանակային համաձայնագրի ստորագրումը, ինչպես նաև ԱՄՆ Կոնգրեսի և կառավարության կողմից Հայաստանի ընդգրկումը «GSP» համակարգի արտոնությունների օգտագործման երկրների շարքում: Կարեն Կարապետյանն արդյունավետ է գնահատել նաև Հայաստանի և Ամերիկայի միջև շարունակական համագործակցությունը տեղեկատվական և բարձր տեխնոլոգիաների ոլորտում, որտեղ արդեն մի շարք հաջողված ծրագրեր կան:

Կողմերը մտքեր են փոխանակել առևտրատնտեսական ոլորտը կարգավորող իրավապայմանագրային դաշտի կատարելագործման շուրջ՝ մասնավորապես քննարկելով կրկնակի հարկումը բացառելու համաձայնագրի ստորագրմանն առնչվող հարցեր: Երկկողմ տնտեսական կապերի հետագա խթանման համատեքստում վարչապետ Կարապետյանը կարևորել է նաև Հայ-ամերիկյան միջկառավարական հանձնաժողովի ակտիվ աշխատանքը:

Հանդիպմանն անդրադարձ է եղել նաև Լեռնային Ղարաբաղի հակամարտության կարգավորման հարցին: Կարեն Կարապետյանն ընդգծել է, որ Հայաստանը խնդրի լուծումը տեսնում է բացառապես խաղաղ կարգավորման մեջ և կարևորել է ԱՄՆ-ի՝ որպես ԵԱՀԿ Մինսկի խմբի համանախագահ երկրի շարունակական ջանքերն այդ գործընթացում: «Մենք մեր ռազմավարությունը կառուցում ենք այնպես, որ պարտավոր ենք լինել ուժեղ, որպեսզի մեր անվտանգությունն ապահովենք: Կարծում եմ, որ մեր տարածաշրջանում կատարվող իրադարձությունները շատ պարզ ու թափանցիկ են, և մեզ օգտակար կլինի, եթե միջազգային հանրությունը, տեսնելով այդ ամենը, իր հստակ վերաբերմունքն արտահայտի», - նշել է կառավարության ղեկավարը:

GSP (Generalized System of Preferences) ծրագիրն ԱՄՆ ընդունել է

 1974 թվականին` զարացող երկրներում տնտեսական աճի խթանման նպատակով: Համակարգի շրջանակում  ԱՄՆ ապրանքների ներմուծումը (շուրջ 3500 անվանում)  իրականացվում է արտոնյալ պայմաններով աշխարհի 129 երկրներից, այդ թվում` Հայաստանից: Ինչպես մեկ շաբաթ առաջ ԱրմԻնֆո-ին հաղորդել է տնտեսական զարգացման և ներդրումների փոխնախարար Գարեգին Մելքոնյանը, վիճակագրության համաձայն,մ ԱՄՆ Հայաստանի  արտահանման շուրջ 60 տոկոսն օգտվում է GSP շրջանակում արտոնություններից, ինչը բավականին բարձր ցուցանիշ է: Այսօրվա դրությամբ, ինչպես նշել է փոխնախարարը, նաև արտոնությունների գլխավոր համակարգի շնորհիվ արդեն արձանագրվել է ԱՄՆ հետ ապրանքաշրջանառության բավական աճ: 2017 թվականի հուլիսին ապրանքաշրջանառությունն ավելացել է 38 տոկոսով, մինչև 91 մլն դոլար: Ընդ որում, ինչպես նշել է Մելքոնյանը, առաջին կիսամյակում արտահանումն արձանագրել է 66 տոկոս աճ և կազմել է 35 մլն դոլար:

Նշենք նաև, Հայաստանի և ԱՄՆ միջև կրկնակի հարկման բացառումը քննարկվում է արդեն ավելի քան 20 տարի, 1994 թվականից ի վեր Հայաստանի կառավարությունը բարձրացնում է այդ հարցը: 2000 թվականին հայ-ամերիկյան միջկառավարական հանձնաժողովի նիստում վերստին այդ հարցը բարձրացվել է,  և այն ժամանակից ի վեր ընթանում են նախապատրաստական աշխատանքներ: Ավելի վաղ ԱրմԻնֆո-ն հաղորել էր, որ հոկտեմբերին կրկին ԱՄՆ-ին կառաջարկի նոր պայմանագիր կնքել այդ հարցի շուրջ:   Հայաստանը համանման պայմանագրեր ունի 47 երկրների հետ, վերջինը կնքվել է վերջերս` Իսրայելի հետ: Այդ համաձայնագրերի նպատակը կրկնակի հարկման բացառումն է երկու պետությունների միջև արտաքին առևտրում, կողմերի տնտեսավարող սուբյեկտների հարաբերություններում հարկային խտրականություն թույլ չտալը, գույքի և եկամուտների կրկնակի հարկման բացառումը, ինչպես նաև բիզնեսի համար կանխատեսելի և կայուն հարկային միջավայրի ստեղծումը:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
21.02.2020
RUB7.43-0.07
USD478.35-0.02
EUR517.050.36
GBP617.790.45
CAD360.80-0.23
JPY42.82-0.14
CNY68.13-0.18
CHF487.270.48



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000