Արմենիան Քարդ-ն արդիականացրել է ԱրՔա-ի լոգոն - վեր սլացող սլաքն այժմ խորհրդանշում է միտվածությունը դեպի զարգացում, առաջընթաց և նոր նվաճումներ

Արմինֆո. Արմենիան Քարդ ընկերությունն իրականացրել է ապրանքային նշանի փոփոխություն: ԱրՔա ապրանքանիշի կերպարանափոխման ժամանակ հաշվի են առնվել համակարգի անցած ճանապարհը, ձեռքբերումները և նվաճումները, որոնք արտահայտված են ճանաչելի դարձած լոգոյի մեջ: Միևնույն ժամանակ համակարգը միտված է զարգացման, առաջընթացի և նոր նվաճումների, որոնց խորհրդանիշն է A տառի երկու մասնիկները միավորող վեր սլացող սլաքը:

ԱրմԻնֆո գործակալությանը տեղեկացվել է Ընկերությունից, Լոգոյի գույները՝ կապույտ (խաղաղություն) և ծիրանագույն (առատություն և դրան ուղղված աշխատանք) խորհրդանշում են նրա ընդհանուր գաղափարը՝ մշտական զարգացմանն ուղղված խաղաղ և արգասավոր աշխատանք: Նոր լոգոն առաջին հերթին կհայտնվի նոր թողարկվող ԱրՔա չիպային քարտերի վրա, ինչպես նաև Ընկերության կայքում:

Ըստ ՀՀ Կենտրոնական բանկի տվյալների, 2017 թվականի հուլիսի 1-ի դրությամբ շրջանառվող քարտերի քանակը կազմել է 1.6 մլն, որից 533.6 հազարը՝տեղական ArCa քարտերն են: Պլաստիկ գործարքների ընդհանուր ծավալը 2017 թվականի առաջին կիսամյակում գրեթե հասել է 749 մլրդ դրամի, տարեկան 14.2% աճով: 2017-ի հուլիսի 1-ին Հայաստանում, կար 7184 POS- տերմինա (790-ը՝բանկերում), և 1347 բանկոմատ:

Նշենք, որ Հայաստանում բանկային քարտերի շուկայի զարգացման սկիզբը դրվեց 2000 թ. մարտին, Ազգային միասնական վճարային համակարգի (ԱՎՀ)՝ Արմենիան քարտ-ի ստեղծումով (ArCa): Արդեն 2000-ի դեկտեմբերին «Արմենիան Քարդ» ՓԲԸ-ն դարձավ MasterCard Worldwide միջազգային վճարային համակարգի հիմնական անդամ: 2001 թվականից Արմենիան քարդը հանդես է գալիս որպես պրոցեսինգային կենտրոն, միաժամանակ ապահովելով նաև MasterCard Worldwide քարտերի թողարկումը և էկվայրինգը, ինչպես նաև Visa քարտերի էկվայրինգը, ունենալով Member Service Provider (MasterCard) և Third Party Processor (Visa Int.). համապատասխան կարգավիճակ: 2010-ից Արմենիան քարդը հանդես է գալիս նաև որպես American Express (Third Party Processor) վճարային համակարգի պրոցեսինգային կենտրոն:

2013 թ. փետրվարի Ընկերությունն ամբողջովին թարմացրեց ծրագրային ապահովումը, համապատասխանեցնելով անվտանգության միջազգային պահանջներին, նոր փուլ բացելով Հայաստանի ինտերնետ և բջջային վճարումների շուկայում: 2014-ի վերջին Արմենիան քարդը հայտարարեց 3D Secure տեխնոլոգիաների ներդրման մասին: 2016 թվականի հունիսի 3-ին մտադրությունների մասին համաձայնագիր ստորագրվեց «Արմենիան Քարդ» ՓԲԸ և ռուսաստանյան «Միր» համակարգերի միջև, որով ենթադրվում էր ArCa և Միր քարտերի փոխադարձ սպասարկում: Փորձնական ծրագիրը հաջողությամբ ավարտվեց 2017-ին և արդեն երկու բանկեր՝Արդշինբանկը և ԱԿԲԱ-Կրեդիտ Ագրիկոլ Բանկը, սկսել է թողարկել ԱրՔա-Միր կոբրենդինգային քարտեր:

Հիշեցնենք, որ «Արմենիան Քարդ» ՓԲԸ հիմնական բաժնետերն է ՀՀ Կենտրոնական բանկը, որին հաջորդում են՝ԱԿԲԱ-Կրեդիտ Ագրիկոլ Բանկը, Հայէկոնոմբանկը և Արդշինբանկը, ավելի քան 2 տոկոս բաժնեմասերով, իսկ մնացած 14 բանկերի մասնաբաժինը կազմում է երկու-ական տոկոս: