Փորձագետ. 2014-ից մինչ օրս հայկական սթարթափները վենչուրային կապիտալի և ներդրողների միջոցով ներգրավել փն մոտ 90 մլն.դոլար

Արմինֆո.Հոկտեմբերի 16-ին, Երևանում մեկնարկում է Catalyst հիմնադրամի «Հայաստանի սթարթափների ակադեմիա» պիլոտային արագացված ծրագիրը, որի շնորհիվ մասնակիցները կարող են վերապատրաստվել նորարարական բիզնեսի, արտադրանքի և լուծումների արտահանման գծով: Հոկտեմբերի 3-ին տեղի ունեցած մամուլի ասուլիսում այս մասին հայտարարել է ՀՀ տնտեսական զարգացման և ներդրումների փոխնախարար Էմիլ Տարասյանը, նշելով, որ ծրագրի մշակման ընթացքում օգտագործվել է միջազգային լավագույն փորձը և մեթոդաբանությունն արագացումների ծրագրերի ոլորտում: Նրա խոսքերով, ծրագրում ընդգրկված են ինչպես տեղեկատվական տեխնոլոգիաների, այնպես էլ բարձր տեխնոլոգիաների սթարթափներ:

Պատասխանելով ԱրմԻնֆո-ի հարցին, Է. Տարասյանը նշել է, որ Հայաստանում ամեն տարի միայն տեղեկատվական տեխնոլոգիաների ոլորտում ստեղվում է շուրջ 100 սթարթափ՝ (առանց ինժեներական ոլորտի): Այս կապակցությամբ նա նշել է, որ կառավարությունը մտադիր է խթանել բարձր տեխնոլոգիաների ոլորտում բիզնեսի զարգացմանը: Միևնույն ժամանակ, Է. Տարասյանն ընդգծել է, որ Հայաստանում հաջողոթյամբ զարգացող սկսակների թիվը զգալիորեն զիջում է անարդյունավետ բիզնեսների թվին: «Բայց նորարարության ոլորտի ներուժը բավականին բարձր է: Եվ մենք պետք է աշխատենք այդ ուղղությամբ », - ընդգծել է նա: Նրա խոսքով, ՀՀ կառավարությունը մտադիր է նման ծրագրերի իրականացման միջոցով շարունակական օժանդակություն ապահովել սկսնակների համար, պարբերաբար ներկայացնելով բիզնեսի խթանման գործիքներ, զարգացնելով ներդրողների հետ հաղորդակցման հմտություններին, նրանց համար ապահովելոով այն հնարավորությունները, որոնք օգտագործվում են զարգացած երկրներում:

«Եվ ամենակարևորը, լրացնելով բացերն այս էկոհամակարգում, անհրաժեշտ է ստեղծել հարմարավետ պայմաններ մեր սկսնակ ընկերությունների համար, դրանով իսկ պահպանելով իրենց ներկայությունը ներքին շուկայում: Իսկ դուրս գալու դեպքում ապահովել, որպեսզի նրանց գործունեության արդյունքները ծառայեն Հայաստանի տնտեսությանը», - ասել է նա:

Իր հերթին, Catalyst հիմնադրամի համահիմնադիր Աշոտ Արզումանյանը նշել է, որ 2014 թ. մինչև օրս հայ սթարթափները վենչուրային կապիտալի և ներդրողների միջոցով ներգրավել են մոտ 90 մլն.դոլար, հավելելով, որ ակադեմիան նորարարների համար կգործի հոկտեմբերի 16-ից, 12 շաբաթ: «Ծրագիրը բաժանված է 3 փուլի: Առաջին տուրում, որը կտևի 4 շաբաթ, նախագիծը նախատեսում է սկսնակների ախտորոշում, երկրորդ տուրում տեղի կունենա պլանի կազմումը, իսկ եզրափակիչ փուլում կընթանա շուկա դուրս գալուն ուղղված աշխատանքների պլանավորումը: Ա. Արզումանյանը նշել է, որ մասնակցության հայտերը կարող են ներկայացվել մինչև հոկտեմբերի 9-ը ներառյալ:

Հիմնադրամի համահիմնադիրը նշել է, որ վաղը`հոկտեմբերի 4-ին, ժամը 19.00-ին Հայաստանի ամերիկյան համալսարանում տեղի կունենա սթարթափների տեղեկատվական նիստը, որտեղ Հիմնադրամի ներկայացուցիչներն ավելի մանրամասն կներկայացնեն Catalyst հիմնադրամի ծրագիրը:

Նշենք, որ «Հայաստանի սթարթափների ակադեմիա» ծրագիրն իրականացվում է Հայաստանում ՓՄՁ զարգացման աջակցման ծրագրի շրջանակներում (SMEDA), որը  համաֆինանսավորվում է ԵՄ և Գերմանիայի Տնտեսական համագործակցության և զարգացման նախարարության կողմից: Ծրագրի արժեքը կազմում է 6,4 մլն եվրո: