Ուրբաթ, 22 Սեպտեմբերի 2017 18:03
Նաիրա Բադալյան

ՀԶՀ. Հայկական ընկերությունները Թեհրանից վերադարձել են 9 պայմանագրերով

ՀԶՀ. Հայկական ընկերությունները Թեհրանից վերադարձել են 9 պայմանագրերով

Արմինֆո. Հայաստանի զարգացման հիմնադրամի աջակցությամբ այսօր «Երևան էքսպո» ցուցահանդեսային կենտրոնում բացվել է իրանական բազմաճյուղ առևտրաարդյունաբերական էքսպոն, որին ներկայացված է 49 իրանական ընկերությունների արտադրանք։ Իրանական բիզնեսը երևանյան էքսպոյին ներկայացել է կենցաղային տեխնիկայի,  քիմիական, տպագրիչ, փաթեթավորման սարքավորումների, գյուղտեխնիկայի, մետաղաձուլական, տեքստիլ և այլ ոլորտների բազմազան արտադրատեսակներով։

«Հույս ունեմ, այս ցուցահանդեսները կդառնան ավանդական՝ իրենց ներդրումն ունենալով հայ-իրանական առևտրատնտեսական կապերի զարգացման գործում»,- միջոցառման բացմանը նշել է ՀՀ տնտեսական զարգացման և ներդրումների նախարար Սուրեն Կարայանը։

Ինչպես ԱրմԻնֆո-ին հաղորդեցին Հայաստանի զարգացման հիմնադրամի լրատվական ծառայությունից, հոկտեմբերի 5-8-ը Թեհրանում տեղի է ունեցել հայկական ապրանքների ցուցահանդես, որին մասնակցել են 103 հայաստանյան ընկերություններ։ «Սա Իրանում հիմնադրամի կազմակերպած ցուցահանդեսի տրամաբանական շարունակությունն է և նպատակ ունի ամրապնդելու հայաստանցի և իրանցի գործարարների միջև տնտեսական կապերը։ Իրանում կայացած ցուցահանդեսից, ի դեպ, հայկական ընկերությունները վերադարձել են 9 պայմանագրով, որից 1-ը՝ արտահանման բացառիկ պայմանագիր և 2 բուհական համագործակցության հուշագիր»,- նշել է ՀԶՀ Ծրագրերի թիմի ղեկավար Ավետիս Հովհաննիսյանը։ 

«Այս ցուցահանդեսով Հայաստանում կբարձրանա իրանական ապրանքների մասին տեղեկացվածությունը, սա նաև հիմքեր կստեղծի ներմուծվող իրանական ապրանքների, կիսաֆաբրիկատների՝ մեր երկրում հետագա վերամշակման, այստեղ համատեղ արտադրությունների հիմնման և դեպի երրորդ երկրներ արտահանման համար»,- նշել է ՀՀ ՏԶՆ փոխնախարար Հովհաննես Ազիզյանը։ 

Նախարար Սուրեն Կարայանը իրանցի գործընկերների հետ շրջայց է կատարել, ծանոթացել ներկայացված տեսականուն։ Էքսպոյի շրջանակում տեղի կունենան B2B հանդիպումներ։

Ցուցահանդեսի պաշտոնական բացումը կատարել են ՀՀ տնտեսական զարգացման և ներդրումների փոխնախարար Հովհաննես Ազիզյանը և ԻԻՀ արդյունաբերության, հանքերի և առևտրի փոխնախարար Հոսեյն Էսփահբոդին։

Նշենք, որ Հայաստանի արտաքին առևտրի շրջանառությունը 2017 թվականի առաջին կիսամյակում կազմել է 1363.5 մլրդ դրամ կամ 2,815 մլրդ դոլար` տարեկան 24% աճով: Հաշվետու ժամանակահատվածում Իրանի հետ ապրանքաշրջանառությունը կազմել է 114,4 մլն դոլար` տարեկան 0,4% աճով: Ընդ որում, արտահանումը կազմել է 34,7 մլն դոլար` 9,3% անկմամբ, ներմուծումը` 79,7 մլն դոլար` 5,3% աճ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
26.03.2020
RUB6.35-0.05
USD497.241.31
EUR544.336.59
GBP592.36-1.02
CAD351.265.42
JPY45.200.69
CNY70.340.24
CHF511.775.00



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000