Ուրբաթ, 29 Սեպտեմբերի 2017 20:15

Արմինֆո. «ԻՆԳՈ Արմենիա՚ ապահովագրական ընկերությունը համակարգաստեղծ է, դեպի հաճախորդները կողմնորոշված, հաստատուն և ամենազարգացածներից մեկն է` ինովացիաների առումով: Սեպտեմբերի 29-ին «ԻՆԳՈ Արմենիա՚ ԱԸ 20-ամյա հոբելյանին նվիրված մամուլի ասուլիսում այդպիսի կարծիք է հայտնել «ԻՆԳՈստրախ՚ ԱԸ  գլխավոր տնօրենի տեղակալ Տատյանա Կայգորոդովան:

«ԻՆԳՈ Արմենիան՚ իր մեջ միավորում է այնպիսի եզակի որակներ, ինչպես ֆինանսական կայունության չափազանց բարձր մակարդակ և կորպորատիվ արժեքներ, որոնք բնորոշ են խոշոր բիզնեսի համար: Մի կողմից, անշուշտ, դա իրականացվում է ԻՆԳՈստրախի օգնությամբ, սակայն, մյուս կողմից, մենք պետք է «ԻՆԳՈ Արմնիայից՚ սովորենք հիանալի կողմնորոշում դեպի հաճախորդները: ԻՆԳՈ Արմենիան օրինակ է այն բանի, թե ինչպես ոչ մեծ շուկա ունեցող երկրում կարելի է արդյունավետ և որակյալ նորովի բիզնես վարել՚, - հայտարարել է Տ.Կայգորոդովան:

«ԻՆԳՈստրախի՚ վարչության գլխավոր տնօրեն, նախագահ Միխայիլ Վոլկովը ընդգծել է, որ «ԻՆԳՈ Արմենիան՚ չափազանց կարևոր տեղ է զբաղեցնում «ԻՆԳՈստրախ՚ խմբում: «Մենք այժմ նշում ենք կրկնակի հոբելյան. ԻՆԳՈստրախը մեկ ամիս անց կտոնի 70-ամյակը, ԻՆԳՈ Արմենիան նշում է 20-ամյակը, և ապահովագրական շուկայի համար դա միանգամայն նշանակալի տարեթվեր են: 2003 թվականից «Ինգո Արմենիայի՚ հսկիչ փաթեթը պատկանում է «ԻՆԳՈստրախին՚ , և այն ժամանակվանից ի վեր մենք ակտիվորեն զարգացնում ենք այդ ընկերությունը: Եվ քանի որ այն աճում է ավելի արագ, քան մեր ռուսական բիզնեսը, մենք ակնկալում ենք, որ այն ավելի մեծ տեղ կգրավի խմբում: Սակայն հայկական շուկայում «ԻՆԳՈ Արմենիան արդեն լուրջ դիրքեր է զբաղեցնում, սակայն մենք տեսնում ենք շատ հնարավորություններ  և զարգացման մեծ ներուժ: Ինձ համար շատ կարևոր կլիներ տեսնել, որ թվանշանային տեխնոլոգիաների բիզնեսնում նույնպես այդ ընկերությունը հաջողությունների է հասնում մեզանից շուտ: Մենք հպարտանում ենք «ԻՆԳՈ Արմենիայի՚ թիմով՚, - ասել է նա:

Տ.Կայգորոդովան ընդգծել է, որ «ԻՆԳՈ Արմենիան՚ հատուկ տեղ է զբաղեցնում բժշկական ապահովագրության հատվածում: «Մենք տեղյակ ենք, որ հոկտեմբերի 1-ից Հայաստանում մեկնարկում է պետական ծառայողների պարտադիր բժշկական ապահովագրության ծրագիրը, և, անկասկած, ԻՆԳՈ Արմենիան աշխատանքի իր եզակի փորձով այդ հատվածում պատկառելի ավանդ կներդնի ՊԲԱ զարգացման գործում՚, - հավելել է Տ.Կայգորոդովան:

«ԻՆԳՈ Արմենիայի՚ գործադիր տնօրեն Արևշատ Մելիքսեթյանն, իր կողմից, պարզաբանել է, որ ընկերությունն այսօր լրջորեն նախապատարաստվում է շուկայի զարգացման երկրորդ հմնական փուլին` ՊԲԱ ներդրմանը: «ՊԲԱ անցման ծրագիրը կիրականացվի փուլ առ փուլ: Նախ, հոկտեմբերի 1-ից պետական ծառայողները կստանան սոցփաթեթ, այնուհետև` անապահով խմբի քաղաքացիները, հետագայում` արդեն բոլոր աշխատող քաղաքացիները: Մենք` ապահովագրողներս, մեզ հաշիվ ենք տալիս, որ այն բանից, թե որքան հաջող կարող ենք անցնել այս փուլը, պետությունը մեզ կվստահի երկրորդի և երրորդի կառավարումը` լիակատար անցումը ՊԲԱ-ի՚:

Նշենք, որ «ԻՆԳՈ Արմենիա՚  ԱԸ ստեղծվել է 1997 թ, «Էֆես՚ անվանմամբ: 2004 թվականին տեղի ունեցավ վերանվանում, երբ ռուսական ապահովագրական հսկան` «ԻՆԳՈստրախը՚, որոշեց մուտք գործել հայկական շուկա, ձեոք բերելով «Էֆեսի՚ բաժնետոմսերի 75 տոկոսը և այն վերանվանելով` համաձայն իր ռազմավարությանը` «ԻՆԳՈ Արմենիա՚: 2017 թվականի հունվաի 1-ի դրությամբ «ԻՆԳՈ Արմենիա՚ ԱԸ ակտիվները հասել են 11.8 մլրդ դրամի, սեփական կապիտալը` 3.96  մլրդ, ապահովագները` 8.7 մլրդ, ապահովագրական փոխհատուցումները` 3.5 մլրդ դրամի: 2016 թիվն «ԻՆԳՈ Արմենիան՚ ավարտել է 0.9 մլրդ դրամ շահույթով: Ընկերության ապահովագրական պորտֆելը բավականին դիվերսիֆիկացված է, սակայն ապահովագների ծավալով գերակշռողը ԱՊՊԱ-ն է, բժշկական ապահովագրությունը, գույքի ապահովագրությունը (31.12.2017 դրությաբ դրամի հաշվարկային փոխարժեքը` 483,94 դրամ/1դոլար):