Չորեքշաբթի, 18 Հոկտեմբերի 2017 19:35

Արմինֆո.Իտալական հայտնի Elitaliana ընկերությունը դիտարկում է Հայաստանում ուղղաթիռի բազայի ստեղծման հնարավորութոյւնը, մի շարք ծառայությունների տրամադրման համար, սկսած սանավիացիայից և վերջացրած փոստային ծառայությունների հրատապ առաքումով:

 

Քաղաքացիական ավիացիայի գլխավոր վարչության մամլո ծառայության հայտարության մեջ ասված է միայն այն մասին, որ ընկերության ղեկավարությունը հանդիպում է ունեցել ՔԱԳՎ ղեկավարության հետ, որի ընթացքում ծանոթացել է երկրի ավիացիայի ոլորտի քաղաքականությանը: Թե հատկապես ինչն է հետաքրքրել հյուրերին, հայտարարույթունում չի ասվում, չի հաղորդվում նաև այն մասին, թե արդյոք իտալացի մասնագետների այցը կապված է Հայաստանում փոքր ավիացիայի ստեղծման ծրագրերի հետ:

 

Մինչդեռ հայտնի է, որ իտալական ընկերությունը, որը հիմնադրվել է 1964 թվականին, ունի ուղղաթիռային բազաներ և տարբեր ծառայություններ է մատուցում աշխարհի տարբեր երկրներում: Բացի Իտալիայից ընկերությունը լայն ցանցեր ունի Բոսնիայում և Հերցեգովինայում, Կոսովոյում, որոշ լատինամերիկյան երկրներում: Ընկերությունը, որն զբաղվում է ապրանքների տեղափոխմամբ, տրամադրում է նաև օդային տաքսիի ծառայություններ, աշխատուժ է տեղափոխում դժվարանցանելի շրջաններ, զբաղվում քաղաքացիական պաշտպանության հարցերով, կատարում օդային նկարահանումներ, օգնում է կատարել շրջակա միջավայրի մոնիտորինգ, վերահսկում խողովակաշարերի հուսալիությունը, մասնակցում անտառային հրդեհների մարմանը, ինչպես նաև աշխատում է ոստիկանության հետ: