Արմինֆո.ՌՈՒՍԱԼ ընկերությունը, ալյումինի աշխարհում խոշորագույն արտադրողներից մեկը, որի կազմում է փայլաթիթեղագլանման ԱՐՄԵՆԱԼ գործարանը, հոկտեմբերի 25-27 Երևանում առաջին անգամ կանցկացնի գիտափառատոն «ՌՈՒՍԱԼ ՓԱՌԱՏՈՆ #Գիտություն»: Միջոցառման նպատակն է խրախուսել դպրոցականների հետաքրքրությունը գիտական ստեղծարարության և գյուտարարության հանդեպ ճարտարագիտա-տեխնիկական ուղղություններով, որոնք պահանջարկված են ՌՈՒՍԱԼ-ի համար, հանրամատչելի դարձնել գիտությունը:
Ինչպես ԱրմԻնֆո-ին հաղորդեցին ընկերության մամուլի ծառայությունից, փառատոնը կանցնի մեծածավալ ինտերակտիվ միջոցառման ձևաչափով: Ծրագիրը ներառում է գիտական ցուցահանդես, ռուսաստանյան և հայ հայտնի գիտնականների դասախոսություններ, «Գիտություն 2.0» («Наука 2.0») հետուստաալիքի գիտահանրամատչելի ֆիլմերի ցուցադրում, աշակերտների էքսկուրսիա ԱՐՄԵՆԱԼ գործարան, «Ճարտարագետների գավաթ» ինտելեկտուալ խաղ ավագ դասարանների համար և գիտական խաղ «Տիեզերական գործակալություն»:
Ինտերակտիվ գիտական ցուցահանդեսը կգործի հոկտեմբերի 27-ից Երևանի պետական համալսարանի գլխավոր մասնաշենքում, որը Երևանում «ՌՈՒՍԱԼ ՓԱՌԱՏՈՆ #Գիտության» գործընկերն է: Ցուցահանդեսին երեխաներին և ավագներին հետաքրքրաշարժ ձևով կպատմեն գիտական գյուտերի մասին, նրանք կմասնակցեն վարպետության դասերին և շոու-փորձերին, կհամտեսեն մոլեկուլային խոհանոցի խորտիկները, կմարտնչեն ռոբոտների մարտերում, քվադրակոպտեր բաց կթողնեն, կայծակը կշոշափեն, իրենց սմարտֆոնները մանրադիտակ կդարձնեն, վիրտուալ իրականության աշխարհը կխորասուզվեն, կստեղծեն ծավալային կառուցվածքներ եռաչափ գրիչներով և այլն: Ցուցահանդեսի այցելուներին կծանոթացնեն մետաղների հատկությունների հետ, ալյումին ստանալու և մշակելու եղանակների հետ, բոլոր ցանկացողները կարող են իրենց համար ալյումինե հուշանվեր պատրաստել:
«Յուրաքանչյուր օր աշխարհում ի հայտ են գալիս գիտական բացահայտումներ և հետազոտություններ, որոնք փոխում են կյանքը, դարձնում այն առավել կատարյալ և հարմարավետ: Նրանց ոչ քիչ մասը վերաբերում է մեր ոլորտին՝ ալյումինի արտադրությանը, որն աշխարհում ամենապահանջարկված գունավոր մետաղն է: Մեզ համար չափազանց կարևոր է Հայաստանի պատանի սերնդի մեջ հետաքրքրություն արթնացնել գերարդիական գիտատեխնիկական տեղեկատվության և առաջավոր տեխնոլոգիաների հանդեպ, ինչը կօգնի մասնագիտության ընտրությանը», - նշել է ԱՐՄԵՆԱԼ-ի գլխավոր տնօրեն Ադոլֆ Զալցմանը:
Գիտական տոնը նախատեսված է ամենալայն լսարանի համար: «ՌՈՒՍԱԼ ՓԱՌԱՏՈՆ #Գիտության» միջոցառումների մուտքն ազատ է: Նախագծի մասին մանամասն տեղեկատվություն կստանաք rusalfestival.ru կայքում և սոցցանցերի էջերում՝ facebook.com/rusalfestival և vk.com/rusal_festival:
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
Ինչպես է փոխվել միջին աշխատավարձ ստացող քաղաքացու կենսամակարդակը վերջին տարում
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը