Արմինֆո. ՀՀ գյուղատնտեսության նախարարությունը, ՄԱԿ-ի Պարենի և գյուղատնտեսության կազմակերպության աջակցությամբ նախատեսվում է իրականացնել մի ծրագիր, որի շրջանակներում կիրականացվի խաղողի այնպիսի տնկիների տնկում, որոնք դիմացկուն են ֆիլոքսերիայի նկատմամբ: Այս մասին հայտարարել է գյուղատնտեսության նախարար Իգնատի Առաքելյանը հոկտեմբերի 11-ին կայացած մամլո ասուլիսում, ամփոփելով նախարարության 2016- 2017 թվականների գործունեության արդյունքները:
Նախարարը չի հրապարակել ծրագրի բյուջեն, բայց նմշել է, որ ծրագրի շրջանակներում կհաջողվի պահպանել Հայաստանի խաղողի ինչպես էնդեմիկ, այնպես էլ ներմուծվող տեսակները:
Գինեգործության զարգացման առումով նախարարը գոհունակություն է Հայաստանի խաղողագործների և գինեգործների հիմնադրամի գործութունեության կապակցությամբ, որն ստեղծվել է ՀՀ կառավարության որոշմամբ, 2016-ի հունիսին: Հիմնադրամի գործունեությունն ուղղված կլինի արտադրվող գինիների որակի բարձրացմանը: Ըստ նախարարի, հիմնադրամի շնորհիվ իրականացվել են բազմաթիվ միջոցառումներ, ապահովել է տեղական ընկերությունների մասնակցությունը միջազգային մասնագիտացված ցուցահանդեսներին, որտեղ հայ գինեգործներն արժանացել է բազմաթիվ մրցանակների: «Մենք արդեն տեսնում ենք գինու վաճառքի աճը, ինչպես արտահանման, այնպես էլ երկրի ներսում իրացման առումով», - ասել է Առաքելյանը:
Ավելի վաղ, օգոստոսի 18-ին տեղի ունեցած մամուլի ասուլիսում Հայաստանի Ազգային գինու կենտրոնի նախագահ Ավագ Հարությունյանն ասել էր, որ Արարատյան դաշտավայրի և նախալեռների մի մասը հայտարարվել է որպես ֆելոքսերիայով վարակված: Ըստ Հարությունյանի, ակնկալվում է, որ այդ տարածքում կսկսվի եվրոպական սորտերի խաղողի տունկը: «Ըստ պաշտոնական տվյալների, ֆիլոքսերիայով վարակված է ավելի քան 100 հեկտար տարածք: Բայց կարծում եմ, որ այն շատ ավելի է», - ասել է նա: Միևնույն ժամանակ փորձագետը մտահոգություն է հայտնել, որ ֆիլոքսերիան շարունակում է տարածվել արագ տեմպերով, իսկ դրա դեմ պայքարը բացակայում է: Ըստ նրա, ֆիլոքսերիան Եվրոպա է բերվել Ամերիկայից ,100-120 տարի առաջ, իսկ Հայաստանում այդ հիվանդությունը հայտնվել է անցյալ դարի 20-ական թվականներին, բայց հետո այն շատ չի տարածվել, կապված եղանակային պայմանների, ոռոգման մեթոդի և հողի կառուցվածքի հետ: Բացի այդ, դեռևս խորհրդային ժամանակներում արգելված էր խաղողի նոր սորտերի ներմուծումն Արարատյան դաշտավայ:
ՀՀ Ազգային վիճակագրական ծառայության տվյալների, Հայաստանում արտադրված կոնյակի ծավալը 2017-ի հունվար-օգոստոս ամիսներին տարեկան կտրվածքով աճել է 60,7%, մինչև $ 18.4 մլն լիտր: Հաշվետու ժամանակաշրջանում, գինու արտադրությունն աճել է 35.2%, կազմելով 5.1 մլն լիտր, իսկ օղու արտադրությունը կրճատվել է 31.9%, կազմելով է 3.5 մլն լիտր: Շամպայն գինիների արտադրությունը հաշվետու ժամանակահատվածում կազմել է 305 հազ. լիտր, 2016-ի 253.9 հազար լիտրի փոխարեն: Հաշվետու ժամանակահատվածում վիսկիի արտադրությունը կազմել է 849,7 հազար լիտր (անկումը`17%): Ոչ ոգելից խմիչքների արտադրությունը կազմել 60,7 մլն լիտր, ինչը 31,4% ավելի է, քան նախորդ տարվա հունվար-օգոստոսի համեմատ: Ըստ ՀՀ Մաքսային ծառայության տվյալների, 2016-ին Հայաստանից արտահանվել է 1,8 մլն լիտր գինի, տարեկան աճը`27.7%, որի մաքսային արժեքն աճել է 43.6%, կազմելով $ 5,9 մլն. Առաջին կիսամյակում գինու արտահանումն աճել է 61% և կազմել 1271.9 հազար լիտր, որի մաքսային արժեքն աճել է 84,3%, կազմելով $ 4.7 մլն: